السلام عليكم ورحمة الله وبركاته
ياااااا شباب انا محتار بين الكادينزا والافالون والاوريون
تكفووووون الفزعة ..............
ابى رايكم في الثلاث السيارات هاذي
ورايكم في الرساوة وقوة الاستحمال
وانا اميل اكثر شيء الى الكادينزا واشرررايكم
ابي سيارة تقعد معي خمس سنوات واكثر بدون تهربد وغيرها
واشرااااايكم .......
الأفالون تلبي احتياجاتك .. وتجلس معك اكثر من 5 سنوات بلا هربده ..
استغرب من الي قال ان الافالون ميزتها الوحيده سعرها عند البيع .. :)
تجربتي مع الافالون 2009 لمتد .. سيارة فخمه
وراسية لأبعد حد .. عزل الهواء ممتاز .. متانه البدي وقوته ..الشكل الجميل ..تحمل المحرك.. ويكفي انها تأتي بلا اضافات من الوكيل..يعني طااازه من المصنع.. وعن تجربة.. قربعت برميل حديد على سرعه 180 او ازود..والحمدلله جت الصمه على الزاوية ولم يتأثر بها سوى الصدام انشلخ وانكسرت قزازة الشمعه فقط وانعفطت زاوية الرفرف والكشاف اختفى :) ووالله ما وقفت السيارة بسبب صوت الصدمة الي استخفيتها وكملت على نفس السرعه ويوم وصلت واتفاجأ بان صوت الصدمة بسيط وسوى كل هذا ..
عموما ارى الافالون يجمع بين الفخامه نوعا ما . والمتانه والجوده والسعر المناسب والذي اراه حاليا في سوقنا بهذه المواصفات جيد نوعا ما ..
انا شريتها 120 الف .. جديدة ماشية 9 كيلو
والخيار لك .
