دعوة للنقاش حول غلاء اسعار قطع غيار الميتسوبيشي ...

القولف والشيروكو والتايب ار شبه منافسين لكن ماهم منافسين مباشرين مثل الايفو والاس تي اي



1- الايفو والامبريزا مستواهم متذبذب جداااا
وبشكل عام السيارتين متساويتين في القوة من اقل فئة منهم الى اعلى فئة (كوزوورث واف كيو)
وكمان اللي في المقارنة كانت اس تي اي A-LINE (اضعف انواع الاس تي اي وهي بمثابة WRX لانو في اليابان ماعندهم الا STI و TI A-LINE))

2- ارقام الربع ميل ماهي ثابتة وهذي بعض الارقام للامبريزا:
13.7 (الرقم الرسمي)
13.8 (تجربة ادموندز)
13.3 (تجربة ادموندز2)
13.2 (تجربة فاستيست لاب)
13.4 ( موتور تريند )
ارقام الايفو :
13.6
13.2 (تجربة فاستيست لاب)
13.8 (تجربة ادموندز)

وبالنسبة للحلبات...في نوربورغرنغ جابت الامبريزا 7:50 والايفو 7:57

في حلبة توب قير الامبريزا 1:28.20 والايفو 1:28.22

في حلبة نوربورغرنغ جي بي الامبريزا 1:41.98 والايفو 1:41.66

في حلبة ماجني كورس الامبريزا 1:27.40 والايفو 1:27.81

في حلبة بوتون ويلو الامبريزا 58.60 والايفو 57.60

يعني مرة الايفو ومرة الامبريزا ونفس الشي القومة لل100

وللاسف شكلو حتنتهي المباراة بينهم بالتعادل...لان ميتسوبيشي ماهي ناوية تسوي نسخة بنزين من الايفو الجديدة ><"

وبالنسبة لباقي السيارات الاوروبية...مالي خبرة فيها



ميتسوبيشي زي سوبارو...ماهم مهتمين بالسيارات...ميتسبويشي مهتمة بالاجهزة وسوبارو بقطع الغيار لانها تمول شركات كثير

بس ان شاء الله خلال السنتين القادمة بنشوف تطور في ميتسوبيشي (الجالانت الجديدة - اللانسر فيس لفت - الباجيرو الجديد - الاوتلاندر الجديد - ال l200 الجديد)



هههه

مو بس احنا اللي نحس بهذا الشي حتى اليابانيين اللي راحو برا اليابان قالو نفس الكلام

وفي لقاء مع بعض مسؤولي نيسان كان في سؤال عن سبب التباين الكبير بين السيارات اليابانية في اليابان وخارجها

قالو السبب الرئيسي هو الين وان الاسعار حتكون عالية

والسبب الثاني قلة المصانع وضغط الانتاج

والسبب الثالث صعوبة توفر الخامات وصناعتها لتغطية الطلب...يعني عندهم عذر



شكرا لك اخوي على الاطراء ^^

وان شاء الله نشوف ميتسوبيشي من احسن لاحسن

وعذرا على التاخر في الرد لاني ماراجعت الموضوع

ردي بيكون فل خط الاحمر:ch19:
من ناحيه الايفو صح انهم من اقوى سيارت اربعه سلندر تيربو فل عالم لاكن في سيارات ثانيه من الممكن انها تتقارن معاه مثل جولف ار و شيروكو ار بحكم اربع سلندر وتيربو ودفع رباعي يمكن هم اقرب منافسين تقريبا طبعا انا جايب لك مقطع سبااق لو تسمح لي بس بين هايل اربع سيارات معاهم سيفيك تايب ار وبتشوف كيف مستوا الايفو و اس تي اي مع شيروكو ار خاصه:xyxthumbs: وجولف ار
وتفضل الكل ستووك
http://www.youtube.com/watch?v=uAkkOlfoCJw

لها درجه لانسر في بلدهاا ضعيف :a1120(86): عيل كيف لي تي عدنا 2.0 155 حصان تقريبا عجييب
طبعااا من اول اعرف انه كمواصفات ولا شي قدام منافسيها خصوصا في بلدهاا اما فل الخليج موضوع ينقلب يكون لانسر احسن من كورولا من كل نواحي تقريبا

