الاثنين 20 أبريل 2026
الرئيسية أخبار السيارات مواضيع اليوم
روابط قد تهمك : السيارات | تحويل التاريخ الهجري والميلادي | تاريخ اليوم الهجري | رواتب السعودية | الموسوعة | قناة السيارات
عاجل
2023 Lexus LX600 4WD Gcc Full Options 16,200KM | تويوتا ياريس كروس الجديدة تأتي بتصميم مستوحى من قناع هانيبال ليكت | شاهدوا الشكل المتوقع لهيونداي إلنترا 2027 الجديدة المرتقبة | كيا تعلن عن طرح سيارة SUV كهربائية رائدة من الفئة C في عام 2029 | تعرف علي 10 بين أفضل السيارات الأمريكية التي صنعت علي الإطلاق
الرئيسية المنتديات الرئيسية ورشة السيارات تأخير تبديلات قير الجمس 2004

تأخير تبديلات قير الجمس 2004

ورشة السيارات
19 رد 36,937 مشاهدة 9 مشارك الأقدم أولاً
م
ماركيــ 99 ــز @user_31583 · 27-03-2011
السلام عليكم

كيفكم يا اخوان

بالمختصر عندي جمس يوكن XL دبل فل كامل استخدام امريكي موديل 2004


لاحظت اليوم تأخر شديد في تبديلات القير في جميع النمر من الاول الى الثاني الى الثالث الى الرابع

يعني ما يعشق الين تحن السيارة ويرتفع صوت المكينة

للمعلومية زيت القير ماشي عليه تقريبا اكثر من عشرين الف ولاهو ناقص ولا فيه شوائب او تغير في اللون


كمان شكل الدبل غريب مافيه خفيف فقط ثقيل وهذي صورته









ساعدوني جزاكم الله خير
م
محبكم2010 @user_187516 · 03-05-2011
بشر ايش صار .
م
ماركيــ 99 ــز @user_31583 صاحب الموضوع · 06-04-2011
ان شاء الله
م
محبكم2010 @user_187516 · 06-04-2011
الله يعينك وييسر امرك بس احب انبهك واقول لا تروح توظب الا عند واحد ثقه .
م
ماركيــ 99 ــز @user_31583 صاحب الموضوع · 05-04-2011
اشكرك على الافادة .. والظاهر ان القير جاوب :(

والله يعينني على التوظيب :(
ا
ابن شتيب @user_207306 · 03-04-2011
الكتابه الي طلعت على الطبلون تقول ان الناقل ساخن
والدبل عندك الكتروني يعني السياره تمشي ع الدبل الين تصل السرعه 80 كم وبعدها يفصل الدبل من حاله
م
ماركيــ 99 ــز @user_31583 صاحب الموضوع · 03-04-2011
جزاكم الله خيرا جميعا

اليوم فحصت السيارة بالكمبيوتر عند المركز الامريكي في مكة وقال ان القير يبغاله توظيب

وفحصت عند واحد ثاني اللي هو مركز 3 نجوم وقال نفس الكلام

وبعد ما مشيت من عندهم طلعت لي هذي الكتابة على الطبلون وصار بالقوة يعشق للنمرة الثانية والثالثة

م
ماجد الشمال 1 @user_221129 · 31-03-2011
اخي اول شيئ افحص الفيوزات
2- ممكن يكون من كمبوتر القير
3- افحص ضفيرة اسلاك كهرب القير يمكن ماتوصل كهرب للقير
مشكلتك بكهرب القير
+
+KoRn @user_19776 · 30-03-2011
اتوقع من الثروتل وسخان القير يطول في التعشيك الى اذا حس ان السياره
عزمها طايح او يمكن زر الاوفر درايف معلق
م
محبكم2010 @user_187516 · 29-03-2011
بشرنا باللي يصير وان شاء الله اخر الاعطال .
م
ماركيــ 99 ــز @user_31583 صاحب الموضوع · 29-03-2011
جزاك الله خيرا

ان شاء الله بمرهم في اقرب فرصة

تحياتي لك
a
ayaqaz @user_87284 · 28-03-2011
أخي-الله يعينك..

