ما فيه وكالة تعطيها سيارتك كل سنة وتستبدلها بسيارة جديدة ؟

مشكورين جميعا

وان شاء الله اروح للجفالي أتأكد اذا فيه ضمان شراء .. في حالة انهم ضمنوك كمشتري للموديل الجديد السنة اللي بعدها..

واكيد بامر على وكالة بي ام ولكزس ايضا

اخبر ان الجفالي يعطيك ضمان الشراء
بس مدري كيف طريقته
للمرسدس طبعا

والله فكره حلوه مرره
بس صعبه تغير سيارتك كل سنة
قل كل 5 سنين وده المعارض وشف وش تجيب ووده الوكاله وشف ووش تجيب وبعدين بع للاغلى

أنا في نظري الوكالة بنسبة 75% بالميه تقييمهم للسعر السيارة أفضل من المعارض ورغبة الشراء منك أو البدل 100% ليست مثل المعارض لأن المعارض يبي لها وقت يمكن تنباع يمكن لا على حسب المشتري والمعارض يوجد بها مشكلة كثرة دخول السيارة للمعارض تجنبهم شرائها حتى لو كانت نظيفة 100% بسبب شكهم ليه منباعت السيارة لحد الأن وأنت عارف النسبه الكبيرة المتواجده في المعارض شريطيه وقلة وجود الزبون ولاكن موعيب أن الواحد يقيم أسعار مثيلاتها بالمعارض ويعرضها على الوكالة واذا اعطته السعر راح يبين مين الأفضل وبعدها يقرر البيع للوكالة ولا المعارض.

فلوكس واجن كان عندهم نظام انك تستخدم السيارة لمدة 5 سنوات و بعد الـ 5 سنوات يشتروها منك بأكثر من 50% من قيمتها

و العرض هذا افضل من العرض اللي انت تدور عليه

لكن ما ادري العرض موجود الى الان او لا

مثل ما قال مؤيد و ابو غاده

بس اعتقد لهم شروط معينه تكون محافظ على صيانه الوكاله مثلا

وهذي الخدمه موجوده و على ما عرفت عنها هي مقده للـ VIP وكبار التجار و اصحاب المناصب والعملاء المميزين لدى الوكاله

ومرسيدس عندهم هالخدمه من زمان ولهم لسته خاصه كل موديل سنه جديده يكلمونهم بصوره رسميه وبالاسم

شكرا لكم.

أخ جولف, بالعكس الفكرة فيها التوفير, توفير وجع راس وتوفير مادي وتعرف اللي لك واللي عليك مسبقا وتعمل حسابك.. بعيدا عن اسعار السوق وشريطية الخ... خاصة انك اول ما تطلع السيارة من الوكالة قيمتها بتنزل مبلغ وقدره.. فلا يغرك لما أقول كل سنة تدفع 35 الف... لأنه لو تشتري سيارة وكالة بعد سنة قيمتها بتنخفض مثل هالمبلغ وأكثر..

اخواني الهاشمي وابو غادة... شكرا لكم.. وما تحسون انه بطريقة الاستبدال العادية (اي غير متفق عليها مسبقا) ان الوكالة هي الربحانة ... ومرتين بعد؟ يعني تقيم سيارتك اقل تقييم (عشان يبيعونها باغلى) وايضا في السيارة الجديدة؟

يعني ما سوينا شي.. ابيع السيارة في المعارض باعلى سعر واروح اشتري سيارة جديدة مثلي مثل أي واحد (حتى لو كنت شاري من نفس الوكالة السنة اللي قبلها واللي قبلها!)

ممكن احد يقول طيب وش الفائدة لو عطوك وعد مسبق باستبدال السيارة بمبلغ متفق عليه مسبقا؟ أقول من باب Customer loyalty مثلا

هل الفكرة موجودة في أي من الوكالات؟

مثل كلام أخوي مؤيد الهاشمي حتى أذكر وكالة مرسيدس كلموني كم مره وعندهم سياسة التبديل والزياده.
وبخصوص الأخ GOLF LIFE الله يهديك بس على ردك الرجال طلبه واضح ومافيه أي تكبر وشوفة نفس والمنتدى ماوضع اللى لك ولغيرك فأحسن الظن يارجل.

.
.
.
موجود في كل وكالة , قسم خاص للمستعمل ,,, تقدر بعد مايطلع موديل جديد تروح توديها لهم وتشوف بكم يحسبونها لك , وشوف اذا يخارجك اولا