السلام عليكم
كيف حالكم اخوتي
انا امس الصباح صحيت بدري فقلت خلني امر على المجدوعي
اشوف ما هي آخر اخبارهم
دخلت للوكالة و اخذت دورة كاملة ثم جلست عند احد مندوبي المبيعات
و كان خفيف دم و الجلسة معه توسع الصدر بصراحة
ندخل بالموضوع
سوناتا 2011
س/ متى بتعرضون سوناتا 2011 ؟
ج/ ما عندي خبر بالضبط.
س/ طيب الاسعار في حدود كم ؟
ج/ اممم صدقني ما عندي خبر عنها .. لكن خلني اشوف لك من الشباب
أنا قلت له معقولة !!!!
انت مندوب مبيعات و ما عندك ولا حتى فكرة عنها
ترانا ندري انها عندكم بالمستودعات و وصلتنا صور لها بعد من ساحتكم
المندوب/ انا سمعت انها عندنا لكن ما فضيت اروح اشوفها <<< كثر منها
المهم و بعد حوسة و اتصالات و تداخل مع مندوبين ثانين
طلعت لكم بحاجتين
1- الأسعار فيها زيادة عن الموديل القديم من 5000 إلى 8000 ريال
2- نزول السيارة الأسبوع القادم و هو قال لي اسبوع
بعدين لكم رجال و قال 5 ايام
و احنا نتكلم جاء مندوب مبيعات و قال للأخ اللي أنا جالس معه
وصلك الايميل حق السوناتا ؟؟؟
قال له أي ايميل ؟
فرد عليه بالنسبة للسعر تراهم بيزودون حول 8 آلاف ريال
و بس خلصنا عن السوناتا الجديدة.
++++++++++++++++++++++++
آزيرا 2010 الشكل الحالي
يوجد عرض لدى المجدوعي على
آزيرا 2010
كاملة الموصفات بشاشة و كاميرا خلفية
السعر 86300 فقط
الصراحة سعر خراااافي
لونها احمر
و من الداخل جلد بيج للمهتمين.