اذا كنت من مكة المكرمة مر على ورشة اسمها ثلاثة نجوم بعد ما تتعدى متجر المستهلك الموجود بشارع الحج وانت في خط الخدمة..

استشيرهم قبل القيام بأي عملية تصليح..

الفحص عندهم مجاني حسب ما اذكر..

وان شاء الله تنتهي مشكلتك..
م
ماركيــ 99 ــز @user_31583 صاحب الموضوع · 28-03-2011
اخ سوبر سفاري عزم السيارة جيد ولا لاحظت اي اختلاف ابدا

ابو عابد الثروتل هذا حق الهواء اللي في المكينة ؟ ولا في الجيربوكس ؟

وبأذن الله بفحص كمبيوتر واشوف المشكلة وين

بارك الله فيكم وجزاكم خيرا ماقصرتوا
a
abu3abed @user_30610 · 27-03-2011
السلام عليكم
انا صارت لي تقريبا نفس الفكره علي افلانش ٢٠٠٢
كنت احس السياره تحن ولما تعشق تشوت
الي سويته غيرت حساس الثروتال TPS sensor

ثاني واحد على اليمين
قيمته ١٣٠ ريال وانا ركبته بالبيت
وبعدها زبط الوتر، الدعسه والتعشيق صارو سلسين
طبعا انصح تفحص كمبيوتر
s
super_safari @user_201024 · 27-03-2011
بالنسبة لتأخير التعشيق هذا من الحساسات. لكن عسى العزم عند بداية القومة جيد؟ إذا كان جيد فأتوقع الحساسات و إذا ضعيف: الكلتشات محترقة و الله أعلم.
أقترح أنك تسوي فحص كمبيوتر لدى جيركو أو ترايستار بـ 100 ريال يعلمك عن الحساسات. لا تستعجل و تدفع تكاليف أخرى.
م
ماركيــ 99 ــز @user_31583 صاحب الموضوع · 27-03-2011
جزاك الله خير اخوي

ولكن المشكلة تظهر بدون تشغيل المكيف يعني والسيارة باردة وحتى يوم يوم تسخن مشيت بها نفس الحال

بالنسبة لحساسات الشكمان مالها علاقة والسيارة شد بلدها بدون اي تعديل
م
محبكم2010 @user_187516 · 27-03-2011
وايضا ممكن من الحرارة العاليه فاذا كانت مراوح كهربائيه فشيك عليها ممكن عطلانه وحده منها .
اما اذا كانت ميكانيكيه يعني مع المكينه فشيك على الكلتش والطريقه تهز المروحه او العمود اذا نهزت كثير فمعناه الكلتش غيره .
م
محبكم2010 @user_187516 · 27-03-2011
مشكلتك اذا كان المكيف شغال او لا اذا كان مع المكيف تقريبا طبيعي .
اما اذا بدون مكيف فتقريبا توجد مشكله واقرب حل فحص كمبيوتر ممكن من احد حساسات القير وهذا شيء طبيعي اكيد جت اللمبه بعد تغير الزيت اذا نعم فتقريبا من احد الحساسات و لا احد يلعب عليك ويقول لك القير لانها صارات لاشخاص كثير ويطلع بالنهايه حساس بعد التوضيب .
وممكن اللمبه هذي من حساس الشمكان اذا كان استخدمها احد الاشخاص قبلك فاكيد انه ملغيه .
م
ماركيــ 99 ــز @user_31583 صاحب الموضوع · 27-03-2011
اشكرك اخوي لسرعة تجاوبك معي

لمبة المكينة لها سنة مولعة ولا ادري وش سببها لأن السيارة ما تتحرك كثير

واخر مرة غيرت الزيت قبل سنة تقريبا بس ما مشيت على السيارة تقريبا بين 20 - 25 الف كيلو

انا ماخذ السيارة بطاقة جمركية قبل سنتين تقريبا وكانت ماشية 100 الف ميل
ل
لحن المشاعر @user_126547 · 27-03-2011
لمبه المكينه مولعه ؟

متى اخر مره غيرت زيت القير ؟

وقبل لاتغير كم كان ماشي ؟

والله العالم ان الكلتشات منتهيه .
سجّل دخول للرد...