هو انا اتفق معااك انه محركات ميتسوبيشي خااصه بدوون تيربو ضعيفه نووعا ماا :a1120(121)::blue:
بس هاذا مايمنع تخصصها هو محركات ااصغر ومع تيربو خاصه الحين تنوعت سيارت لي فيها تيربو غير لايفوو مثل لانسر رالي ارت و كولت رالي ارت وصح لو يكون حقن مباشر لاكان كلام ثاني بعد
احنا نتمنى ك عملاء ميتسوبيشي ان تكون شركه حالها من حال شركات اليابانيه ثانيه يعني حراام هم مطوورين لابعد حدود مثل ماقلت وميتسوبيشي ترجع وراا وحنا لحد الحين ننتظر اشكال سيارات اليديده خصوصا من لانسر ول جالانت وتصدق انا استغربت كورولا وهاي مواصفاتها وين عنا هاي المواصفات :confused1: وهاذي كورولا كيف سيارات ثانيه من تيوتا طبعاا انا شفت يارس ول بقيه اعطي احترام ل تيوتا وماتقدمه لعملاءها فل ليابان من تكنولوجيا حديثه للسياره ودرجه امان مفرطه لاكن خليج ياكلون تبن :a1120(86)::smilie16: ولا ربع مواصفه فيهاا اما من ناحيه ميتسوبيشي يعني سياراتها تقريبا نفس لي تجي بلدها الا كمن نظااام
يعني بقولك عن لانسر لي عدنا و لليابان
تسخين ولا تبريد مقعد مب موجود عندي هاذي بس موجوده فل الايفو بس - ستاره مب موجوده عندي - تشغيل بزر مب موجود - اما دخول ذكي موجود :mad1:
ك قوه لانسر لي عدنا فل الخليج اقوى طبعااا
ممم طبعا موضوع مواصفات مامن نخلص منه للاسف لانه زييين مايكمل ل اليابان دوله متعصبه لسياراتها بس فالحه لنفسها اما احنا نشرب ماي بحر وننقهر من مواصفات لي تيينا للاسف :a120(115):و تخيل معاي مواصفات ثلاث لي فووق موجوده عدنا الحين ونظيف له شاشه صدقني سعر بيضرب فووق يعني ارضى على مينوني احسن خخخخ
وبنهايه اختلاف بل اراء لايفسد بل ود قضيه :xyxthumbs:صراحه معلوماتك في سيارت اليابانيه ما شاء الله عليك يبالك تعطينا محاضرات ودروس عن سيارات يابانيه الله يعطيك العافيه ومب مقصر بل عكس انت تقول صراحه واحنا نمشي معاها والله يسمع منك ان شاء الله اذا كيف في شي يديد من شركه ننتظر ونشوف شكله هدووء قبل العاصفه :ch19: ومشكور على ردود حلوه منك واستمتعت الحواار معاك وثانكس :xyxwave:

اخوي انت حددت في كلامك وقلت انها الاولى في اليابان

في اليابان الشركات اليابانية مستواها مختلف كثير عن خارج اليابان





قطعها معمرة صحيح وفي السعودية اللانسر الافضل في فئتها من ناحية الجودة الداخلية

والجالنت ثالث افضل سيارة في فئتها من ناحية الخامات بعد الاكورد والمازدا6

لكن هناك في اليابان نيسان وتويوتا ماتستخدم نفس المواد اللي عندنا او في باقي الاسواق

يعني مثلا تويوتا تسخدم جلد طبيعي وديكور من الخشب الطبيعي والخيزران...نيسان تستخدم مادة على ما اذكر اسمها اليوريثين في مقاعدها وهوندا تستخدم عوازل للاصوات في الابواب وديكور مقوى اما ميتسوبيشي...معظمها بلاستيك حتى وان كان جودته عالية بس مو افضل من خامات تويوتا او نيسان



صحيح ان الايفو اقوى اربع سلندر في العالم مع الامبريزا...بس مين في غيرهم بنفس الفئة عشان نقارنهم ....مافي منافسين لهم

وحتى الكولت ...محركها 1.7 لتر وتيربو وتسارعها جباااار (2.8 لل80 و 5 للمية)

لكن الباجيرو مقارنة بالبرادو ...قوته اقل

الان اس اكس ضعيف مقارنة بالمازدا CX-5 او نيسان جوك

الكولت ضعيفة مقارنة بالصني (التيدا الجديدة) او اليارس

الديليكا ضعيفة مقارنة بالفيلفاير او الاوديسي او الالغراند

الميزة الوحيدة لهم انها الشركة اليابانية الوحيدة في اليابان اللي عندها بيك اب



الله لا يجيب زعل...بس ماقلت شي غلط !

