لمن لديه تاهو دبل / او بدون !!

مشكور اخوي سليمان والعيسى فعلا بالرياض فقط
اما عندنا يقولو افضل شي بالبيد

وبالنسبة لأخوي محبكم 2010 فعلا هذا كلام كثيرين

حيث ان التفسير العلمي لها الشي << مسوي ذكي

ان الدبل والدفرنس وعلبة التفاضل وزنها حوالي 150 كيلو غرام ( وزن واحد دبة )

اما الي بدون دبل فهالوزن ماهو موجود عشان كذا راح تفرق حوالي ثانية بين الأثنين

وخلاص ان شاء الله رسيت على الي بدون دبل واقتنعت فيها تمآمآ

والله الموفق !!

انا ارشح لك بالبيد لانه صيانات حلوه ودائما تجي فيها اكسسوارات حلوه مثل لمبات في الدعسات والشيء الثاني انه الدبل يفرق عن اللي بدون دبل في العزم وهذا واضح واخوي طارح خويه معه يوكون 2008 وسيارت اخوي بدون دبل وراح عن اللي بدبل والموديل اقدم 2005 واكيد اي واحد تسأله راح يقولك هذا انشط شوي في العزم .

ههههههههههههههههه

احسن وكالة هي وكالة العيسى واتوقع ان هالوكالة ماهي موجودة الا بالرياض
دايم اوقات الصيانه يخلصون الموتر بسرعه ومعاملتهم حلوة معك
اما بالنسبة للجميح فكثير ناس اعرفهم يقولون معاملتهم سيئة مع العميل

خخخخخخخخخ الله يرجك والعكس غير صحيح هع

طيب اخوي ماشاء الله بما انك شريت سوبربان وش تنصحني ايش هي احسن وكالة ؟؟

العفو حبيب قلبي
وعسا الله يهنيك ويسعدك
وترى المواصفات من وكالة لوكالة تختلف
عندنا في العيسى موفر اشياء ماهي موجوده في الجميح والعكس ( غير صحيح )

اخوي سليمان بن دايل مشكور جدآ جدآ على ردك الصاروخي والمفيد

بس اخوي عم ناحية الكونسول الخلفي فعلا لمن رحت بالبيد شفت التاهو LTZ

فل الفل فيه كل شي ماعدا حقت التلفزيون ونا مدري ماسألت الموظف عشان لايجي

يقلي هذي مواصفات تختلف بس دام انها عندك عاد لازم اسأل وافقع خشومهم !!

والصراحة اخوي جنوط ال2011 - خــقـــ ق - واقولها ونا عاض على برطمي هع

ومشكورين جميــعآ !

^^^^^^^^^^^^^^^^^^
الدينالي قوماته قوية مو علشان انه دفع رباعي مستمر
لان المكينة 6.2 لتر وقوة الحصان 403

بالنسبة لصاحب الموضوع انا معي LTZ 2010 لؤلؤي
تقولي الكونسلول الخلفي مافيه حق التلفزيون
معليش يا اخوي انا عندي حق التلفزيون احمر واصفر وابيض
وموتري من وكالة العيسى
وانا كنت محتار مثلك اخذ بدبل او بدون
بعد استشارات وبعد ما عرفت نفسي اني مو حق بران وتطعيس
فاخذت بدون دبل وهذا الشي ماله دخل في عزم السيارة او التسارع او المطارحه
حبيبي توكل على الله وخذ بدون دبل اذا انت مو راعي بران وتطعيس
ولا تصدق الي يقولك ان الي بدبل اقوى او انشط او عزم اكثر من الي بدون دبل
انت بالله بالعقل اصلا ماتجي اشغل الدبل علشان اقاوم
الدبل تشغله لو انك بجبال او غرزت او شي من هالقبيل
اما للمطارحه ماله اي دخل حتى اصلا بيثقل الموتر وعزمه بيقل مع الزمن ويمكن يخرب الدبل مع المقاومات ااذا كنت تشغل الدبل على كل مقاومة

اتمنى انها وصلت الفكرة

الدينالي دفع رباعي مستمر
شوف قوماته باليوتيوب واحكم
بالنسبة لي عندي السيارتي تاهوLTZ ودينالي 2010 كلها دفع رباعي وكلها ةحشه بالكل المقاييس


تحياتي

لكن اخوي كلامك عكس كلام كثيرين الا وهو ان الدبل يثقل السيارة ؟؟!!

ولا انا غلطان للحين ماجا احد اقنعني !!

للموعلومية ترا القومة بالدبل أفضل لأن الأربع الكفرات تحرث الأرض وإسأل لك أي واحد معه FJ


تحياتي

طيب اوك موافق لكن مين افضل الدبل ولا الي بدون ( مع العلم اني ما اطعس بالمرة )

للمطارحات ماجاوبتوني !!

+1


ههههههههههههههههههههههههه

هذا اللي بيكحلها عماها

شوف موضوع أن السيارة الي بدون دبل أخف من الي بدبل هذا كلام فاضي أصلا السياره بوجود الدبل تقدر تخليها تمشي دفع خلفي فقط مثلها مثل الي بدون دبل.

هذا و الله أعلم

اي والله يالطيف الطف يارب اسعار نآر !! لكن ياخي خايف انتظر اكثر

بعدين اجيهم ما احصل اللؤلؤي << هاللون متعبني !!

يالطييييييف على الاسعار هذي
شكلي بافر المعارض يمكن احصلها ارخص من نصب الوكالات
عموما مشكور وما قصرت على ردك السريع

طبعآ اسف اخوي في نقطة حبيت انبه عليها ان الأسعار هذي + اللون اللؤلؤي !!

يعني الألوان الثانية نقص 4 آلاف من السعر اعلاه .

ياهلا بك اخوي بالنسبة للأسعار انا داري انها مارح تسر خاطر اي احد بسبب ارتفاعها

لكن والله يخوي ونا اخوي الجنوط والتجهيزات الجديدة صراحة تستاهل

طبعا حاليا في عروض هذا الشهر راح تنتهي في نهاية الشهر

والأسعار على حسب ما سألت التاهو LTZ فل الفل بدبل 190 الف ( بعد الخصم )

التاهو LTZ فل الفل بدون دبل 180 الف ( بعد الخصم )

وعلى حسب مافهمني الموظف هناك ان الضمان 5 سنين مفتوح الكيلو مترات

ونصحني بشدة بللي بدون دبل انا استغربت صراحة

لكن قلي انه الجنوط الجديدة ماهي للطعوس والبر بشكل عام وقلي الي بدون دبل

تجي السيارة اخف وعزمها يكون افضل من الي دبل << عشان كذا نزلت الموضوع

وتقبل مروري واتمنى الأعضاء يفيدونا ^ ^ ^ بالي جئت به اعلاه !!