ألحقوني وشفو الفورد غثني بالحراره

لازم يكون الاديتر نظيف والتأكد من المروحه الكهرب والتأكد من شيل الشخالات اذا كان الموتر قديم وكذلك التأكد من البلف ترى البلف يقفل من نفسه وبعدين ترتفع الحرارة وانت ما تدري .....حصل معي مرتين ( اوقف اخلي السيارة تبرد وبعدين اطلع البلف وانظفه وارجعه الى محله واعبي المويه من مكان البلف وليس من القربه وامشي ولكن حصل اي شي ) ....

السلام عليكم
انا انصحك من واقع خبرة
كان عندي تاون كار وعاش معي تقريبا الثمان سنين وهي سيارة مميزة وانا من الاشخاص الي معجب بالفورد جداً وعندي حل المشكلة بإذن الله .
وهي تغيير الرديتر برديتر اصلي ويكون رديتر المنيوم وغير الغطاء طبعا مهم جدا يكون الرديتر المنيوم ولو من التشليح وان شاء الله تنحل مشكلتك وانصح كل واحد عنده فورد ان يتأكد من الرديتر انه المنيوم لأن المنيوم له ميزة انه يبرد بسرعة .

أنا معاي ميركوري وعانيت من إرتفاع الحرارة وغيرت الرديترت والأن الحرارة تصل النص وبالليل تحت النص تعرف عندنا بالشمال الجو معتدل في الليل.

انا اعرف انه كبس انا ماافتي من عندي اسأل يخوي انا معي 99 وغطائه بلاستيك والمنيوم مدري اذا فيه نوع غير اللي تقولون عنه يمكن اكون غشيم...غطائه بلاستيك رصة واحده المنيوم فيه غير هذااااا النحاس معروف؟؟؟؟؟؟؟؟؟؟؟
سبحان الله

اخوي مجنون اوميغا والله اديتر ب 1000 ريال هذا خبال والله روح للصناعيه القديمة في الرياض تلقى مراكز للمستعمل اظاهر انه ب 200 ريال او روح الى المركز العالمي تراه ارخص الرياض بالنسبه لقطع الفورد ...
وبالنسبه للأخو نايف رديتر الفورد ( الرديتر الاصلي ) كبس مهوب لحام رصاص زي الرديترات الثانية وشلون يبي يكبسه لأن كبسه صعب مرة ....ولو كبسه يبي يهرب مويه ... واظاهر ان اللي شفته رديتر محلي ( نحاس ) .
وشكرا.

اخوي انا مسيخه بالطائف وامام عيني مااقولك ان احد قالي اذا مهندس الرديترات قالك مايتسيخ هذاااا اسمحلي مايفهم شي الوحيد اللي ما يتسيخ هو حق المرسيدس وانا مجرب هذااا بنفسي حاولت ادخل السيخ فيه عند المهندس وما مشى فيه امااا حق الفورد يتسيخ وهذااا كلام ثقه
وشكررررررررا

الحال الكيد باذن الله عندي
غير الاديتر اشتريه من الوكاله قيمته تقريبا 1000 ريال ما يزيد اكثر من كذا
لا اني اعرف واحد عنده نفس مشكلتك وغير الاديتر في الوكاله والحمد الله
الحين مستحيل تتعدا الربع ولا حتا توصل الثلث
بس لا تنسانا بالدعاء

اخوي راعي المطامر

الشباب ماقصروا وكل الحلول قالووها ما بقاا الا تحرج على الموتر اذا ما لقيت في كلامهم حل لمشكلة موترك

وانتبه لا تركب راديتر سعودي مثل ما قالوا الشباب
لان كل من ركبه قام يتشكااا منه

تحياتي

اخوي راعي المطامر

الشباب ماقصروا وكل الحلول قالووه ما بقاا الا تحرج على الموتر اذا ما قليت في كلامهم حل لمشكلة موترك

وانتبه لا تركب راديتر سعودي مثل ما قالوا الشباب
لان كل من ركبه قام يتشكااا منه

تحياتي

اخوي نايف الاديتر حق الفورد ما يصيخ ابدا تنظيف بس لأنه بلاستيك ....

