كرهت الفورد الحرارة ذابحتني جراند ماركيز 2008

الفاهم2100 @user_117572 · 03-07-2010

السلام عليكم ورحمة الله وبركاته
اخواني سيارتي جراند ماركيز2008 ماشي66000 كم اليوم فصلت البطارية وشبكتها عشان لمبة تشك انجن كانت شغالة المهم رجعت حطيتها واشغل السيارة وافتح المكيف الي المكيف حار المشكلة الكمبرسور اسمع صوته لمن يشتغل وافتح الكبوت الماصورة باردة المشكلة المكيف مايطلع غير هواء حار نزلت درجت الحرارة 15 وبرضو زي ماهو ايش الحل

كبرس @user_13476 · 08-07-2010

الغريب بفورد انهم ما يصلحون عيوبهم

كانت هالمشكلة معي بماركيز 2003 ونفس طريقتك فصلت الحار وانحلت المشكلة

وجلست معي بعدها 5 سنوات وبعتها

الفاهم2100 @user_117572 صاحب الموضوع · 08-07-2010

تم حل المشكلة بفصل ليات المكيف الحار بمعنى ان المكيف الحار لم يعد يعمل

هـاي @user_209105 · 08-07-2010

أنا حصل لصديقي نفس المشكلة بس في النهاية طلع المفتاح حق المكيف سعره فوق 1000 ريال بس هو غيره على الضمان

riyadh_28 @user_88349 · 08-07-2010

انا حصل معي نفس الموضوع وسيارتي 2007 وكنت متاكد ان الفريون مليان ورحت للكهربائي ولما شيك من الطبلون (تحت الدرج) لقى ان الحار معلق من بعد الشتاء وقام وعدله الي بارد وقال اذا تبيه يسير بارد وحار اشتر قسام جديد واركبه وكل هذا ب 100 ريال . والسيارة ممتازة وعملية جدا لكن تحتاج طولة بال .

اب ت 123 @user_221208 · 08-07-2010

E

Ebrrahim

يا حبيبي خلك ساكت انا صارتلي المشكله بفوردي ذا الي بالصوره

محد درى ان عندك فورد :bigggrin:

Ebrrahim @user_229605 · 07-07-2010

يا حبيبي خلك ساكت انا صارتلي المشكله بفوردي ذا الي بالصوره

MTS @user_226444 · 07-07-2010

الثرموستات شغله انه يفصل الكومبريسور يااخواني ولهذا اقولكم المشكلة من البرمجة فقط لانه فصل البطارية

اخوي صاحب المشكلة برمج سيارتك وانتهى الموضوع بأذن الله

Ebrrahim @user_229605 · 06-07-2010

ياحبيبي هذي الحركة صارت لي وكنت خايف من السيارة لانه وقتها كانت جديده
هذي حاجة في المكيف اسمها الثرموستات وهي الي تقوي الهواء مو تبرده تخليه يطلع بقوه وتكون في الفل لمس اما السياحي فرار اللمس تكون في الزاويه اليسارا
اما الفرار تكون جهت اليمين بس انت ودها لكهربائي فاهم قوله شفلي المشكله وانت اساله هل هي الثرموستات بس انا متاكد انها الثرموستات بس تاكد لايكون الهواء يطلع وانت منت حاس به ترا احيانا يكون يطلع الهواء من فوق ومكان الاقدام الله يكرمك فهذي مشكلة ثانية
وشكرا

الخزمري @user_122174 · 06-07-2010

حبيبي لا يكثر/
أفصل البطارية لأكثر من 6 ساعات. وراح يرجع كل شيء تمام أسأل مجرب وتول القيادة

اب ت 123 @user_221208 · 05-07-2010

يا خوي لا احد يتفلسف عليك سيارتك ما فيها شئ جديده والله يبارك لك فيها

انا عندي ماركيز 2009 يوم كنت اسوي صيانه للسياره قالي الكهربائي لا تفصل البطاريه لانك لو فصلتها راح ترجع لضبط المصنع لذالك يبغالها برمجه من جديد

سوي لها برمجه وانتهت المشكله

M~أمير بكلمتي~M @user_58367 · 05-07-2010

ا

الفاهم2100

مشكور يالغالي ولكن البعض قال راح ينفصل عندك المكيف الحار خصوصا ان اصلاحه يحتاج فك الطبلون فهل هذا الكلام صحيح واعذرني يالغالي تعبتك معاي الله يجزاك خير

راح ينفصل المكيف الحار في حالتين ام انك الغيت الهيتر بفك الأهواز تبع ثلاجة المكيف الحار الي في الماكينه

او انك فكيت الحساس او النظم وخليته دايركت بارد فقط !!

ومادام السيارة موديلها جديد الأفضل توديها عند الوكالة عشان يضمنوا الشغل

أخوكـ

الفاهم2100 @user_117572 صاحب الموضوع · 05-07-2010

مشكورين يا اخوان وانا راح ادخل السيارة وكالة الحاج حسين واشوف ايش يقولوا

احب ترابك يانجد @user_172202 · 05-07-2010

هلا بك اخوي المشكله اتوقع انها بسيطه ماتحتاج واظن اخواني الاعضاء اعطوك التشخيص الكامل لكن اذا كنت بالرياض روح لصناعيه الشفاء فيه واحد سعودي اسمه عبدالعزيز النافع ان شاء الله يفيدك اكثر واحتمال كبير من القسام اذا كان القسام ماراح يفك الديكور ولاشي الديكور مايفك الا في في حاجه وحدة اذا كانت هوايه المكيف خربانه وان شاء الله انه شي بسيط وبالتوفيق للجميع............

