وش رأيكم بإستعراض الإماراتيين بالجيوب

اهم شئ انها تكون بوقتها وبمكانها .. مش بأي مكان لأنها ممكن تعمل مشاكل كثير .

هواية لكن ع الاقل في مكان مخصص مو الشوارع !!!

واحد يقولي المونستر كارز في امريكا شو فايدتها

استعراض تفجير التواير في امريكا و عمل غيمه اكبر من المنافسين وين المتعه فيها

الدرق ريس هذا سبق هذا....... وبعدين ؟

اشفايده سباقات الفورمولا ون و الاندي و الناسكار ( يعني نشوف من الاسرع حديدك اوحديدي !)

الجواب كله وسيله اعلانات و مصدر رزق للشركات و المواقع و سمعه للقراجات و اهم نقطه اجوفها التطويراللي خلانا نركب هذي السيارات الموجوده عندنا الحين ترا كله من هذي الرياضات اللي البعض يعتقد انه هدر للمال

نفس الكلام عندنافي الامارات ترا المواتر هذي لهى داعم ( قراج او شخص ) وفي ناس تهوى التزويد واصبح لديها علم في الميكانيكا من ورا التزويد

يعني في النهايه الكل مستفيد ماديا او ممارسه هوايه و تفريغ طاقات ان كان بالفورويل او موتر قرمبع
ملاحظه:
لين الحين محد مات في حلابات الاستعراض ولله الحمد ثم اجراءات السلامه من الجهات المسوؤله

اشوفها هوايه

ماله اي فايدة غير احرق في الكفر
اصلا الفكره مو عاجبتني مافيها متعه في المشاهده اصلا

رايي صراحة ما فيه اي فن ومهارة جيب بزر يقدر يسويها ... اضافة ان السيارات كلهم جيوب وين راحوا باقي السيارات .. والافضل لو انهم يسوو حلبة للدرفت افضل .. ايضا يسوون تحديات الى يفوز ياخذ جائزة احسن من انهم قاعدين يدورو في الحلبة لين ماتقول السيارة بس يرحم والديك .. والسموحة على الاطالة :xyxwave:

يعطيك العافيه

يالبى اسلوبك يابو ديالا<<<<<<<وش يبي ذا
بس انا عموما ضد الاستعراض بالجيوب.حتى في الحلبه
والسبب انه يتعلم في الحلبه ويطلع يستعرض قدام اخوياه ويزعج العالم

يا إخواني الإعزاء

أولا كل عام وأنتم بخير

الشي الثاني : موضوعي كان عن إستعراض الجيوب عند اخواننا الإماراتيين فقط

أما بقية النقاط فمناقشتها خارج محتوى الموضع وأخونا سونلتا كفى ووفى بس شكله كتب الرد وهو معصب شوي:wink:

شكراً لكل من أبدى

وعليكم السلام ورحمة اللة و بركاتة شوفوا يا اخوان اما قصة الحلبة انا موافق عليها لانها ما فيها ازعاج الناس في الطرقات بس اني ارى هذا التقحيص والتفحيط ممل لانة مالة سالفة مثل الاكثرية قال عبارة عن ادعس البنزين ولف السكان يمين ويسار

واحنا هني في منطقتنا العارضية مو قصرة معانا المصبنة ياخذون هذي الجي تي والزد القرمبع ويقحصون ويفحطون فيها بالشوارع والمناطق السكنية و قدام بيوت الناس
واللة وربي يشهد اني انا اسمع صوت التفحيط وانا بقطعة 3 و الي يفحط هذا بقطعة 10
يعني تقريبا اسمعة من كيلو او كيلو ونص و هذا الشي يوميا يحدث

ما اقول لاحول ولا قوة الا باللة :c0038:

اللة يهدي هالشباب بس

والسلام عليكم

صراحه انا يعجبني شغل الاماراتيين يعني حتى مواترهم لما يعدلوها تلاقي تعديلاتهم صح خصوصا على الفيتيك تلاقي انواع التعديلات يلي توصل حتى الف حصان .

و صراحه انا اشوف اي شي ما يضر السائقين العامه في الشارع فهو شي حلو .

يعني كل شيء له حلبات للدراق و الدرفت و كل شي حتى في حلبات لاختبار قدرات الدفع الرباعي على اشكال جبال صغيره . اهم شي لا يأذوا خلق الله .


