سلام عليكم
ببدأ القصة من بدايتها وابغى من عنده خبرة الشور
1-بدت المشكلة قبل حدود السنة اشتغلت لمبت المكينة واهملتها
2-قبل 3 او 4 شهور اعطاني الكمبيوتر اشارة انه ما فيه ضغط زيت في المكينة ولازم اطفى المحرك جت شوي وراحت وبرضه اهملتها
3-الزيت نقص في المكينة لاني ما شيكت عليه بصورة دورية
4-دخلت السيارة الورشة للسمكرة الظاهر الزيت لبك فيها ولما طلعتها رجعت لمبة ضغط الزيت تشتغل قلت بوصل البيت واوقفها ما ا امداني اوصل البيت الا صوت طقطة في المكينة
5-وقفتها وجبت سطحة بعد كم يوم ووديتها ورشة متخصصة في فولفو شيكوا عليها وقالوا البستم مكسور والكرنك مكسور والسيارة ما تتوضب
6- مالك الا تركب مكينة مستعملة
7- والى الان السيارة تمشي وما تسخن بس قالي الميكانيكي فيه خطر من سواقتها وهي بالشكل هذا لانها ممكن تشب نار من شرار البستم لما يضرب في المكينة من جوا
سؤالي هنا
كيف اعرف اذا المكينة المستعملة زينة ولا تعبانة؟
وش لازم انتبه له لما اشتري؟
وهل فيه شي لو شريت اي مكينة مستعملة يفضل اني اغيره مثل الصوف والتايمنق بلت؟
وانا في الرياض تعرفون احد يبيعها غير التشليح ؟
انا لقيت مكاين في التشليح بـ 4500 ريال راكبه
وشكرا للجميع