الفاهم2100 @user_117572 صاحب الموضوع · 04-07-2010

مشكور يالغالي ولكن البعض قال راح ينفصل عندك المكيف الحار خصوصا ان اصلاحه يحتاج فك الطبلون فهل هذا الكلام صحيح واعذرني يالغالي تعبتك معاي الله يجزاك خير

M~أمير بكلمتي~M @user_58367 · 04-07-2010

ا

الفاهم2100

مشكور يا اخوي امير بكلمتي سؤالي هل القسام يتصلح وكم يكلف

ممكن يتصلح او يتغير , طبعاً على حد علمي انه لازم تفتح الدرج لين تحصله ,, ولكن شوف لك كهربائي

ممتاز يحل لك المشكلة بسعر معقول

أخوكـ

الفاهم2100 @user_117572 صاحب الموضوع · 04-07-2010

مشكور يا اخوي امير بكلمتي سؤالي هل القسام يتصلح وكم يكلف

M~أمير بكلمتي~M @user_58367 · 04-07-2010

وعليكم السلام ورحمة الله وبركاته

أخوي هذا موجود قسام مثل ماذكره احد الأخوة وهو من الموزع تبع المكيف الحار والبارد

ملاحظة بسيطة أرى من بعض الأعضاء الخروج عن الموضوع ,, ياليت يكون مروركم فيه

فائدة على الأقل وتفيدوا العضو تكسبوا أجر بدل ما تقول السيارة عيوبها كذا وفيها كذا

الرجال ماعتقد أنه استشار أحد في نوعية السيارة وجودتها ,, أخيراً

الله يبارك في الجميع

أخوكمـ

نـاصر @user_80714 · 04-07-2010

ا

النت

ياعالم 2008 وش ذا الله لا يبلانا فورد 2008 يعني جديد وهالخرابات والمشاكل في الكهرباء وين اللي يقول جوده ومدري وشو طلع خرطي هالكلام الله يعينك ياخوي رح شف لك كهربائي وهذي عادات الفورد مشاكل الكهرب كل يوم وانت بورشه من طرمبة بنزين الى مشاكل المكيف الخ الخ

الله يهديك بس ههههههههههه

ياخي هذا فووووووورد يضل عملي وقوي وكل شي حتى لو 2011 :smilie16:

لكن لو جت على كابرس 2000 مسكين له 11 سنه واول جيل لهولدن قامو يتعضلون ويهايطون

اصلا هذا حدهم الى يسبون ههههههه مايطرون الا كابرس 2000 ولا 2001 لكن الجديد ابطت عليهم يقولون فيه شي ههههههههههه

وقالوا مالنا حيله الا الكابرس القديم خل نذم فيه بس ههههههههههه
وحامض على بوزهم

وبالتوفيق ياراعي الموضوع واسمحلي الصراحه :smile:

saleem.008 @user_159174 · 04-07-2010

وعليكم السلام ورحمة الله وبركاته

اخوي الله يبارك لك في موترك وحياتك
المشكلة ان شاء الله بسيطة
وما يحتاج كل هذا
بس انت لا تستعجل في امورك

نجي للزبدة وهي حل المشكلة

ذكرت حفظك الله ان المواسير باردة
يعني انسى يكون نافص فريون
هذه وحدة وخلصناها

ايضا ذكرت تسمع صوت تشغيل الكمبروسر
يعني الكمبروسر سليم100%
هذه الثانية وهي تقريبا اهم حاجة في المكيف

(المكيف اللي عندك لمس اكيد)
اتوقع الحل بيكون احد الحلول التالية

1/ قد تحتاج السيارة برمجة
افصل البطارية 15 دقيقة ثم ركبها
ودخل المفتاح داخل السويتش وفره الين تشتغل لمبات الطبلون كلها [ يعني ما تشغل السيارة ]
انتظر ألين يطفي الجرس
إذا طفى شغل السيارة وانتظر 5 دقايق ثم شغل المكيف

2/ ممكن يكون عندك القسام أو المحول حق الهواء معلق
رح عند كهربائي جيد يشيك عليه قبل ويضبطه لك
بـ 50إلى80 ريال

3/ ممكن يكون فيه غبار ولا وسخ عالق بالفلتر حق المكيف

[SIZE=4][مكانه يكون داخل الكبوت عند علبة ماي الرديتير
تقريبا طوله متر زي الشبك]

[/SIZE]

نظفه وان شاء الله تكون امورك طيبة

والفورد احسن من غيره بكثير في الخرابات
وان شاء الله السيارة مبروكة
بس انت الله يهديك اسأل الله البركة فيها
والله يوفقك ويحفظك من العين

اتمنى اني افدتك يا غالي