والاستاذ سوبر سفاري قال انا الاولى في اليابان

وانت عارف ان اليابان مو زي باقي الدول ومستوى الشركات هناك يختلف كثيييير عن سوقنا



صحيح مواصفاتها مميزة جدا...مثل حساس المطر والتبديل من خلف المقود...ويكفي اداءها الرياضي اللي مايتوفر في منافسيها

لكن في اليابان حساس المطر هذا تلقاه في اليارس الستاندرد ...ميتسوبيشي في اليابان ماعندها نظام شاشة مطور مثل باقي الشركات

وماعندها انظمة رفاهية او حتى انظمة سلامة مثل باقي خواتها

يعني مثلا:

الكورلا في اليابان في شاشة وكاميرا امامية وخلفية ورادار ونقطة عمياء ووقوف الكتروني وثلاجة تبريد صغيرة وطبعا دخول بدون زر وتشغيل ببصمة وتعتيم مرايا وتسخين وتبريد وستارة خلفية

اللانسر فيها تسخين فقط وستارة خلفية وتشغيل بزر ودخول ذكي وباقي المواصفات عادية وموجودة في كل السيارات

اما مواصفات الامان:

الكورلا 7 ايرباقات و ABS - GOA - VSC - TRC - EBD - WIL - BA - POP-UP HOOD

اللانسر 7 ايرباقات و ABS - VSC - TRC - EBD

القوة: كورلا 1.8 133 حصان تجيب المية في 8.4 ثواني تقريبا

اللانسر 1.8 139 حصان تجيب المية في 9 ثواني تقريبا

وبالنسبة للسعر: الكورلا 79 الف كامل المواصفات واللانسر 82 الف كامل المواصفات

هذا فقط مثال واحد...ولو مشيت مع باقي السيارات وباقي المنافسين كلهم تلقاهم متطورين ومحركاتهم اقوى ومواصفاتهم اعلى الا ميتسوبيشي



الميتسوبيشي ثم الهوندا...هم الوحيدين اللي لا ركبتهم اجرم فيهم براحتي لان الديكور يستحمل ماشاء الله

وحتى في الحوادث مايتخلع مثل معظم السيارات...بس الخامات المفروض تكون افضل...يعني قماس المقاعد جودته عالية ويتحمل بس ماهو مريح

البلاستيك جودته عالية بس ايش يمنع من زيادة التخشيب وتقليل البلاستيك !



الكولت رالي ارت الى الحين ماني مصدق اداءها ماشاء الله...وحش جبار ب1.7 لتر وتيربو وصل 5 ثواني صافية (حتى الامريكي 8 سلندر ماسواها :smilie16:)

والقير الاوتو اللي مو CVT جاب 4.8 تقريبا

لكن الكولت العادية تسارعها 10.5 تقريبا واليارس تسارعها 9.3 تقريبا

والمازدا 2 نفس التسارع 9.3 والتيدا الجديدة 9 ثواني

يعني محركات ميتسوبيشي بدون تيربو ضعيفة ...يمكن يحتاجو لاستخدام الحقن المباشر من جديد

وترا كلامي مو تقليل في ميتسوبيشي بالعكس...هي من افضل الشركات في السعودية والعالم بشكل عام

لكن في اليابان الشركات اليابانية مسوية شغل كبييييير حتى الالماني صعب ينافسهم هناك رغم انو مواصفاته نفس مواصفات المانيا

وميزة ميتسوبيشي في اليابان هو FUSO فرع الشاحنات العملاقة....هذا اللي نجح نجاح كاسح

