الشــور يـا أهــل النخــوة (( أخوكـم منزنق ))

كامري عاشقني @user_157892 · 21-09-2010

سلام عليكم :.

شباب حبيت أسأل كم يستغرق يوم عشان اطلع الرخصة لأني يوم الجمعة مسافر لدراسة في القصيم لكن ما معي رخصة وانزنقت هل يمديني اطلع رخصة في يومين يعلم الله اني ورطان وتـــوبة التكاســل صدق المثـل لا تؤجل عمل اليوم الــى الغد ...

عطوني الشور والحل وانتم عارفين على طريق الرياض القصيم السريع كم تفتيش الظظاهر ما يمديني اصال القصيم الا و 7 قسايم بجيبي الله يستر بس ,,,

moood @user_100127 · 23-09-2010

طيب طلع رخصتكـ من القصيـم إذا ما أمدآكـ تقصها من الرياض ،،

بالتوفيق ،،

كامري عاشقني @user_157892 صاحب الموضوع · 22-09-2010

لا ما معي وش الراي , اجل قبل الصدمه كم قسيمة عدم حمل رخصة , ؟

لحن المشاعر @user_126547 · 22-09-2010

^

قويه

يعني انت ماطلعت رخصه ابد ,, طيب الحين معك التصريح المنتهي ؟

شبيك لبيك @user_51989 · 21-09-2010

يوم الاربعاء اجازة لليوم الوطني
وبالتوفيق

ZEMAN @user_206506 · 21-09-2010

صراحة, ما ادري

بس اظن يوم الاربعاء بيكون اجازة لهم يمكن؟ انت لا تضيع وقت يعني روح إسألهم وشوف.

كامري عاشقني @user_157892 صاحب الموضوع · 21-09-2010

ما قصرت يا الغالي اجل معي يوم الاربعاء والخميس هل الخميس موجودين ؟؟

سامي القرشي @user_164823 · 21-09-2010

زي ما قال اخونا يومين

ZEMAN @user_206506 · 21-09-2010

وعليكم السلام ورحمة الله وبركاته

انا طلعت رخصتي السنة الي راحت, سويتها في يومين ( طلعتها من دلة التخصصي )

اليوم الأول ( كان يوم الإثنين ) سددت رسوم المرور, ورسوم الاختبار وطبع لي الموظف برنت محدد فيه موعد الإختبار وموعد الاختبار كان في اليوم الي بعده الثلاثاء

اليوم الثاني ( الثلاثاء ) تختبر اختبار اشارات سهل جداً والعسكري حتى يساعدك فيه وبعدها تختبر سواقة على قير عادي طبعاً

بعدين تستلم ملف فيه تقييم سواقتك وبياناتك تسلمه للموظف في المبنى الرئيسي وتستلم رخصتك بعد 5 دقايق بالكثير

بالتوفيق لك في اصدار رخصتك وفي دراستك.