استفسار بخصوص تقوية الكشافات ..

السلام عليكم ورحمة الله وبركاته

شلونكم يالربع عساكم بخير ..

يالربع عندي استفسار .. عندنا همر h2 المهم فيه 4 كشافات فوق

طبعاً حقات الوكاله ماخذهم من الوكاله ومركبهم على كتاوت ..

لكن شفت واحد من الشباب معه همر نفس موتري والكشافات الي فيه مركبه من المصنع عكس موتري لكن الكشافات نفسها بالضبط .. لاحظت إضاءاه كشافاته اقوى من الي عندي ..

قالي واحد من الشباب ماينفع تركب كتاوت واحد على 4 كشافات !

ركب كتاوتين ..

عاد مادري وش الحل .. هل اذا ركبت كتاوتين بتقوى الكشافات او فيه حل ثاني .. جربت اغير الشمعه ولا قدرت لان شمعته غريبه وكل المحلات قالو هذي ماتتغيير .. وانا ودي اني اقويها ولا ادري وش الدبره .. مع العلم ان الكتاوت والاسلاك كلها اصليه

انتظر إفادتكم جزاكم الله خير