وحتى يستخدموها في حمل القطارات وجر البواخر والعمائر المتنقلة

وان شاء الله ميتسوبيشي تتحسن بعد التجديدات الكبيرة في 2014 (كل السيارات حيتغيرو كليا باستثناء ASX)

افا جيني زعلت عليك صراحه اخر واحد ينزل مستوا ميتسوبيشي فل المنتدى افكر فيه انته طبعا رد على خط الاحمر مستواها سيء من اي ناحيه :confused1:
ك مواصفات مطوره شوي يعني بمشي معاك بقولك لانسر جي تي فيها نظام حساس مطر قولي سياره غير مازدا3 فيها ها نظام عاد مادري اذا سيفيك جديده فيها كورولا لاتعليق مافيها طبعا و كيا سيراتو اعتقد مافيها هي ووالنترا تقريبا شفروله كروز مافيها سوبارو امبريزا شكل الحالي واليديد مافيها وطبعا ميزه هاي تنفعك فل المطر صدقني انا وايد نفعتني :wink: ممم بعد شو قولك خامات شو لي تقصدده هو صح مافي اختيار الجلد للفل اوبشين يمكن اعتبره من مواصفات مطلوبه بس ك جوده داخليه بحكم كان عندي لانسر رالي ارت موديل 2006 و لانسر جيتي 2010 بحكم من ملاك ميتسوبيشي ست سنوات اقولك من اجود سيارتين بفئتها من ناحيه جوده مواد داخليه صدقني ونت عاارف ها شي يا جيني اخاافك بس تسوي جوو علينا ماعارف كيف :smilie16::c0214:
اما طامه الكبرى المحركاات اخخخ ماهقيتها منك وتقول اضعف محركاات :c0038: اسمحلي
لاتنسى لي هي سيارتي لانسر جي تي تقريبا لحد الحين بعد تجديد اجيال مثل سيفيك و مازدا3 و امبريزا و الالنترا لاتزال اقوى سياره في فئتها صح قررااب من مستوى انا وياك بسكا ارقام لانسر تتفوق عليهم صدقني ولا سياره تمشي معاها هاي من ناحيه لانسر نزين كولت انت برووحك ذاكر انها من صفر تجيب 5 ثواني مادري ست ثوان وهي 1,5 لتر 150 حصان ب تيربو قير cvt يعني تقريبا نفس لانسر 2.0 بس 155 حصان لاكن ك مستوا واداء كولت اقوى تسارعها مش طبيعي بس حراام ماتنباع عدنا هاي المشكله خخخ طبعا انا مابدخل\الايفولوشن بروحها قصه مايحتاي ممم جالانت انا معاك انها 3.8 وتنتج 230 حصان للاسف هاي انا معااك ضعيفه مع منافسين لاكن لو كانت نسخه رالي اقوى عنها قويه وتسارعها حلو واكيبس نفس جالنت بس زياده احصنه شوي بس اداءها مش ولابد مع منافسين طبعا هي مركز الاخير اذا منجيك عل باجيرو بعد ك محركها حلو يعني بشكل عاام مكاين لانسر اقوى مكاين من ثانيات ,,,ومره ثانيه لاتقول محركاات ميتسوبيشي ضعيفه حدد وعقب تكلم :ch19:

أخوي كلامي عن جودة التصنيع و الاعتمادية و ليس السوق أو الوكيل و تعامله.



عاد الي جرب ميتسوبيشي يكتشف العكس أخوي. قطعها معمرة و خاماتها الداخلية ممتازة بالعكس.
أنا أشوف أي سيارة منها و أقارنها بالمنافس من تويوتا أو نيسان مثلاً أشوف أن الميتسوبيشي أمتن من الداخل و متعوب عليها أكثر.
أما المحركات فعندك الإيفوليوشن لا يخفى عليك أداؤها الخرافي الي يخليها تسابق سيارات السوبر كارز.
أما إذا تتكلم عن الجديد فتونا ما نقدر نحكم إلا بعد مضي سنوات.. فلا نحكم الحين. دائمًا نعرف ميتسوبيشي بالجودة المرضية لكن الوكيل هنا العيسائي ما يخلي أحد يتعامل معه. راس كل علة في السيارات هم الوكلاء دائمًا.

