X6 أو Porsche cayenne ؟؟؟

2011 مادري والله عن اسعارهم
أنا كنت عندهم قبل شهرين
كان الـ X6 بـ 310 آلاف وإذا انت ظابط أو من كبار المسؤولين بالمملكة يعطونك خصم 15ألف ريال تقريبًا
البورش كايين سعره 290 ألف استاندرد والفل كان بـ 310
والفرق بينهم :
حجم وشكل الجنط , السقف البانورامي , الكاميرا الخلفية وفيه شيء كمان بس ناسيه

انا جربت X6 ولكن البورش الشكل الجديد ما جربته فما اقدر اقارن

وياليت تفيدنا بأسعار السيارتين لموديل 2011


وشكراً

السيارتين روعه .. لكن الي يميز البي ام الضمان لمده 3 سنوات وضمان الصيانه .. البورش كاين اس ستاندر يبدا من 300 الف ويوصل مع المواصفات الى 380 الف .. تجديد ضمان بعد سنتين للبورش ب 6300 ريال .. غير الصيانه الدوريه والتي تكلف 1500 ريال تقريبا غير الصيانه ل 45 الف والي توصل الى اكثر من 4000ريال فا من ناحيه اقتصاديه البورش مع الزمن الطويل مكلفه .. البي ام بس بنزين وكفرات وانت مرتاح

ماشاء الله على التفاعل
والله أثلجتم صدري >>> متعوب عليها ^_^
من ناحية الشكل هو مو مهتم لأنها جميعها جميله ومميزة
لكن هو خايف من ناحية الضمان وقطع الغيار والاعتمادية
أنا رحت لوكالة BMW اللي بالرياض اللي بخريص
وبصراحة اعطانا فيها خصم مغري >>> كبار المسؤوولين في المملكة
تقريبًا حدود الـ 20 ألف ريال
وضمان 5 سنوات أو 100 ألف للصيانة مجانية لكن إذا أبي نبي نمدد الضمان يبيلنا ندفع حول الـ 30 ألف ريال عشان يطلع إلى 200 ألف وبصراحة المبلغ تو ماتش
رحت مرة لوكالة بورش وبصراحة ماعطاني وجه والسبب إني لسه صغير (19 سنة ) شكله ماتوقع إني جاد *_^\لكن هل عندهم نفس هالوضع >>>خصم لكبار المسؤوولين في المملكة ؟؟؟
أنا سمعت منكم إنه ضمان سنتين مفتوح العداد لكن هو صيانة مجانية ولا ايش بالضبط
لأني للحين مو فاهم ايش فايدة الضمان إذا مو صيانة مجانية
ياليت لو تفيدوني
أما بخصوص الـ V6 أو V8 هو مو حق مقاومات ولا اي حاجه
يعني رسمي وفخم وشوي شبابي

ومشكورين على مساعدتي
الله يجزاكم خير ويجعله في ميزان حسناتكم
محبكم / عبدالله

صوتي للبورش بلا منازع ... صحيح خلفيته ما اعجبت ناس كثير (انا عاجبتني) لكن افضل بكثير من خلفية الاكس٦

ولا يعيب البورش الا سعره المرتفع .. و هذي احيانا ميزة لانها ما تصير منتشرة و تبقى مميزة

اذا يقدر يرفع ميزانيته شوي وياخذ الاس افضل من ٦ سلندر

عندنا في العائلة اكثر من بورش وماحد اشتكى من الوكالة .. جايز لان السيارة جودتها اصلا عالية

البورش شكله اجمل في نظري .. لكن ايضا البي ام رووعه ..

لو انا خيروني راح اخذ البورش .. لكن لو تاخذ اي وحده فيهم ما بتكون خسران ان شاء الله .. الثنتين رووعه ..

الله يكتب لك اللي فيه الخير ..

