القزازه الأماميه متشعره مالحل

الهايكس غمارتين :)



<<< عياره على الطاير هههه

معي هايكس وصار في القزازه الأماميه شرخ بطول 10 سم

رحت لطبيب الزجاج المقابل للسالم في الصناعيه وصلحة بـ 100 ريال بعد الخصم

وشغله حلو لكن مع الشمس أو الإضائه المائله للي يبي يشوفه يشوفه واللي مايدري عنه ما ينتبه له

بالتوفيق

تلقى محلات كثيرة ومنتشرة

طبيب الزجاج - هذي اساميها

وفي بصناعيه ام الحمام قدام مسجد الملك خالد كانك بشمال الرياض

بس بشرط لازم الكسر يكون جديد يعني ماصار له يومين ع الاقل

يحط ع الكسر ماده سائله سألته عنها قال زجاج ذايب يدخل بمكان الكسر

والاسعار بحدود الخمسين وعلى حسب الكسر

انت روح له واستفسر عن الكسور اللي عندك

بالنسبة للأسعار ما عندي خلفية. و الأخ (عكوس) يبدو أنه أفادك.

بالنسبة للموقع في الرياض:
الصناعية القديمة - شارع العنوز.

ابدأ من بداية الشارع ( من عند تقاطع شارع الظهران) و اتجه نحو الشرق.
___________

و لا تنس أن على هذا التقاطع نفسه يوجد محل (زجاج السالم) على الزاوية واضح جدًا و معروف. و الذي يظهر لي أنه محل له خبرة بمعالجة الكسور و الله أعلم.

روح التلميع الساطع ترى رخيص وعليه ضمان بس اذا كانت الطبقتين مكسورة فما تتلحم لان القزازة تجي طبقتين .

فعلا اذا كان الكسر جديد راح يختفي مع التلحيم
لكن اذا دخل الغبار يبقى الكسر واضح
لكن يلحم ويعطيك عليه ضمان
والأسعار تبداء من 50 للنجمة اللي زي كذا *
والباقي على حسب الطول
عموما اسعاره جيده ومقبوله
واحرص عليه إذا كان الكسر صغير وقزازتك وكاله
لأن تركيب المحلات سليكون فقط وبطريقة عادية
جدا يعني ممكن خطأ بسيط تنسم ولا تهرب ماء
لكن شغل المصنع دقيق

الورش في الصناعية القديمة ،، وأي صناعية في الرياض ،، تلقى دآيم صف محلات لأصحاب القزاز ،، ومن ضمن المحلات تلقى محلات خاصة بمعالجة الكسور بالطريقة اللي ذكرها لك أخونا فني سيارات ،،

وإذا ما لقيت محل معالجة الكسور ،، إسأل محلات القزاز يوصفونها لك ،،

موفق خير أخوي ،،

^
وين فيها هالورش +الاسعار من كم إلى كم