الفزعه (تصليح مؤشر الإطارات) تاهو 2005

احمد ربك ان سعر الحساس مايتجاوز 200 اسأل عن المكسيما وشوف الفرق

موفق اخوي :a120(115): عاد ارفق عليه بعدين يخرب

ههههههههههههههه حلوه مخربهااا قد هياا تقلك بمئة ريال ومن التشليح وتقله 300 ريال هههههههههههههه معليش على الازعاج

هااااااااااااااااايو شباااابو بضرو في طريقة يا مخربهااا وهياا تشغل السيارة ويطفيهااا بعدين يدوس على الفرامل ثلاث مرات وبعدين يشغلهاا وطبعا لسا حتكون اللمبة شغالة تمشي عليها مسافة خمس دقايق يعني بالكثير 50 ملليتر اووو 50 متر وبعدهاا انشاءالله اللمبة تكون طااافية
وثكران ورمضااااااااااااااان يجمعناا ويجمعكم على الخيرات ومعاكم واحد مستجعل بااااااااااايو

يارجال اي ررنه في الطبلون اسحب عليها كتروني هذا هو اهم شي المكينه وحراره

ولا تهون حبيب ألبي

يعني الحين خلاص مافيه لمبه في الطبلون ؟؟ خخخخخ


عسى الله يعطيك خيره ويكفيك شره وماسوينا الا الواجب وانا اخوك


تحياتي

اخوي مخربها بيض الله وجهك اكتشفت انه في واحد ثاني عطلان وابشرك شريته من التشليح بقيمة 100 ريال وجربت طريقتك وفعلاً نجحت لاهنت يالغلا ..

هلا وغلا أخوي ريمان

قبل أقولك ان هالحساس خربان اخاف انت ما عطيته الوقت كافي
يمكن تكون استعجلت عليه

جربها وطول معاه شوي يعني بحدود 20 ثانيه اذا ما ضرب البوري معانته المشكله في الحساس اللي في هذا الكفر
وترا قيمته ما تتعدى 300 ريال يعني كويسه قيمته لو احتجت انك تغيره

تحياتي أخوي ...

بعد التحية للجميع افيدكم اني سويت طريقة الاخ مخربها وفعلاً نجحت بس في كفر ثاني قدام يمين مادق بوري عند التنسيم يعني عطلان اخوي مخربها ؟؟

الله يعطي الجميع العافيه على المشاركه والرد وبالاخص مخربها وراح اجرب الطريقه وافيدكم بأذن الله .

وعليكم السلام
انا اتوقع انه في حساس ثاني عطلان او انك ركبت الحساس مو في المكان الصحيح
على العموم افتح الكمبيوتر وشوف ظغط الاطارات تحصل مثلا اطار يسار امامي 300 واطار يمين امامي 300 واطار يمين خلفي 300 واطار يسار خلفي --- معناه انه هذا الحساس هو اللي عطلان اتمنى اني افدتك .

لاهنتوا يا شباب الله يعافيكم

اخوي لحن المشاعر

الجمس والشفر نفس الطريقه ان شاء الله


تحياتي

صحيح مزعجه ( نفس الحاله عندي بس جمس مب شفر )

واذا يجيك بعض الاحيان ( افحص ضغط الاطار ) , لاتشيل همها يارجال ماتسوى

كل 3 اسابيع بالكثير شيك ع الكفرات , واذا انت راعي سفر كل اسبوع

وماقصر مخربها بالتوفيق يالغالي .

مشاركة الأخ السابق
كاملة والكمال لله
كفى ووفى الله يعطيه العافية

السلام عليكم
اهلا اخوي


في البدايه حاول تبرمج الحساسات
وانت راح تعرف وين المشكله

طريقة البرمه ماتحتاج كهربائي ان شاء الله
ومن البرمجه راح تعرف اذا كان فيه أي خلل في احد الحساسات


الطريقه
1- شغل السياره وخل القير في الـP او في الـN
وعشان تكون الطريقة أسرع شيل أغطية الأبر اللي على الكفرات وخل معاك مفتاح لتنسيم الكفر
2- طف النور الخارجي وشغله من ثلاث الى اربع مرات لين يعطيك بوري مرتين
3- أول ما تسمع البوري روح للكفر اللي قدايم يسار <--- لازم من الدقه في مكان الكفر
ونسمه لين تسمع البوري
4- بعدها تروح للكفر اللي قدام يمين ونسمه
5- الكفر اللي ورا يمين
وفي الأخير الكفر اللي ورا يسار
وكل الفرات راح تسمع بوري واحد ماعدا الكفر الخلفي يسار اللي هو اخر كفر راح يعطيك طقتين بوري يعني انتهت البرمجه
في هالحاله اللمبه ماراح تطفي
لازم تحطه في الـD وتمشي عليه مسافه بسيطه مره يعني حدود 50 الى 100 متر بالكثير وتطفي السياره وترجع تشغلها

الكفر اللي ماراح يعطيك البوري معناته الحساس حقه خربان
بس لا تستعجل الحكم أحيانا الكفر يطول شوي لين يعطيك البوري يعني حدود 10 الى 15 ثانيه من تبدأ التنسيم لين تسمع البوري

بالتوفيق ان شاء الله وياليت تقولي وش راح يصير معاك


تحياتي