سعر الكادينزا بعد ما شفتها قبل ساعتين في الجبر بالرياض

السلام عليكم و رحمه الله و بركاته ...
السياره عندنا بالكويت ب 105 الف ريال
الفل ابشن مع باروناما و عن نفسي شريت وحده و أقول أنها أفضل من سيارتي الثانيه انفنتي g37 سيدان ب كثير :)

والله ماتستاهل هالسعر

يعني 128 الف وفالاخير بانوراما زي السوناتا تنفكـ ..!

كل شي مقلد ماينفع

سلمني عالمرسيدس و البي ام

صحيح غالي

لكن وش يفرق دامني باخذ ب128 الف كوري

واللي جذبني له تجربة يومين

الالماني من يوم انعرف مافي زيه

والله ان وكيل الكيا اسوء منه مافيه ومن واقع تجربه

وبسعر هذي كاش باخذ لي شي معروف ياباني

زي الاكورد مثلا

اهم شي عندي القوة درجة أولى والاكورد معروف عنها هالشي

وثانيا تجيب سعرها أو اخذ لي جيب ابرك بمليون مره

اصبر للكيا شهرين تحصلها على 40 الف ونازل

صحيح الشكل تشبه الأودي لكن القوة والله ماندري عنها ماغير الله يستر

ونفس اعجاب الناس بالسوناتا اول ماظهرت هذي الكادينزا نفس الحكاية

فالاخير البانوراما تتعلق ههههههههه

هذي وجهة نظري

وهذي الصراحه لا تميل للسيارة وانت ماجربتها مدة زمينة تقدر تحكم عليها

خلك محايد

والسلامو عليكم

اتفق معك بكل حرف :xyxthumbs:

طيب متى ان شاء الله تثبت الاسعار ؟

مازالت عقدة الكوري موجود ومتأصلة الظاهر ثلاث أرباع المنتدى شريطية

عموما عشاق الياباني قارنوه بالمرسيدس والبي إم اللي كانت اللكيزس ls في يوم من الأيام كانت بقيمة الفئة الثالثة أو الخامسة من البي إم
طبعا الليكزس تطورت وصارت تنافس الألماني بس ماتفوقت عليه
كمان الكوري أصبح منافس شرس للياباني لكن لسة ماتفوق عليه لكن لو استمر بالطريقة هذي 5 سنوات بالكثير وممكن يتفوق على الياباني لكن الوقت الحالي الغلبة للياباني وخاصة تويوتا

الصراحة فرق بين الازيرا و الكادينزا

الازيرا اصغر حجمها ، و الداشبورد من بلاستيك و شكلها من الداخل ما عجبتني كلش

اما الكادينزا اكبر و احلى من الداخل و الخارج

والله حرام 80 الف على سياحي كوري !
حرام !
ازيرا احسن بالسعر !
شي يقهر انا هونت اشتريها خلاص !

ماقول الا ياحظ اللي شراها بـ 65 الف ولالالالالا سعر كورلالالالالالا

^

هم موب شينه اشري لي ( فورد توريس ) خاشه مزاجي
هالسياره هاليومين بشكل موب صاحي . : p بس مدري
متى تنزل مكينه الـ ( SHO ) < ايقونه قلوب لين كلفورنيا

خلوها تصدي :blue:
خييير لو معي 123 والله ان مافكر اني افك لي ( كوري )
هبال هو ؟ :bigggrin: احط فوق الـ 100 الف في كوري ؟
ازود قريشاتي شوي واصقع لي ( c300 ) وحش امريكي
ولا ( اصقع لي افلون ) كامل المواصفات :bigggrin: وموب
شينه اصقع لي بها ( اف جي ) او ( همر اتش 3 ) وهم موب
شينه اشري بها ( كابرس ال تي زد 8 سلندر كامل المواصفات )
وهم موب شينه اصقع لي ( تاهو ) < ايقونه قلوب !

لي في الموضوع وجهة نظر

السعر المعقول للسيارة كسيارة من الطراز الفخم ومن شركة كيا الكورية هو

65.000 ريال للفئة العادية وهو سعر معقول وجميل جدا ً ولكن نظرا ً لفخامة السيارة

وإجتذابها للناس كونها السيارة الأولى من هذا الطراز من شركة كيا التي تعودنا

على رداءة صناعتها في سنوات ماضية

بشكل بديهي إستغل الوكيل هذا الإقبال ليقوم بعملية كسر ظهر ولوي ذراع للمواطن السعودي

والمقيم على هذه الأرض برفع الأسعار لدرجة يصعب أن تتقبلها .. وأنا لا ألومه فوكلاء

السيارات وبالأخص إذا كانت الدولة لا تفرض قوانين دقيقة ستجد التلاعب في

الأسعار يصل إلى ذروته وإبن آدم طماع بطبعه


ولكن فحوى الحديث: هو في المستهلك ذاته .. إذن يجب أن يكون المستهلك على دراية

تامة بما يحيطه من ظروف ومن ملابسات تجاه هذا الإبتزاز العظيم والشنيع

إذا قاطع المواطنون والمقيمون السيارة سيضطر الوكيل لخفض الاسعار وربما

وصلت إلى حد أدنى من 65.000 ريال للفئة العادية لا أن تصل لمبلغ 80.000 ريال

والكلام كذلك يشمل بقية الفئات والطرازات الاخرى من السيارة وماحصل من رفع شنيع

ماهو إلا جنون غير مبرر

وكفرُ ُ بّواح بوجهة نظري

أخوك / أحمد سامي .. الاحساء