عطوني رأيكم إخواني : أرمادا أو باثفايندر

عن نفسي اخذ الارمادا ... اكبر واهيب ومحرك جميل

وبالنسبه لي اجمل من الباثفايندر


وسلامة اخوك يا 8888 ومايشوف شر

اسمحو لي يا إخوان اني تأخرت عليكم بالصور
وهذي الروابط للصور و الله يجزيكم خير

ألف مبروك وربنا يعطيك خيرها و يكفيك شرها
أقولك أحسنت الإختيار و موفق ان شاء الله

أشكركم إخواني جميعا على المرور والنصيحة

والحمد لله بعد تفكير ونصيحة مجربين وقع الاختيار على سوزوكي جراند فيتارا 6 سلندر

مناسب لي يكفي عدد افراد اسرتي وجودة يابانية غنية عن التعريف وفوق هذا يلبي رغبتي في البر بحكم الحجم وقوة الماكينة ماشاء الله تبارك الله

والحمد لله اشتريت السيارة ووفرت على نفسي مبلغ كبير جدا

والله يرزقكم ان شاء الله كل شخص بالسيارة اللي يتمناها

وجزاكم الله كل خير

ولا تنسونا من دعواتكم الطيبة

^^^^^^^^^^^^^^
اتفق معاك اخووي في الباث انه يفتقرر بعض انظمه السلامه وهاذا عيب الباااث فاندر وصغر حجم المقصووره الخلفيه بس ..

ممكن تحملها على موقع www.photobucket.com

ثم تضع رابط الصورة بعد تحميلها.

أولاً مستحيل تكون الأرمادا أفضل صرفية من الباث فايندر، العكس هو الصحيح الباث أفضل في الصرفية بكثير. لكن ربما المقصود أن خزانه أكبر بكثير ويمشي مسافة أطول، فهذه أقول ممكن.

بالنسبة لاستفسارك، لو إني منك أنتظر. بحكم حجم عائلتك، الأرمادا بتصير كبيرة مرة عليك تفقد الرشاقة والخفة والمشي في المناطق الضيقة رح يصير عذاب. أو روح لسيارة أخرى من نفس الفئة.

مشكلة الباث فايندر في رأيي أنه الحمراني يجيبها بدون وسائل السلامة، يعني بدون نظام الثبات في المنعطفات وبدون تراكشن كنترول. وهذا أكبر عيب فيها، على سعرها الباهظ. لو تشوف سيارة أخرى من نفس الفئة مثل الباجيرو أو البرادو ستجد بغيتك مع مواصفات سلامة جيدة، والأسعار لكل الثلاثة في نفس الحدود.

السلام عليكم كل السيارات ترى زي الورق وكلها فيبر على خبركم تبغو سيارات زي ايام الكابرس 79 والا الكرسيدا 80 بس بصراحه ياخوان ورب الكعبه عندنا ارمادا الصلاة على النبي وماشاء الله عليه قوة وعزم وسرعه وراحه ولكن حقيقه مايصلح داخل المدينه عفش شوي لكن عن الباثفندر والله زملائي يقولوا انه ممتاز وحتى انا فكرة وربي اطلع واحد لكن ضروف مرة عليه وقلت ااجل شوي ميزة الباث ينفع داخل وخارج جدة ومراتبه تتصفط وتسير وصله وحدة خصوص لو كان عندك عفش او اطفال بينامون مثل لو انت بسفر لكن هو ينفع ل اربع الى خمسة اشخاص لانه حق عائلة بس صغيرة

بصرااحة عندنا ارماادا 2006 .. مووتر علييه الكلاام .. وو عزم ,, قووة ,, فخااامة

والاهم .. السعر .. شوووف الفرووق هذي كلهاا ... مقاابل 10 آلاف بس

.. وو بعديين الباث مشكلته .. المرتبة الاخييره .. فهي لا تحسب .. صغيييييييرة .. وزيييين اذا شاالت طفليين ..

تحيااتي

السموحة منكم أنا ما لقيت قسم خدمات المنتدى
أرجو منكم التوضيح أكثر و لا هنتوا

الأرمــادا

السيارة قوية ولها خلوص ارضي ممتاز .. ومجلسها مثل مجلس البيت ..

والشنطه ماشاء الله تشيل عفش السفر كله .. ويكفيك الشكل أحلى .