اخوي البلف مهم ممكن تفتح الفلف يعني تخليه مفتوح على طول لاكن اذا شلته ممكن يفجر الثلاجة لانها بلاستيك انصحك تسيخ اللديدتر وتحط ماء اصلي جالون واحد من الشركة وتضيف له ماء مقطر والفورد عموما دائما على النص
لاكن اناعندي تجربه خلال الايام هذي اذا صلحت بعممها للفائدة انتظروني

شوف حبيبي :-
1- لا تشيل البلف الفورد لازم يصير فيه قوة ضغط للماء في الاديتر واذا شلت البلف راح الضغط وبيحتر الموتر ...
2- افحص المروحه الكهربائيه وتأكد انها شغاله عند ارتفاع الحرارة ...
3- شيل الشخالات اللي في الشكمان الشخالات موجوده في الدبة الصغيرة اللي قريبة عند القزوز .
4- نظف الاديتر ..
5- راس المكينه مخروط خرطه تعبانه ( ادبل وجيه الراس ).
وعلمني بالنتيجه .
وشكرا

أخي الحبيب:

الفورد .. وخصوصا في الصيف .. يرتفع الى النصف .. أو فوق النصف قليلا .. وهذا طبيعي .. ( خاصة في الرياض حيث درجة الحرارة تصل الى 45) ..
نحن في جدة مع عملائنا نجد انها تصل الى النصف .. والحرارة هنا حوالي 35..
تأكد أخي الحبيب من ان الحرارة إذا كانت ترتفع الى حد معين وتثبت عنده فهذا أمر لايخيف..
أما إذا كانت ترتفع وتتزايد في الإرتفاع مع مرور الوقت .. أو مع السرعة .. فهذا امر يجب الكشف عليه ..
ولكنك أنت تقول : أنا بالرياض وتعرفون الرياض زحمات وأشارات ..
يعني زيد على الحرارة .. حرارة الزحام ..

أما عن تغيير اللديتر فإياك أن تغيير الى نحاس ..صحيح هو أرخص .. ولكن صدقني أنه غير جيد .. فالألمنيوم يصرف حرارة أكثر من الناس .. وإن كان لابد من تغييره .. فقم بتغييره بأصلي .. وأصلي فقط .

الله يختار لك الخير.

اخوي راعي المطامر

اكيد الفورد حقك وارد امريكي ... دايم وارد الامريكي فيه نفس المشكله ونادر من تصير السياره مضبوطه

انصح تغير علبه الرديتر باكلمها من عند اي ورشه متخصصه في هذا المجال لانه غالباً ما يكون الوارد الامريكي يكون علبه الرديتر صغيره وهي الي ترفع الحراره عندك لان هم في بلادهم الجو بارد وعندك شمس حارقه

تحياتي

مشكورين ماقصرتو بس المشكله أنا بالرياض وتعرفون الرياض زحمات وأشارات وغثا وأنا أبفك البلف لأأن واحد نصحن بفكه وش الراي

احسن شي وديه الوكاله

والله شوف اخووي (( راعي المطامر ))
انا بعد عندي فوورد ويندووستاار موديل 98 متاااااااااااااادي منها الف في الحرااره بس موو الحرااارة ترتفع احس من تحت السياااره الحراااره بتنجر يعني كل ما اوقف مع واححد يقوول لي الحراااره يا اخووك شااااااابه من السيااارة ويعني اقوولك وبكل صرااحه الفووورد بنظرتي العامة والخاااااصة كله خشرررررررررره


وسلامتكم

|3|

مرحبا اخوي .......................

انا كان عندي فورد وفيه زي مشكلتك الرديتر عيا يصلح

مرة يصير الخراب في الخراطيش وصلحتها ومرة صار الرديتر مشقق

ولحمته واخر مرة تدري وش صار منه ؟؟؟ من الغطاء |9|

تاكد منه تراه مهم

وعقبها مليت وطقيت رديتر جديد ب 600 ريال سعودي لان الفورد حقي

استعمال امريكي وغيرته ورجع الخراب مرة ثانيه |5|

وعقبها مليت وبعته ومعي الحين سيفيك اللهم لك الحمد لاحراره

ولابنزين ....... تبي الصراحه الفورد غثيييييييييث

اسأل مجرب

واسف للاطاله |3|