اولا اللي يقول ان التقنيات البورش افضل غلطاااان معروف البي ام والمرسيديس افضل شكرتين تقنيا
ثانيا البورش كااين 6 سلندر سعره 280 الف ستاندر و 315 الف بسقف بانورامي وجنط عشرين
ثالثا الكايين ال 6 سلندر شكله مررره ما يخارج خاصه الجنط والله حرام سياره ب 300 الف وجنطها مقاس 18 حتى الفل 6 سلندر اللي جنطه 20 مو حلو
الاكس سكس السته سلندر والثمانيه سلندر ما فيه فرق غير الشكمانات وتقدر تغيرها ف الوكاله
الضمان البي ام 3 سنوات او 60 الف كيلو وصيانه مجانيه 5 سنوات او 100 الف كيلو
الضمان للبورش سنتين مفتوحه وبدون صيانه مجانيه وزيادة السنه للضمان 6800 ريال
انصح انا ب البي ام بكل امانه لان البورش ما يميزه الا حاجه وحده اللي هي الداخليه بس
بس البي ام انا ركبت الداخلية البيج والله حلوه مرره + شكل خقق + ضمان رائع + هيبه والله ما وصلتها سياره = استخر ربك وشوف اراء الشباب ترا والله عندهم خبره مررره كبيره ف السيارات الالمانيه

البورش بلا مقارنة
فخامة متناهية

فرق كبير بين قول فلان معاهـ بورش , وفلان معاهـ بي أم !!
الـ X6 ما أنكر إن واجهتها جميلة .. لكن تصميم الخلفية جداً قبيح وجداً مستفز .. حتى أن أكثر من شخص شبهوها بـ سيارة السانغ يونغ ..
ناهيك أن فيها بعض السلبيات .. مثل الطبلون البرتقالي و اللمبات الخلفية لمبة الفرامل عادية والواجهة لمبات السكن صفراء كـ إنها موديل قديم و المقاعد الخلفية مقسومة نصفين وضيقة ومن عند الطبلون أزاريرها قليلة وأشوفها كئيبة !!
ولهذا أرشح لك البورش .. ويكفيك السقف البانورامي !





والسقف والكتوف الشامواه ..

ويكفيك أنظمة الدفع الرباعي ..










http://www.youtube.com/watch?v=K0MO3Lpb21Y

ويكفيك الإنارة الأمامية والخلفية الـ ( LED ) .. من سكن وفلشر وإنارة خلفية حتى لمبة الريوس زنون أبيض !! :xyxthumbs:





ويكفيك أزرار الداخلية الفخمة والرائعة والألوان المتناسقة !











بالنسبة للوكيل .. كلهم يعطون ضمان وصيانة مجانية إلى 100 ألف كم ..

احتمال واحتمال اللبناني طويل العمر شافني مكشخ قال في نفسه خلني أجلده بالسعر

والله ممكن ما سمعتها كويس ...
بس والله يستاهل

انا لو خيروني راح اختار البورش ...

وذلك لان شكل البورش الجديد توه نازل ... راح يطول اكثر من الــ X6 ..

يالاضافة ... الى ان مقصورة البورش رهيبــــــــــــه ...

خذ الــ 6 سلندر وركب له كت (( التوربو )) وشوفه كيف بيطلع ...

(( في النهاية المسالة مسالة اذواق شخصية ))

تقبل تحياتي

بالنســبة للأسعار ماعندي فكرة بس أنا أفضل البورش بمراحل
أول شي الشكل الجديد
شكل رائع ومميز أكثر من الــX6
الله يخترلو الخير يارب

الضمان يتم تمديده حتى 9 سنوات وكل سنة ب 6500 او 6300

قبل أسبوعين بس سألت عن كايين بوكالة ساماكو بالرياض اللي تقريبا نهاية شارع التحلية

الستة سلندر سعرها حدود 315 ريال
كيف الثمانية 280 الف بس!!

أجل الستة كم بيكون سعرها؟!

^^^^^^^^^^^

صدقني اخوي لو ركب الـكايين s موديل 2011 في المعرض ومعاه فلوسه كاش اتحداه يقاااااوم

والله من جوا شي شي ما يوصف مررررررره حلو لا وازيدك انو الـ v8 اللي هو كايين s بـ 280 الف
بالنسبه للتقنيات اتوقع الكاين افضل
والضمان الكاين يقدر يمدد الضمان لـ 5 سنوات كيلو مترات مفتوحه بمبلغ في حدود 10 الاف
صراحه لا اعلم عن الـ x6 كثير ولـــــــــــــــكن لا بد انه يروح يسأل بنفسه ويركب السيارتين ويشوفها بنفسه قبل لا يشتريها
والف مبروك مقدما