أفالون أو كابريس LTZ

هلابك اخوي انا نظريتي للكابرس عكس كلام اخوووي dhyassir2004

انا معي كابرس 2006SS فل كامل ماشالله تبارك الله الموتر ولله الحمد تمام معي مااشتكي منه انا امشي بالكابرس 230 في المنعطافات والله مافيه اية مشكله ولله الحمد
والافلون ماقول فيها شي بالعكس انا ارشحك تشتري افلون افضلك <<<<لان الافلون لك ولزمن ماشالله <<<<< الكابرس افضل من الافلون رساوة في الخط الكابرس اذا مشيت فيه 160 تفرش الكفرات واذا مشيت في سرعة 200 الكابرس يتساوا في الخط يطلع زي المسطرة ماشالله انسيابي هذا الاشياء تدل على ان الكابرس سيارة خط (الكابرس ملك الخط ) على قولت خوينا يقول الكابرس خرابات انا اقولك المثل (اصابعك مهيب سوا ) اتمنا اني افدك هذي من تجربتي للكابرس والافلون وشكررررررا

كاابرس أكيد ........ بس لو تستاجر السيارتين وتجرب فيهم يكون أحسن لك ،،،،،،

وفيه خيار ثاني وهو الكراون أو الماركيز :D

السلام عليكم ورحمة الله وبركاته
اخوي انا حصلي الشرف مع الاثنين وودي افيدك بتجربتي
انا كان عندي افالون 2005 اكس ال
شريتة مستعمل من واحد مهمل ولكن الموتر ماجاه صدمات ابد
الموتر بشكل عام ممتاز ولكن صرفية البنزين زايده شوي او ان التانكي صغير
اول مشكلة اللي حق ثلاجة الزيت حق المكينة خرب علي وانا ماشي السيارة صارت تدخن من تحت انا قلت الموتر احترق ولكن طلع اللي هذا انفقع ونزل زيت المكينة كامل ولكن الحمد لله لحقت على المكينة وماجاها شي تم تصليحة في الوكالة اللي قيمته 108 ريال ولكن شغل اليد 1200 ريال
بعد كذا خربت الثلاجة حقت المكيف تصليحها في الوكالة 3000 ريال لازم يفكون الطبلون كامل لأن الثلاجة خلف الطبلون
السيارة ممتعة في القياده وفي السفر ممتازة واسعة من الداخل نفس وسع الكابرس تقريبا ولكن الارضية للمقعده الخلفية منبسطة في الوسط يعني تحس انه براح زياده
بالنسبة لشنطة الامتعة هي اكبر من شنطة الكابريس في نظري
السيارة فيها مسجل خطير نقاء ولا اروع وقوة صوت عنيفه
شريتها وبعتها بنفس القيمه
بعده شريت كابرس رويال 2006 جديد اصفار مخزن من الجميح
اول شي اول يوم استلمت السيارة فيه كانت ترج مع الفرامل وبدون فرامل انا قلت يمكن الكفرات لأنها كانت قديمة وواقفه منذ مبطي في التخزين المهم هم رفضو يغيرون الكفرات رحت انا غيرتها على حسابي وبعدها جربت السيارة الرجه راحت ولكن الفرامل ترج ولا تمسك زين يعني فيها مشكلة رجعت لهم قالو لازم تسوي صيانة 1000 كيلو عشان تفعل الضمان (السيارة على الضمان) تركتهم ورحت سويت خرط للهوبات وركبت نفس الاقمشة كانت كويسه مافيها شي المهم انتهيت من مشكلة الفرامل
بعد ماسويت صيانة 5000 كيلو بديت الاحظ بقعة زيت تحت السيارة عند البيت رحت شيكتها في الوكالة قالو هذي ليات زيت الدركسون نشدلك القفايز وتصير اوكي وفعلا شدوها وظبطت
بعدها اصبحت اسمع صوت من الدركسون كل مرة الف الدركسون والسيارة واقفة كأن الدركسون في مشكلة او مافي زيت المهم رحتلهم وشيكوها وقالو هذي طبيعية لا تخاف
قلت اوكي بحاول اتعود عليها يمكن صادقين
بعد صيانة 10000 كيلوا الوضع اطور شوي نفس الصوت الي اسمعه مع لفة الدركسون والسيارة واقفة كانه زاد شوي وقسى الدركسون شوي
رجعتلهم قالو لا تخاف كل شي طبيعي وسيارتك جديده
السيارة بشكل عام كويسة في البلد والسفر وصرفيتها اقل من الافالون في البنزين المحرك اقوى
دفع الهوا في المكيف اقوى ولكن التبريد افضل في الافالون
مسجل الكابريس ممتاز ولكن اول ماتعدي درجة ثلاثين يسوي رجة في الديكورات الداخليه حقت السيارة يعني مايمديك ترفع الصوت مسجل الافالون افضل
اخر مرة سافرت في السيارة كان في هوا معترض الخط انا الين ذاك اليوم كنت احس السيارة راسية في الخط ولكن بعد ذاك اليوم كرهتها حسيت انها ورقه طايره مع العلم اني كنت امشي 140 فقط ولكن طفشتني ماني قادر اسيطر على الدركسون مرة يمين مرة يسار هذا كله بسبب الهوا مع انه ماكان ذيك القوه
الزبده انا عرضت السيارة للبيع والحمد لله بعتها بخسارة لكن بسيطة
واليوم استلمها راعيها مني وانا ادور افالون ولكن ليميتد

انا في نظري خذ افالون وانت مغمض ويفضل ليميتد
هذا رايي وبدون تحيز واتمنى مايزعلون اصحاب الكوابرس
نسيت شغله بالنسبه للنور الامامي نور الافالون ممتاز عال واطي ويعطي روئية افض من الكابرس يمكن عشان زنون
نور الكابرس الواطي لك عليه بدون مبالغة يمكن وزنته اكثر من عشر مرات وصلت لمرحلة اشيل مفك مربع معي داخل السيارة واي شارع مظلم اوقف على جمب وانزل اوزنها لكن العالي ممتاز ممتاز ممتاز

الكابرس يطوي المسافه بدعستهااااا كمثل ( SS تركب ماتحس )

فكره حلوه و انا معك نفس الراي

هلااااااابك اخووووووي انا أنصحك بالكابرس والله بالط يطربك ماشالله تبارك الله

اذا الكلام فيه خطوط لا تدور غير الكابريس ولو تاخذ اس اس بيطلع بطل

up
up
up
up
up

انا من وجة نظري كابريس اي واحد راعي خطوط يخذله كابرس ينبسط انا اخوي عندو كابريس 2006 ومبسوط فيها للان مشاء الله ولا خراب وهوراعي خطوط 400 كيلو فالاسبوع مرتين او ثلاث من المدينه لجده ومن جده للمدينه ويقول راسيه وملكه فالخط

ايووا صح لقيت لك حل استاجر لك افالون ..وكابرس او خذ سيارات الشباب <<لمده اسبووع :smilie16: وانت احكم