التسجيل في مركز التحميل مختلف عن التسجيل في المنتدى
في موضوع مثبت في قسم خدمات المنتدى ان شاء الله يفيدك

السلام عليكم و رحمة الله و بركاته
الله يحفظكم و يحفظ عيالكم
اخواني مو عارف كيفية تحميل الصور يمكن
طريقتكم غير عن المنتديات لأن كل ما أحاول
يقول لي " اني غير مسجل لا يمكنك دخول هذه الصفحة"
مع اني مسجل و داخل في المنتدى
عندي صور السيارة اذا توضحون لي كيفية التحميل
بتشوفونها واحكموا بنفسكم على الباثفايندر مع انها كانت دقة بسيطة
و مشكورين على الردود الطيبة

السلام عليكم
الاخوان ما قصور واذا كانت العايلة صغيرة فخذ باث اريح واوفر وبالنسبة لاستهلاك البنزين الي اعرفة ان الارمادا يصرف اكثر بحكم سعة المحرك الكبيرة 5.6 لتر مقابل 4 لتر للباث
في الختام انصحك بالاستخارة
بالتوفيق

عزيزي ابو احمد

سلامة ابنك بحمد الله دليل على امان السيارة
السيارات الجديدة تعتمد على امتصاص الصدمة بشكل كبير حتى لايتاثر الركاب بالداخل لكذلك نرى السيارات الجديده تتهشم بشكل كبير مقابل سلامة الركاب وحماية المقصورة
( مثل السفنج في امتاصاص الصدمة مقابل قطعة الخشب في تجربة صدام ووضعنا داخلها بيضة مثلاً هل تتوقع البيضة راح تتضرر اكثر في اي منها )

أشكرك على الدعوة الطيبة والله يقدم مافيه الخير



تسلم لحن المشاعر وأشكرك على رأيك وفعلا لابد من التجربة


حياك الله ابو أحمد والحمد لله على سلامة ولدك
كلامك يخوف والله أنا صاحب عائلة وعندي بنتين الله يحفظهم
إذا على الضيق مافي مشكلة المساحة في باثفايندر تكفيني وتزيد
ولكن الأمان هل لهذه الدرجة سيئ ؟؟؟
يعني في المنعطفات الثبات فيه سيئ
أنا ما أحب السرعة وجدة مافي أمل تمشي أكثر من 120 اصلا مع الزحمة الله بهذلتنا
وأنا أحب طلعات البر وأحتاج الجيب للرمال
الله يكون في العون والله احترت :a1120(82):



حياك اخوي والله فعلا شيء محير

أتمنى من الإخوان المجربين افادتنا بتجاربهم للسيارتين فضلا لا أمرا والله يجزاكم خير

8888888888
الحمد لله على سلامة ابنك والله يستر منها لأني أفكر أشتريها!

السلام عليكم و رحمة الله و بركاته
انا جربت السيارتين
الأرمادا ثقيلة شوي و حجمها كبير و من حيث الراحة لا بأس لانها تشبه
الأمريكية مثل الجمس و لكن اسرع و أخف و اللي ما عجبني فيها في الرملة و التعليق من حيث انها تطلع اصوات في تحويل الدفع من جهة لأخرى و لكن من ناحية الأمان أفضل.

أما الباثفايندر خفيفة ولا بأس من حيث الراحة ضيقة المساحات من الداخل شوي
نعم تصرف بترول اكثر من الأرمادا و لكن من حيث الأمان لا انصح أبدا فهي مثل
الورق . مقصورة الركاب لا يوجد بها أمان أبدا و أنا أتكلم من واقع التجربة إبني تعرض لحادث في الباثفايندر مع شاحنة , ابني يلف على الدوار و الشاحنة قطعت امامه و اضطر بان ان يصدم الشاحنة بطريقة انه فقط لمسها في اخر لحظة و بقوة قليلة جدا من الجزء الأعلى من الزجاج الأمامي والحمدلله لم يصب بأذى لأنه رمى نفسه عند القير و هو نحيل قدر يتفادى الضربة في رأسه ولكن اذا شفتوا الباثفايندر ما راح تشترو منه أبد
صارت مثل علكة و الله الحافظ.
هذا رأيي الشخصي و أحترم آرائكم
بو أحمد

طق ارمادا يابعدي اذا تقدر , ماراح تندم بآذن الله

واما وكاله يقولون هذي لايهمونك

انا كانو يقولون لي بالجمس كبير وعيبه ضخم و و و الخ

جربته كآني اسوق كرولا اللهم مرتفع هههههههه

وجربه تصدق كلامي

بالتوفيق .