وعليكم السلام ورحمة الله وبركاته ,,

الوكيل بشكل عام سيء

حتى في تعامله مع الزبائن...تحس انو مجبور على الوكالة

والقطع صحيح انها اصلية وتعمر وتستاهل ان يكون سعرها اعلى من المنافسين...بس مو لهذي الدرجة

هو مبالغ مررررة في الزيادة والظاهر انه يبيع القطعة بسعر قطعتين...يشيخ والا انفنتي اسعارها ماتجي زي كذا

وحتى هوندا نفس الشي...قطع اصلية وتعمر بس اسعار مبالغ فيها جدا وتوصل لاسعار قطع ماركات فخمة



ميتسوبيشي الاولى ! وفي اليابان !!!!!

ميتسوبيشي اسوء شركة يابانية في اليابان خلال الخمس سنوات الماضية<<طبعا بعد ميتسوكا اللي مالها داعي في الحياة :mad1:

مستواها سيء بكل ماتعنيه الكلمة من معنى

هي اسوء مواصفات واسوء خامات وابطئ محركات وبعض سياراتها مبالغين في اسعارها مثل الكولت

في اليابان المسيطر تويوتا ...هي اللي عرفت كيف توفق بين رغبات السوق الياباني وبين المنافسة وبين تقديم مستوى عالي يرضي جميع عشاق السيارات سواء كانو عشاق السيارات الرياضية او الاقتصادية او العائلية او حتى الطرق الوعرة والنقل

ومع هذا تبقى ميتسوبيشي من افضل الشركات في السعودية

وكيلها حلو وغبي بالله كيف تجي مع بعض وردك كله سلبي ؟؟

بس حلوه ابو جوجو هههههههههه

الكارثه ان الدعايات كلها نصب X نصب لكن ماننكر انها تجذب الناس

ههههههههههه ذكرتني باللي يقول سامسونق شركة غسالات ومكيفات :smilie16:

مايدري انها تصنع سيارات وناقلات نفط ومفاعلات نووية ومعدات وبنت مدينة رقمية وتشارك بمشاريع بناء ضخمه

اشياء كثير مضلومه بالسعودية والسبب : الثقافه الضحله

اسعار بعض القطع في اللانسر EX غاليه مرا لدرجة خباااااال .صدام ب 4 الاف ؟؟!!!
انا اقولكم بالتفصيل .الصدام اللي يجي رياضي حق الGT يتباع قطعه قطعه .

اولا: سعر جلدة الصدام لوحدها ب1690.
ثانيا: سعر الشبك اللي يجي تحت ممتد تقريبا 120
ثالثا: سعر الشبك الوصلتين اللي تجي فوق جنب علامة ميتسوبيشي بحدود 200 وحاجه
رابعا: سعر الاغطيه حقت الكشافات الواحد ب80 او 85 تقريبا.
واخيرا: سعر النيكل القوس اللي بالوسط ب1700 ريال !!!
انا متأكد من سعر الصدام فاضي بالزبط .لكن الاشياء اللي قلتها تقريبا زيها اذا ماكانت نفسها.
انا سعرت كل حاجه كانت بحدود 2200 متأكد من كذا بنفسي طبعا كنت بشتري من غير النيكل يعني 2200 بدون نيكل .شي عجيب صراحه .حبايبي صدقوني لقيت نفس الصدام كامل وبالنيكل حقو ب335 ريال بس طبعا مو اصلي .طز في خلي مو اصلي ولا ادفع 4000 .طبعا حصلتو بموقع اجنبي يعني من غير تكاليف الشحن..

سعر الكشاف الواحد ب995 بالسعوديه عندنا:confused1:
ومتأكد من كلامي مزبوط طبعا بعد الخصم:c0038:
وسعر الاسطب الامامي الايسر بدون افياش بس قاعده وقزازتو وبدون شمعات ب1090 بعد الخصم
وفي موجود تجاري ب235
وتبغوها تنتشر سيارات ميتسوبيشي ماتوقع تنتشر ابدا دامو هذي اسعار قطعها.
وشكرا حبيبي على موضوعك الحلو وانا صراحه احب شركة ميتسوبيشي وأثق بصناعتها.

