استشارتكم بخصوص شراء caprise ss 96

الزيت لا تعايره الا اذا كانت السيارة باردة وايضا غير شغالة

لانك اذا عايرته والسيارة شغالة الزيت راح يكون طالع مع ضخ طرمبة الزيت

وبكذا راح يكون ناقص

واما عن سعر السيارة 18 الف من جد سعر فلكي

^

فوق هذا اعطاًني سعر. فلكي

18 الف ؟

سحبت عليه :)

والله يرزقنا ويرزقه

لايوجد سبب إلا انه قام بزيادة الزيت

امين يارب ويرزقك :(

بس وش السبب ان السياره لما تكون بارده يرتفع عيار الزيت ولما تكون حاًره ينخفض :)

براحــتك

الله يوفقك ويرزق خويك

^

والله ياخوي سيارة الرجال العكس اذا بردت السيارة يزيد عيااره وكأن مافيه نقص نهائياُ اما اذا كانت حاًره يعني " ماخذ فيها مشواًر ينقص "

ينقص عياره مو ينقص شي خفيف لإ

تقريبا يوصل لنهاية الحديده عند منطقة يزدوج الحديده فيهاُ

والرجال اللي بشتريها منـه يقولي انا من اخذتها كذا احسب فيه تهريب واتصلت على اللي اشتريتها منه وقالي بعد الفجر شوف وفعلاُ مافيه تهريب لما شافها بعد الفجر وهي بارده ..

والسياره مع الرجال لها ثماًن شهور. يقول وهو المستخدم الثالث للسيارة

السيارة اذا شغاله الزيت يزيد عيارة ...ماينقص اخوي

^

انا بعد اول مره اسمع في هالشي لأن عندي كابرس 91 ونفس الحكاية وهو شغال وحارُ عاًدي اشوف قياس الزيت

بالنسبـة لي سألت التركي" راعي الورشه "ً وقالي دام الزيت تمامُ بعد مابردت السيااره يعني تمامُ المكينــه

من ناحية ماضمن انه زاًد الزيت

بس كلن وذمته والله مابيبارك له في مال حرام ومابيتهنى فيه :)

والرجال عنده عيال اذا بيوكلهم من مال حرام الناًر اولى فيهم :)

انا اول مره اسمع بهشئ ؟؟
وشئ ثاني كيف تضمن انه مازاد زيت عند بيتهم ؟؟

مشكورين اخوصني على النصايح

فيه مشكلة بالمكينه قالي المهندس التركي . المكينه الزيت ناقص وبقوة

المهم راعي السياره قالي لأن السيارة شغااله وحاره وشوف السياره بنفسك وهي بارده الزيت كاًمل

قبل شوي رحت عند بيته وشفت الزيت المكينه وفعلاً.. مستوى الزيت ممتاًز ولا يوجد تهريُب كلمت خويي بالورشه وقالي داًم كذا توكل واشتريها

وش رايكم ؟

بعد كلام الاخوان وخصوصا الاخ سليل المجد اضيف
شيك على طرمبة الماء .. وهل يوجد فيها بلف حرارة ولا لا وهل جميع تمديداته ولياته موصله ولا لا ... اذا مافيه ضيف لها بلف حرارة ولا تسمع كلام الي يقولك شيله. واغلب الكابرسات اس اس يشلون لي المكيف الحار الممتد من الطرمبة وهذا يديل على وجود تهريب في ثلاجة المكيف (انحش)

ثاني شي المكينة في الغالب تكون نظيفة ولكن الخرابات كلها في الجير لاتشتري السيارة الين تنتهي مشكلة تهريب زيت الجير مع تركيب صفاية للزيت . ولو تقدر تركب مبرد جير يكون افضل بكثير لان حسب الصور مافيه مبرد جير للسيارة.
شيك على المراوح والرديتر ..المراوح غالبا تكون مغيره بتقليد بعد كم شهر يخرب عليك والرديتر حاول يكون المونيوم وانحش عن النحاس.
حط في بالك السيارة اعطالها كثيرة في كل سنة لازم تسوي لها تجديدات خصوصا كمبرسور المكيف و طرمبة الماء والجير.

واذا ذكرت شي برجع اكتبه لك من واقع خبرة في هذي السيارة

انا كان عندي تهريب من الصوفه ووديتها لفني غير صوفه الجير والمكينه ..

وبعد فتره رجع التهريب ..

ماعليك اضربها غسيل جيك

وشيك بين كل اسبوع على الزيت ..

مشكله التهريب من الصوفه امرها بسيط ولافيه خطوره ..

السلام عليكم

.

ياشباب اليوم فحصت السياره عند واحد تركي .

المهم قالي الجربوكس يهرب زيت من الصوفه شي مثل كذا !؟

المهم وطبعاُ.. التهريب هذا الرجال صلحه قبل يمكن يومين وغير الزيت بزيت جديد وقلت نفحصه بورشة ثانيه

المهم قالي للحين فيه تهريب مع ان الرجال غير الصوفه والبكره

قال احتمال من اللي غير الصوفه مانظف الزيت القديم مضبوط . وسألته يروح مع الاستخدام قال مو اكيد

وش رايكم

كيف اعرف انه مطاًبق ولا لا

السياره وارد امريكي .

يعني مواصفاتها مو خليجيه او سعوديه :smile:

وجزاًك الله كل خير على مرورك

اذ هو مطابق للمواصفات

ما عندك مشكل الا ان كان ملعوب فيه

و ان شاء الله الف مبروك و عطيك خيره و يكفيك شره

ننتظر نصايحكم ياشباب ولا يهونون الأخوان اللي افادونا بخبرتهم :wink:

حياك الله اخوي احب ترابك .

ونصيحتك مثل نصائح الأخوان . في الحسباًن راح تكون :wink:

هلابك اخوي من ناحية الحرارة خلها تشتغل ربع ساعه بدون مكيف وهي واقفه وشوف الحرارة اذا تمام شغل المكيف وخلها ربع ساعه زيادة وشوف اذا كانت الحرارة تمام بكذا طاح حساب الحرارة يعني اوكي بأذن الله والله ييسر لك اللي فيه الخير وبالتوفيق.........