وأنا ملاحظ إن الكوري له زبون في السعوديةو إن جودة الكوري تحسنت ماهي زي أول
عند جاري سوناتا 2004 ما شاء الله للحين ما سكة لمعتها وصوت المكينة ناعم ووقفتها ماشاء الله ومشيتها راسية وترتاح لشكلها العين
لكن أنا أبي سيارة تكد
وعلشان تعرفون نوع السيارة اللي تصبر مع اللي زيي بسولفلكم عن سيارتي الحالية
حاليا معي لومينا 96
ما شية 360 ألف
والله إني أحبها ومرتاح معها مرررررة
مواصفاتها
6 سلندر
مثبت سرعة
رساوة غير طبيعية
مريحة لأبعد حد
عزل صوت مثالي
جودة عالية (غير القطعة وانس تغيرها ثاني مرة)
محرك نشيط
صبورة جداً
بدي قوي ( الصدمات الخفيفة ما تأثر فيها )
تتحمل المطبات القوية
يعني بيني وبينها عشرة عمر 16 سنة
زارت جميع مدن المملكة الرئيسية وما مرة سببت مشاكل
لكن الزمن خذ حقه منها وجا الوقت اللي ترتاح فيه
على إنها مستعدة تكمل معي مشوار الحياة لكن ما أبي أتعبها
سيارة أحترمها كثير وما أرضى أحد يضحك عليها أو يقلل من قيمتها
لكن للعمر أحكام
بعدما فكرت في السيارات الموجودة حاليا لاحظت إن كل الوكالات أسعارها فوق
اللي كان 40 صار ب70 واللي 70 صار 110
المكسيما فوق المية
اللكابرس اردى نوع 100
واالله احترت ما ادري وش أسوي
لكني فكرت في الكوري
ولقيت سيارة من كيا اسمها ابيروس مواصفاتها حلوة وشكلها أنيق
لكن ما ادري عن سيارات كيا من ناحية الجودة
وعلى فكرة أنا ناوي مستعمل لأن الكوري الجديد سعره قريب من الأمريكي وإذا كنت بشتري جديد فالأفضل إني أشتري فورد أو ميركري
يعني بالعربي بدوري لي كيا او هونداي موديل 2008 وطالعه
وبصراحة السوناتا احسها حقت شباب وصغيرة شوي
والأزيرا نفس هيكل السوناتا
الجنسس المشكلة مستعمل مال لقيت
تكفون أنا بعطيكم مواصفات ونتم اختاروا لي سيارة
محرك قوي وناعم ماهو مزعج على الخطوط
رساوة
الديكور الداخلي يقتح النفس وما يتغير من الشمس والحرارة
مراتب مريحة
رحابة في المقصورة
مثبت سرعة (أهم شي)
صرفية معقولة
قطع متوفرة
تتحمل المطبات القوية (تعرفون احيانا الواحد يتفاجأ بمطبات شوارعنا المكسرة)
أهم شي الجودة الشاملة
