وعليكم السلام
الكرايزلر 300 سي ليميتد محركها هيمي 5.7 بـ130 الف ريال
علشان لا تشربك عليك الموضوع فيه فرق بين المتيد و الهيمي .. من ناحية المكاين
الميتد هي سيارة 6 سلندر سعتها 3,5 تنتج 250 حصان وتسارع 0-100 ... وجبت تسارعه 9 ثواني .
المميز في اليمتيد عن الـ 6 سلندر العادية ,, انها مواصفات الهيمي مثل الانوار الهيدروجينة و اشياء ثانية بعد .. لكن تفرق عن الهيمي من الخارج بالاصطبات الخلفية .
اما الهيمي ,, فهي 8 سلندر وسعت المكينة .. 5,7 .. تنتج 360 حصان .. تسارعها 6 ثواني .
هل هي غالية بالنسبة لمواصفاتها ؟
اذا كانك تقصد الهيمي الـ8 سلندر .. فالمكينة هي الي بترد عليك :)
كيف قطع غيارها رخيصة او غالية ؟ و هل هي متوفرة ؟
ان شاء الله اعضاء الرابطة راح يردون .. ويعطونك العلم الاكيد
كيف قوة المحرك و تسارعه ؟
الهيمي ,, 360 حصان تسارعه 6 ثواني
الميتد 250 حصان تسارعه 9 ثواني
مايحتاج تسأل .. اذا تعرف الكوبري الي يجي من الدرعية رايح للداير الشمال .. فأنا ماخذه على 130 :) واقصدر اخذها على 140 بس كان معي ارواح ..
كيف جودة السيارة و هل تستحمل لأني توي متخرج من الثانوي و ابغا سيارة تخدمني فترة دراستي في الجامعة و حتى بعدها ان شا الله ؟
المواد المستخدمة داخل السيارة ,,لها جودة عالية .. وانت بنفسك قدر تشوفها وتحس بجودتها ..
راح تخدمك مايحتاج ..
في خيارات ثانية عندي مثل سوبارو ليجاسي جي تي و افالون ليميتيد هل تنصحوني فيها ؟
شوف الكرايسلر بيتغير شكلها قريب يعني 6 شهور ويتغير تقريبا ,, الافالون تغير بس مادري اذا نزل عندنا ولا لا ..
السوبارو على حد علمي شكلها جديد ..
فنصيحتي .. يا تصبر 6 شهور وتزود فلوسك وتشتري الكرايسلر الشكل الجديد ..
http://www.auto-insight.net/wp-content/uploads/2010/03/2011-chrysler-300.jpg
او
تاخذ اي سيارة شكلها جديد . علشانها بتطول معاك .
باقي اهم شيء انت ما سألت عنه ..
الامان في السيارة ..
ترى الكرايسلر سيارة قوية قوية قوية ,, والخوف انه يصير لك حادث وتصدم سيارة ثانية .. لأنك بتعفسها عفاس ..
وبالنسبة لك بأذن الله ماراح يصير لك اي شيء ..
وهذي الميزة مدري اذا تقدر تلقاها في المنافسين ولا لا :)
وباقي كثير عن السيارة ماتكلمت فيه ,, وعندنا شباب هنا في المنتدى ماشاء الله كأنهم هم الي صانعين السيارة :) ولا يشتغلون في الوكالة ..
