ساب تعتبر فئه عاليه زي فولفو
وتصاميمها ومواصفاتها فريده ونادره
منها ان الكفرات الي ورا تلف عشان تساعد بالثبات
وتصميم داخلي يشبه الطائرات
وكل محركاتها تيربو
بس الوكيل عندنا يركز على انواع معينه من سيارات GM يسوقها ويهتم فيها ويحط عليها عروض وبكذا تكون اسهل عليه ووطبعا جايب ساب وحاطها للي يبغاها عشان يرضي الشركه الأم انه جايب كل السيارات*
يعني بدل مايبيع بصل و منقا و تفاح
قاعد يبيع بصل بس و الربح نفسه نفسه بس اذا تبغا تفاح ترا موجود
صح لسانك يا اخوي الساب من أعرق شركات السيارات في العالم و هي اللي مطورة نظام التيربو للمكلارين و كان في فئة من البنتلي نزلت بمحرك 4 سلندر و تيربو من ساب و كل سيارات ساب تخضع لأختبار تحمل و هو 100 الف كيلو متر بدون توقف إلا لتغيير الزيوت و الفلاتر و الصيانة السريعة و تبديل السواقين و أنا شفت هذا الفلم شخصياً. إضافة إلى كذا هي الوحيدة اللي عندها سيارات 4 سلندر بأداء محركات الستة و الثمانية سلندر و الفضل لأنظمة التيربو المتطورة و اللي تعد من الأفضل في العالم ولا تقل عن تطور و كفائة أنظمة التيربو الموجودة في سيارات البورش أضف إلى انه الساب سعره بالنسبة كون أنها سيارة أوروبية بامتياز وجودتها و تفوقها في مجال السلامة يعتبر مناسب لاسيما أنها تتسيد قمة السلامة مع فولفو أما الشكل الخارجي فهذي مسألة أذواق لكن معروف في أوروبا و أمريكا أن الساب سيارة الطيارين و المهندسين و الناس العمليين و الحديث عن الساب يطول لكن اللي ما يعرف الصقر يشويه
