السلام عليكم
حسافة على الكابرس والله ياشباب
اليوم رحت الوكاله وياريتني مارحت ولا طبيتها
اول ما شفتها ((الكابرس )) قلت وش هالسيارة الحلوة مسكته مرة لكني قربت الا وش اشوف
لا لا لا هذه الكابرس ما اصدق وين الكابرس الحلوه صارت كذا
مثلا من بره تمشي الحال لكن من داخل هذه سياره يابانيه مش سيارة امريكيه ((استراليه ))
الكابرس اول من الداخل وسيعه مره يعني بين المقعد الامامي والمقعد الخلفي ساحة ملعب
اما الجديدة صارت ضيقة
الكابرس اول المقعد الخلفي يتسع لثلاثة ركاب وهم في غاية الراحة حتى يمكن انك تجلس اربعة ركاب بعد
اما الجديدة فيا دوب ثلاثة ركاب لا وكل واحد يبغي يبعد من الثاني من الحرارة الي خبركم
الفرامل اليدويه لم يجدوا لها حل يعني ما زالت بجنب الراكب الامامي
المقعد الامامي الله لا يوريك قعدت عليه كاني قاعد على سرج حصان ولا كنها سيارة فخمه يعني المقعد والله من جد ضيق مره ما تاخذ راحتك فيه تحس انك تتقلب فيه ما تاخذ راحتك
والي جنب السائق تحس كانه طالع الى قدام يعني لا قدر الله انت مسكت ابريك اعرف ان الراكب الي جنبك راح فيها وضرب وجهه الزجاج الامامي وهذا اذا ما راح على الكبوت
لا وازيدكم من الشعر بيت ترى الكابرس الجديدة ما فيها مسجل يعني ما في الاسيدي يعني لو كنت في بر او في خط بعيد وحبيت انك تسمع شي من وين بتدور محطة تبيع سيدي خخخخخخ
او انك مركب واحد من الشباب وقال لك انه منزل اغاني جديده من الانترنت ما نزلت في السوق وذا ما عنده ناسخ اسطوانات من وين بتسمعها بتقول له خلنا نركب سيارة ابوك علشان نسمع الطرب الاصيل خخخخخ
لا والسعر خيالي مره 105000 شدعو الي يسمعكم هذي سياره المانيه او لكزس الحجم الصغير
لا والله من جد يا شباب الكابرس اعفسوه عفاس
الله ينتقم من شركة هـــــــــولـدن :mad:
الي سوت كذا
انا الحين متحسف قد شعر راسي اني ما شريت 2003 |5|
بس لن ايأس بدور في كل الوكالات يمكن احصل وحده خاشينها :D
شباب سامحوني اني طولت عليكم وسامحوني على الاستهبال لاني شفت شي يفقع المراره و لوعرف السبب بطل العجب ما ادري صح المثل الي قلته:D
وعلى العموم يا شباب هذا رأي شخصي يعني يمكن السيارة تعجبكم |1|وانا مش فارض رأي عليكم انتم روحوا شوفوها يمكن انها تعجبكم ويمكن انها ما تعجبكم
ويمكن اني اول مره اشوفها وما بعد تعجبني
سامحوني شباب على الاطاله والسلام ختام|3|
