يعطيكم العافيه شباب على هالمواضيع الحلوة والمعلومات القيمة :xyxthumbs:
حبيت استشيركم واستفيد من خبراتكم..وان شالله مانتو بباخلين علينا
ياجماعة انا قررت اشتري بيك اب امريكي مستعمل..وبعد الفراره بالمعارض والملاسن وزيادة الميزانية لاقصى حد ممكن رسيت على الدودج رام 3500 ..4*4 ..موديل 2004 ..غمارة..هيفي ديوتي كفرين خلفي.. ماشي 23,000 استخدام سكيكو..
طبعا السياره خاشه مزاجي وجربتها والحمدلله ممتازة والدودج بشكله المرعب ومكينته الهيمي الجباره بصراحه لا يعلى عليه..واكيد كلنا متفقين انه غير مرغوب لكني مو ناوي ابيعه اذا الله كتب لي فيه الخير ..
طبعا هو جاي من سكيكو بحوض شاصي
لكن المعرض سقط عليه حوض وبيصبغه كامل اللون المطلوب من الزبون
ودي اشوف ارائكم بنقطتين مهمتين وشاغلين بالي..
1/ هل وقوف السياره من 2006 اتوقع الى هالفتره (مو متاكد لكن هذا الغالب لان الممشى قليل)..شي من صالحي ولا مو من صالحي..؟ هل وقوفها الطويل سيكون سبب للمشاكل بالمستقبل من تيبس اهواز وغيره..؟
2/ الكلام عن قطع الغيار كثير..هل اشتهر الرام بالخرابات خصوصا الموديلات الي بعد 2001؟ ولا كلام الناس عن سيارات الدودج الثانية؟..انا سمعت انه بالبحرين تساهيل..قطع موجوده وارخص من هنا..هل هالكلام صحيح؟
بانتظار ردودكم..(طبعا الصورة الي فوق موديل 2005 بس مافي تغيير يذكر)
