يا أخوان الله يبارك فيكم..أخوكم محتار ومحتاس وشايل هم..
ومن فرج فرّج عن مؤمن كربة فرّج الله عنه كربه من كرب يوم القيامة ((وفي عشر فضيلة))..
مشكلتي:
عندي جيب ايدج ليميتد دفع رباعي 2008 ماشي 50الف..
أثناء ما كنت مسافر عليه حسيت [COLOR=royalblue]بالقير يفوّت..وقفت وشيكت على السيارة الا وفيه تهريب من تحت بزيت القير..سألت عن افضل ميكانيكي في الديرة اللي وقفت فيها وقالوا فلان "هندي"..شافها وقال بسيطه صوفة عكس حقت القير..وتأكدت بنفسي..دبّرت له صوفة عكس من الوكالة وركبها وكل شي تمام [/COLOR]لا تهريب ولا شي وتفويت القير خف..
ولكن اللي ضيّق صدري أن الميكانيكي صب لي 5 علب زيت قير فورد [COLOR=royalblue]Motorcraft ماخذها من ورشة..حتى ما أدري وش نوعها V ولا M..!! [/COLOR]((اخوكم ما هنا زود بها الأمور))..
عموما انا طلعت بالسيارة ورجعت عليها للرياض..ونصيت بها [COLOR=seagreen]الوكالة فرع البديعة..طل الفني من تحت قبل لا يفحص وقالي لي الموتر جايته طقّة من تحت ((كلامه صحيح)) لذا المشكلة مو على الضمان رغم اني محافظ على الصيانة الدورية..وقالي ايضا ماعندنا فنيين قيور..ومشاكل القير تجدها في صيانتنا اللي على خريص..[/COLOR]
اخذت الموتر من عندهم ورحت هناك ولا استقبلوني من الزحمة..وقالوا خذ موعد ثم تعال..
[COLOR=seagreen]الان السيارة في البيت ولا بعد اخذت موعد ما يردون ع التلفون..[/COLOR]
المشكلة ياغاليين لا زالت قائمة..فلا زال القير فيه تفويت وأمبير الضغط احيانا فوق سرعة 80كم ينزل فجأه ثم يرجع..وتغييراته تغيّرت..ولما أكتم له يمشي معي اوكي ثم فجأه تحس القير فصل ثم رجع يفز لوضعه الدعسة الطبيعي..وأحيانا يتردد في التغيير..
أنا الان ملبق السيارة بالبيت..وشايل همّها..علما بأن السيارة طبيعية في كل شي عدا تلك الاشكاليّة..
برأيكم ما الحل..؟ وبماذا تنصحون أخوكم الفقير لمعلوماتكم..
ولكم من الله الأجر ومني جزيل الشكر..
