السلام عليكم اخواني
شريت كابريس ال اس 2006 مستعملة..
وفرحان فيها ومبسوط.. بعد يومين من الشراء
طلعتلي رسالة على الشاشة check powertrain
والمكيف تعطل معها..
خيرررررررررررررررررر؟؟
رحت للصناعية والورش في الرياض.. القديمة والعروبة وام الحمام..
ورشة قالولي نفحصها كومبيوتر ونشوف بعدين.. طيب فحصوها كومبيوتر وقالوا حساسات وكتاوت لازمهم تغيير.. خل السيارة وتعال اخر اليوم..
طيب.. اثاريهم ماسحين الرسالة بالكومبيوتر لانهم ما قدروا يحددوا السبب الاساسي.. وانا عندهم طفيت السيارة وشغلتها.. رجعت الرسالة الى الظهور..
اخذت السيارة على ورشة فيها عمالة فلبينية (على اساس الفلبينيين رائعين في العمل).. قاللي المعلم الفلبيني اللي هناك..
الجير عندك فيه مشكلة.. يا ابن الحلال اي جير..؟؟
رحت للوكالة العيسى.. عطيتهم السيارة 3 ايام للفحص وبعد الفحص بيقولولي وش السالفة ..
بعد 3 ايام ..
قالوا الرسالة سببها حساسات اكسجين ودبات وكنداسات وشكمان كامل مع مدري ايش.. وهذا يكلفك 14 الف..
وبالنسبة للمكيف.. فالسيارة لازملها تغيير مكيف ومراوح ورديترات وكومبرسر وتوصيلات وليات.. وهذي تكلف 10 الف..
طبعا لشخص من ذوي الدخل المحدود.. الموضوع صدمة عاطفية واقتصادية ورياضية..
اخذت السيارة من عندهم ورحت الصناعية القديمة لواحد لبناني اختصاص مرسيدس اسمه وليد..
شيك على السيارة .. قال الموضوع فيه كيبل حول الكمبرسور توصيله ضعيف.. قلت طيب
غير الكيبل واشتغل المكيف وراحت المسج.. والتكلفة خمسين ريال..
حبيت اشارككم بتجربتي بس علشان اوضح الاستهبال والجشع والطمع واستغفال البشر اللي عند الوكالة..
