ماذا تفعل لو صدمت سياره وصاحبها غير موجود ؟

استغفر الله العظيم !!
شف عاد !! تجيه بطيبه وأخلاق وأمانة وشف كيف يقابلك ؟؟!!
عسى الله يهديه أو يخلص المسلمين منه.

ومن بيشفع لك ويبري ذمتك يوم الحساب ؟؟

الحمد لله، ما أتذكر إنه سبق وتعرضت لموقف كهذا.
ولكن سبق وتعرضت سيارتي كم مرة لخدوش أو دقوش وهي واقفة.
مثلاً، مرة كنت موقف أصلي، يوم رجعت لاقيت في رفرف الموتر الخلفي هفشة بسيطة، جلست أطالع فيها وعرفت سببها، قربت من الباب حصلت ورقة، مكتوب فيها اسم الشخص ورقم جواله وأنه رجع على موتري وما هو متأكد هل هو بسببه أم بسبب رجوعه ههههههه كذا كاتبها والله.
المهم أرسلت له رسالة نصية كتبت فيها: جزاك الله كل خير على أمانتك والحديد ما يهم المهم انك بخير.

ومرة جالس في السيارة بعد صلاة الجمعة، إلا وشايب يريوس على موتري ويدقشه، بس أشوا طلعت الدقشة في الكفر :D

ومرة بعد يوم طلعت من صلاة الجمعة، لاقيت واحد حاك في الموتر ومنحاش ولا حط أي شي، يا رب تبلاه بنفس هالحركة مرات ومرات فيه.

ومليون مرة ألاقي دقشات صغيرة تصير نتيجة فتح أبواب السيارات اللي توقف بجانب موتري، عسى الله يشل يد كل واحد سواها متعمد، ويهدي كل من سواها غير متعمد.

شكراً على الموضوع :)

اكتب رقمي بورقه واحطها على السياره يلي صدمتها ..
^^

خف علينا ي مايكل شوماخر لا يطق فيك عرق :a1120(121):

وشلون اصدم سيارة وصاحبها مو موجود
يعني لهدرجة انا غشيم ماعرف اسوق

صاحب الموضوع انت شكلك تتعلم بدله بتطلع رخصة قيادة
وشطحت هالموضوع للمنتدى

اانا والله ضربت رفرف مصري عند اشاره توني صاحي من النوم ورايح للدوام وقاعد اقرأ برودكاست ببلاك بيري اول مآسمعت صوت بوري وراي وادعس خخخ مآدريت الا وانا صافق رفرف سيارته آفيو مدري كم موديلها وانا معي اكسنت 2012 مستآجرها والله يااخوان مدري الخطأ علي ولا عليه مدري شلون صارت كذا فجأه المهم ادق فلشر واوقف ويوقف هو " سلامات المهم وهو يمسكني بالكلام ذا المصري بوضت السياره ومدري ايش اناظر لسيارته حكه بسيطه والله اقوله طيب كم تبي فلوس بعطيك كاش وخلني اتيسر يآخي حكه بسيطه عيا ابن اللذينا يبي نجم يجي واحاول معه وعيا .. والسياره مآخذها من اخوي مستاجرها وبإسمه ولا لي تفويض عليها يوم فكرت فيها يآولد ساعه انتظر نجم وادق على اخوي يجي والعن ام القرووشه واحاول مره اخيره مع المصري بعطيه فلوس ويفكني من شره عياا السياره باضت وبوضتها لي قلت له اقول لا باضت ولا ولدت واركب الاكسنت حطها بواحد ولا يردك الا الدايري خخخخخخ كلمت خويي بالمرور توقعت ان المصري لقط اللوحه وبلغ علي قالي خويي اذا فيه بلاغ مرح ينزل الا بعد 24 ساعه قلت سهالات اجل واسلم الموتر .. وارجع للبيت خخخخخ والله بعدها جيت الشارع ادور المصري يمكن يمر من هنا مآحصلته والله لو السياره لي مآانحشت بس المصيبه مستآجرها

انا راح اتحمل مسؤولية "خطأي"
يعني اذا كان ساد الشارع ومضيق علي بسيارته "وصارت لي الحقيقه"
اطلع موتري غصب ولو اصدمه وانا طالع
وانزل اكسر قزازته بعد
يعطل مصالح الناس لانه مايعرف يلبق
ماحد قاعد ينتظره بعد

انتظره واذا طول أحط رقم جوالي .

