يقولك اسأل مجرب ولا تسأل طبيب
يالغالي هل هو باب واحد ولا بابين وكم ماشي وبكم معروض عليك
يالغالي انا كان معي فايث فندر موديل 91 باب واحد
عاش معنى 7 سنوات
كان مع الوالد
واستلمه اخوي الكبير (لعن جدفه)
واستلمته انا بالاخير (لعنة ابو ابو جدفه)
بالاخير قبل 9 شهور تقريبا صدمني واحد مع الجنب وهو يمشي 160
قلبت عليه ولله الحمد والمنه والشكر (اللهم لك الحمد والشكر)
طبعا راح تشليح تصدق بعته بــ 4000 معه ورقت تشليح وورقة اصلاح
وقبل شهرين شفته بحارتنا مصلح كانه جديد
طبعا اذا انت تعرف الددسن موديل 91 فأقولك هي هي
مكينة ددسن
طبعا يوم كان مع اخوي الكبير صدم عليه مع الوجهيه صدمه جامده
وماحصلنى قطع غيار قالولي الميكانيكي والسمكري قالو جيبو قطع ددسن
وفعلا
كبوت + رفارف+صدام + رديترماء + رديتر مكيف + انوار وشبك واسطبات+
مروحه + تماتيك مروحه +سيور
كلها جبناله قطع ددسن وكلهن ركبت تمام تمام
ورجع كانه جديد
حتى البواجي والديلكو الكبليتر (ركب قطع ددسن ماعندك مشاكل)
من مميزاته العن جدفه ماعندك مشاكل
مكيف بارد
اغلب القطع متوفره <<<ركب قطع ددسن
من عيوبه حراره داخل السياره من عند القير
(ركبت اكثر من سياره زي سيارتي كلها كذا وتتمناها بــ الشتاء)
كان مايتعدى الــ 170 بالقوه مع مسكة الخط يالله يالله يجب الــ 170
قرقشه تقروش مخك <<<بس انا كنت ماعندي مشاكل مع القرقشه
اصلا كنت انطرب مع القرشه
تصدق انو الدفرنس الخلفي كان يهرب زيت مدت 4 سنوات وماعمري عبيته زيت
اعتقد اني يوم اقلب عليه طلعت اخر نقطه زيت منه
طبعا انا واخوي الي اكبر مني
بما اننا من (حايل)
كل اربعاء بالنفود
ايه نعم كل اربعاء ورجلي ماترتفع عن البنص
تقريبا 3 سنوات كل اربعاء مانفوت ولا اربعاء
لازم يطب النفود
وش اقولك سوينابه هوايل احس مكينته تبي تنفجر
بس ترنا كسرنا الدفرنس الامامي كسر <<<بلا والله من رجلينكم ودعسكم عليه
شرينا دفرنس امامي حق 94 بــ 1300 ريال وكبناه ورجعنى للنفود
العكس الايمن انكسر مرتين والايسر مره
قيمت العكس 400 ريال ياباني مو وكاله
(طبعا من سواقنتا بالنفود )
احط الدبل بالثقيل واكسر الدركسون على اخر شي وبالريوس
وشوف النبث تقول كنك بربع 2010
طبعا بالاخير شريت ربلات للعكوس اصليه الواحد بــ 50 ريال
وصرت تفحيط بالنفود بدون اي مشاكل
ادري طولت عليك لكن بالمختصر
مكينته عاشت بدون ماقالت اي كلمه ( معودها على الكرف)
طبعا كنت اغير فلتر الهواء كل 3 شهور والزيت كل 3000 كيلو
كان ينصق الزيت نص علبه <<شي طبيعي من دعسكم على المكينه 3 سنوات على هالحاله
ينقص زيت بس كان الوضع طبيعي بدون مشاكل لاني منتضم بتغيير الزيت
واعتقد نقص الزيت من الدعس بالنفود
7 سنين من الكرف ولا عمري فكيت المكينه ابد ولا مسمار فيها
اذا تبي نصيحتي اشره اذا هو نضيف مافيه صدوم
بس تأكد من مكينته موضبه ولا مشمبره
اذا المكينه موضبه او مشمبره ما انصحك فيه
وسعره اذا كان نضيف بدون صدوم 15 الى 16 الف حسب سعر مدينة حائل
اقولك حسب مدينة حائل فقط بس مادري بكم انت لاقيه
وزي ماتقول مكلف على راعيه 16000 !!! ؟؟؟
ليش 16000 مستغرب والله لاني عارفه وعارف قطعه
الا اذا هو مركب مكينة وقيري كابرس SS فــ يمكن تاصل 16000 الف
او انه كان يسويله صيانه عند وكاله بي ام دبليو او مرسيدس
اسأله وش الاشياء الي غيرها وكلفت عليه 16000
وانا اعلمك بالوكاد
والله سالفتكم سالفة مع هـ الموتر
تصدق رحمته !!:blue:
بس بعد كلامك أحسّ إني تحمست اشتريه وأجي أبيعه بحايل
أظنه وأنا أخوك ( باب واحد ) .. أنا شفته بالليل ومستعجل
الموتر اشتراهـ واحد سوداني ما أدري بكم بالضبط !!
لكن يقول : خسر عليه 16000 ريال بالمشترى وكلش (إن صدق)
ركب كفرات وسوى له صيانه و و و...إلخ ورآح عليه السودان ورجع وما عاد له فيه حاجه
وقفة الموتر وشكله ما عليه زين
ما قصرت يا عاشق أفدتني كثيــــر
الله يعطيك العافيه ويوفقك لكل خير