لا حظت شي رهيب : قلت دحين ادخل الموضوع هذا مدام مافيه هروج كومارو و موستنق و مطارحات و مين اقوى قلت اكيد ما فيه تعصب في الردود لقيت الوضع كأنك يابو زيد ما غزيت .

هههههههههههههههه عيشوا جوكم

جمعه مباركه :xyxwave:

اول رد يايد التفحيط وانا اهنيك على صراحتك


اما انا عن رايي التفحيط لا
اما المقاومات اذا كانت بشوارع فاضيه ( الجوهرة - القوات ) ما اشوف به ضرر بالعكس بدال المغازل والترقيم
والله يوفق

بعد أذن أخي صاحب الموضوع أبو ديـــــالا

الموضوع بدأ يأخذ مسار آخر للأسف

وبعض الردود مالها أي داعي أبدا ً ..

إذا على الاستهتار والتفحيط وهدر وضياع المال ومظاهر التخلف فاللي عندنا شيء يشيب له شعر الرأس ... خلونا ساكتين بس

الموضوع يتكلم عن طريقة الاستعراض داخل هذه الحلبات .

اللي عنده رأي يقوله

وإللي ما عنده إلا فلسفه زايده وخروج عن النص يكرمنا بسكوته أفضل .

بالنسبة للسعوديين الي قالو استهتار وضياع للاموال وتخلف



اقول سلامات يالشعب المتحضر والواعي والخلوق

على القليلة الامارتيين والقطرين نظفو بلدانهم وخلوها تنافس افضل دول العالم من حيث التطور وانشاءالله لكهم مستقبل في الصناعة
اما احنى خلينا نتصور ونسوي مقاطع مضحكة وبس والي يبغى يضحك يفك اليوتيوب ويتفرج على بعض السعوديين الله يهديهم

ويا اخواننا واحبابنا الامارتيين والقطريين لاتزعلو من كلام بعض الاخوان السعوديين لانهم مايقصدو يتكلمو على احد بس مانقول الا الله يهديهم وبس وبالتوفيق لنا ولكم وكل الشعوب العربية الشقيقة

موضوع جميل وملفت للنظر
ولاهيب غريبه عليك يابو ديالا
انا واحد دم ضروسي هالحركات
عجزت احاول ادور مهاره وحده في هالاشياء ولا لقيت
بس الحقيقه تعديل المكاين متعوب عليه صراحه
اعطيكم نبذه عنه
يجيب لك باترول فتك ولا لاندكروزر v8
ويشيل المكينه<<<<<<<<طبعا الى الآن شي جميل
ويحط بدالها 6سلندر قوة المكينه 3احصنه و2جحوش وحمار جاي بالغلط
ويعطيها مليونين تعديل وتزويد الله يخرب بيته<<<<<<<<طيب ليه ماعدل الثمانيه سلندر افضل
ويخلي المكينه تطلع مليونين طعش الف حصان
وانتو سمعتو الصوت كيف يجي



انا اخاف اكمل كلامي وتروح علي(نكتفي بهذا القدر لظروف خاصه)

لا أرى فن ،،،

والله السعوديين الي ردو امركم عجيب


الحين تخميس الاماراتيين اهدار للمال وانهم ما يتعبون في الفلوس

والي يقول لا خربت خلى بابا يشتري له بي ام


ما شفتو الي عندنا ؟؟


نطل على 260 ؟


تخميس ترفيع تفحيط درفت مقاومات كل شي

ليه ما احد علق وقال اهدار للمال وانه حنا فسقانين


ما غير طايحين سب في الشعب الاماراتي وان الفلوس ما تهمه ومن هالكلام


والله حسيت اننا بدينا نصير مثل بعض الدول المجاوره .. يعتقدون ان السعودي متخلف وعنده في حسابه ملايين


خخخخخ الدنيا دواره حنا الحين صرنا نسوي مع الامارات نفس الشي



صح انها هوايه بايخه .. بس اهني الامارات انها نظمت حلبات رسميه


موب زينا هواياتنا فوضى في الشوارع

لايوجد أي متعه أو احتراف سراحه يذكرني أسلوبهم بلي توه متعلم التفحيط