اذا صدمت احد وهو واقف احط له رقمي واذا اتصل وكان محترم اعطيه اللي يبي اما اذا كان مهايطي اسمعه صوت القطار خاصه اذا كان موقف غلط ...

والله انا واحد صدمني عندي مستشفى الحبيب صدمة قوية من الصدام الامامي ولا حط رقمه ولا شي حسبي الله ونعم الوكيل فيه بس

ياكثر الي يصدمون ويهربون لكن وين يروح والله مسكين بدعوه وحده من المصدوم بتروح سياره صادم وبيدفع اكثر

ان الله يمهل ولا يهمل


انا عن نفسي لما كنت مراهق كنت مطير وجيت بشطف واحد من وره جيب وتروح صطباته الخلفيه وافقع زي ما انا

قبل سنه تذكرت سالفه ذي ورحت اقرب محل صيانه اشوف كم سعرها الاصلي ودفعت قيمتها بصدقه لجمعية خيرية

لآن يقولك اذا اكلت حق ناس او شي لازم تبحث عن شخص او تجلس فتره تدوره واذا مرت فتره ماحصلته لازم تتصدق بفلوس قيمتة بنية انه للشخص الي اخطاءت بحقه من سـرقه او تكسير او ماشابه


هذي صدمه زمان قبل 5 سنوات لما كان عمري 18 سنه

وبطعآ الحين مستحل اهرب بفعلتي خوفآ من الله

اكتب في ورقه رقمي واذا اتصل علي نتفاهم

انا صارت فيا اكثر من مره ...

مره اجد الصدام طايح .. الرفرف مطعوج .. غطاء الكفر ( في الجيب ) مكسر .. خدوش على السيارة .... الصراحة وعشان اكون صادق .. كل ما اشوف الخرابات هذه ادعي على اللي كان السبب

عندي كامري 2000 وأنا كنت رايح أخذ شهادة الثانوية ومع التقاطع توني معديه إلا ماكيز 95
يدقني مع الرفرف والصدام بس عفطة في الرفرف ولا راحت الصبغ ولا شي هديت إلما جين جنبه وقلتة شفيك وقام يهايط ووقفة بنصف الشارع بالغصب وقلتة والله ماتروح ألما تصلح السيارة ويجي المرور ونتواعد في المرور الساعة 1 ويجي مع أخوة كبير مع أنه كبير ولا قال أخوه إلا كل خير ووديتها عند أحسن ورشة وخذيت الفلوس ولا صلحتها
لو ما هايط كان خليته بس شي يرفع الضغط

وأكيد راح أحط رقم جوالي

مستحيل اصدم احد لاسمح الله واهرب
يا اخي احنا مسلمين ولو هربت اليوم من بشر عشان مبالغ بسيطه
يوم القيامه وين تهرب من ربك ( لامفر )
غير السيئات اللي تاخذها لو ماسامحك
وتخيل يدعي عليك
ياوجه الله اقسم بالله انه شي يفجع
ياعمي وسخ دنيا فلوس لو استلفها واعطيه حقه
ومن قال حقي غلب
والحين ماله داعي التهرب وحركات الدشير 75% السيارات عليها تامين الزامي
ومستقبلا بإذن الله راح يصير عل اقل تقدير 90%
وفي الاخير ترجع لخوف الشخص من ربه
والتربيه
واعتذر عن الاطاله وكفانا الله وحمانا من شر الحديد والطرقات

والله لو انها خدش بسيط اني لانتظره ولا احط رقم جوالي .. ياخي فكنا من دعاوي الناس يصقعك بدعوة وفجأة انك مسنتر على وجهك

والله انا مرة رجعت ريويس المهم ما دريت الا وانا داعم انوفا وحطيت رجلي اقوى ما عندي وقفت السيارة بعيد ورجعت للانوفا الرفرف نازل وانا الأصطب انكسر وطبعا نحشت لأن كان ما عندي رخصة ولا اثبات وطفرة بعد
لكن لو الحين داعمة كان كتبت رقمي بس شعور رائع يوم هربت :rolleyes1::rolleyes1:

صراحه موضوع رائع جدا

ههههههههههههههه ذكرتني :)

اذا صدمه قويه وسيارتي جديدة بدعي عليه بكل صلاة