يا جماعة الخير انا مقبل على شراء سيارة دفع رباعي وش تنصحوني فيه ؟؟؟

ماسحبت البرادو ولا شيء...

عندك برادو تروح الوكالة يعدلون لك البرمجة ويادار مادخلك شر

وإذا على الدراهم عندك الستة سلندر من 135 الف - 183 الف ومواصفات ماهي موجودة في اطلق امريكي

قبيح الظاهر يمكن نقول ذوق شخصي...لكن الباطن !

شكلك ماتدري وش في الباطن :bigggrin: وياما تحت السواهي دواهي

الحقيقة شدتني ردود الاخوان
وكما يقال كل يغني على ليلاه
والخيارات بالاخير من اختيارك
ومن السيارات التي شدتني واعجبت بها
واحد مستشاري المبيعات نصني بها ويقول عليها اقبال
وهي تعتبر كل اللي تبغاه بر ديره راحة وعائلية والخ
تجدها بالصور XTerra 2010




من الداخل




صحراوي وبس


الاخيرة صورة خارجية جانبية وسعرها 85 الف وفوق

2009


2010


اتمنى افدتك بشيء تقبل مروري
وللعلم في خاطري هالسيارة بس لابد من اخذ راي الاخوان الاكثر خبرة مني
ومشكورين

8
8
8
برادو؟

لا تستاثم بالرجال :D

تويوتا تسحب حاليا برادو لخلل مصنعي قاتل وانت تنصحه فيه ؟

بعدين برادو 4 سلندر ( مكينة هايلوكس ) بـ 104 الاف ريال !

ويوصل اخر سعر منه لـ 194 الف ريال ! والنهاية سيارة كأنها ( اسياب وزارة ) !!!

الحذر كل الحذر من البرادو قبيح الظاهر والباطن !

بإختصار ..

إذا راعي بر مالك ألا .. البــرادو .

إذا أنت تطلع البر في السنة حسنه مالك إلا الأرمادا .. بصراحة هو عباره عن شيخ

يمشي على الطريق ويملك قوة غير طبيعيه .. ولكن سوف تعاني من كبر الحجم .

بعض الناس كأن بينه وبين السيارة ثأر ودم !

ياخي فيه جموس بالثمانينات ولا تقربعت الى اللحين !

انا ابروح للمكان اللي ابغى بهدوء وطمأنينة ، ومعي امريكي 8 سلندر مايرده شي بإذن الله !

حتى عند البيع ! الفي اكس ار يباع الان بـ 250 ألف ريال وبعد ثلاث سنين بـ 140 ألف ريال يعني طاح فيه 110 الاف ريال ! بينما التاهو يطيح سعره بعد ثلاث سنين نقول 40 ألف ريال !

عقلية التويوتا يمسك سعره لازالت تعشش بعقول البعض ! صحيح التويوتا المستعمل ممكن ما ينقص واجد لكن الجديد يطيح زي الهوا ياحبيبي زي الهوا وآآه من الهوا ياحبيبي :D

بعدين مركب الأمريكي يفرق عن الياباني من حيث الراحة والسعة و( التمدد )......... الياباني تحس ان الكرسي موزون على الراكب ! بينما الأمريكي تركب وبجنبك ولدك ولاعندك مشكلة !

الأمريكان هم أهل الصيد والاكتشافات واغلب سياراتهم فورد اللي عندنا بسرعة يخرب ويتفكك ! مدري ليش مايتفكك عندهم ويمشي زي الحلاوة وحنا لا ! وليش نحس اننا حنا بس اللي فاهمين بالسيارات حتى صرنا افهم من اللي صنعوها !

ليتهم يحطون مادة دراسية تسمى ثقافة الاستهلاك ومن ضمنها السيارات !

السلام عليكم
اول شيئ الله يخترلك الخير
أنا لو مكانك اشوف الباثفندر
وعندك أيضا التاهو جدا رائع

ولو تنتظر لرمضان تقريبا ينزل اكسبلورر الجديد فية مميزات جدا رائعة


تقبل تحياتي

كلامك صحيح 100 %

ولا تنسى بعد ميزة إنخفاض سعر السيارات الأمريكي مقارنه بمنافسينها

يعني بالله 128 ألف تجيبي لي تاهو lt بدبل و 116ألف تجيبي لى فورتشنر فل كامل

أروح أدفعها بالفورتشنر كل هذا عشان التاهو ((يتقربع))

أنا وجهتي نظري أدفعها بالسيارة اللي تستاهل المواصفات , ولا سمح الله تقربعت مثل ما قلت كلها 200 ريال وأربطها

مع إنه معي تاهو لحد الآن ما سويت له تربيط مع إني أتواجد بالطعوس بكثره وهذا لا يمنع من وجود بعض الأصوات الخفيفه وقت المطاب فقط وهذا منتشر بأغلب السيارات وليست حكر على التاهو

انبسط ياعم

وعيش القوه والراحه وعش متعه الطعوس صح

وعش الراحه بالمدن والخطوط والفخامه

والديكور يتقربع يتربط بـ 200 ريال وخلاص وين المشكله الحين وهذا ان تفكك

تتدقون حتى بالشي الصغير عمركم ماقلتوا الايجابيات :rolleyes1:

وش تبين اسميه برايك حقد او نقص او حسد او ايش ؟ :a1120(121):

ولو مايتحمل البر والطعوس ليش حاطين دبل له ؟ ليش كل القوه اللي فيه اصلا

ماتشوف الامريكان مايعرفون الا قوه الامريكي بالطين والبر

يركب الكفرات كبر اليارس ودوس يابعدي والله مايرده شي :smilie16:

وماودي احطمك واقولك ان الياباني مب شي الحين بالبر

اكود يركب بالون عشان يعيش المغامره صووووح ولا يركب مكاين الشفر والامريكي

وترا اي موتر تبي تجلده لازم يجيه شي والله لو هو اطلق موتر ! والسواقه فن :xyxthumbs:

ياحبيبي شوف نظام الامان في cx9 مازدا ستأركاملة ايرباك مع الجنبين للصفوف الخلفية غيرالي في الطبلون والي في الجنب للمقاعدالامامية هاذي غير موجودة بهذا (السعر )الا في المازدا والفيراكروز من هونداي

^^^

نعم وصريحة من عندي

الأمريكي ما يوصل ولا نصف تحمل الياباني بالبر والتطعيس

وروح جرب بنفسك أجلد الأثنين بالبر وشوف من الي يتقربع ديكوره أسرع وتطلع منه مشاكل أخرى

وراح تلاحظ هذا الشيء أيضا مع الوقت كيف تماسك الأثنين

اتعجب من اللي يدفع امواله بياباني ويترك الامريكي اللي تفوّق على الياباني بمئات المرّات !

لازال مفهوم الامريكي عند الكثيرين انه مايتحمل البر والتطعيس !

127 الف تجيب لك تاهو نص فل !! افضل من ألف ارمادا وفورتشر ( الدور الثاني ) ومازدا وفي اكس ار !

استاجره وجربه وشوف الفرق !

شوف اخوي انا زيك ماعندي الا130 الف كنت محتار ويش اشتري وكانت اهم شروطي انه السيارة تكون فل كامل وثلاث صفوف من المقاعد ومالقيت بهذا السعر الاسيارتين مازدا cx9 وفيراكروز من هونداي واخترت المازدا بعد دراسة كاملة عنها في النت ويكفي انها انتشرت مثل الكامري ههههههههه وعلى فكرة لها موقع في النت رائع جدآ
والاسبوع القادم راح استلمها دعواتكم

لاتبعد عن التاهو والارمادا

وهذا رآيي .