أنت ذكرت نقطة جوهرية و زين أنك عرفت سر انتشار السيارات. السر بالطبع هو نشاط الوكيل في..


الإعلانات هي التي تصنع سمعة السيارة أكثر من جودتها! هذا الواقع عندنا.

وكيلها حلو لكنه غبي
مستغلين غلاء قطع الغيار للتعويض من خسارة قيمة السياره الغير مباعه
وأيضا يعني اني ماقد شفت اعلان لسيارات متسوبيشي في لوحات الشوارع مثل تيوتا ابوجوجو
يعني تحس الموظفين ما ودهم يجذبون الزبائن بالعروض الجديده
الله يعين عليهم

بكل تجرد و بعيدًا عن التعصب أقول:
ميتسوبشي لا تطلب منك قطع مثل تويوتا و نيسان.

بأقول لكم شيء: أنا الآن أمتلك سيارة أوربية ,, و لم افكر بعد تجربتي لها بالياباني, و لكن بصراحة استثنيت الميتسوبيشي! و الله رساوة و جودة صناعة مثل الأروبي! هي و السوبارو.

أنا نظرتي ليست سطحية (تمسك سعرها بالسوق - قطعها غالية...)؛ لأني أشتري سيارة لعمر طويل و لا أجدد السيارة بكثرة, بعدين قطعها معمرة جدًا أكثر من مثيلاتها اليابانية.
إذا سويت حساب المصاريف لسيارة من ميتسوبيشي و أخرى يابانية من نوع آخر على مدى 10 سنوات , ستجد أن ميتسوبيشي كلفتك اقل في الصيانة, فلا تغتروا برخص القطع !
مثلاً: المساعد الخلفي حق لانسر 2000 بـ 750 ريال, لكن خدمني 10 سنوات على الأقل بالكرف و المطبات.. إلخ, فهل الكورلا أو الصني مثلها؟؟ طبعًا لا نهائيًا.
إذًا سعر القطعة مرتبط بعمرها الافتراضي. ركزوا على هالنقطة.

الأمر الثاني أن الوكيل (العيسائي) لم يعط السيارة حقها و لم ينشط في الإعلانات مثل الحمراني و عبد اللطيف جميل. الإلانات تلعب دور كبير جدًا جدًا و لو كانت السيارة أقل جودة من غيرها! و انظروا إلى انتشار (كيا) و (هونداي) لتعلموا صحة كلامي.

و للعلم.. الذي يعتقد أن ميتسوبشي تصنع مصاعد, أقول:
ميتسوبيشي تصنع:
* سفن
* قطارات
* أقلام UniBall الي كلنا يعرفها بلا استثناء
* معدات كهربائية مثل الطبلونات الي نشوفها في منازلنا

هذا ما أتذكره إلى الآن ,, و هناك أشياء أخرى.

و للعلم ,, لمن لا يعلم:
ميتسوبشي السيارة الأولى في اليابان قبل غيرها.

اسعار قطع الغيار للمتسوبيشي في دولة الكويت رخيصة جدا . الوكيل عندهم ممتاز موفر جميع الموديلات والموصفات .

عندي تجربة بسيطة مع لانسر القديمة موديل 2007
قماش الوكالة الامامي عند الموزعين 185ريال قبل سنة تقريبا ويمشي 45الف
قماش نوع تركي ب 45ريال والى الان ماشي 40الف وبدون اي مشاكل

وبالفعل مشكلة متسوبيشي في الاشكال ما تتغير وقديمة

مشكله شركة ميتسوبيشي في نقطتين أساسيه

أول شيء مافي موديلات وطرازات جديده يعني السيارات هيا هيا نفسها من اكثر من 10 سنوات

االشيء الثاني داخليه السيارات لك عليها صراحه

مشكله اكليبس وحده بس لي هي قوه مكينه حرام مكينه سعتها 3.8 تنتج قوه حصانيه 260 حصان تقريبا وسرعتها 220 بس يعني عل الاقل هاي سياره يخلوها اقوى سياره سته سلندر فل ميتسوبيشي وقوتها مايتعدا 320 حصان عل الاقل ولا كانت بتنافس زد 370 بكل شده