والله انا سجلت بهالمنتدى الشامخ طالب منكم المشورة والنصيحة
انا ناوي ان شاء الله اشتري سيارة بس الحيرة ذبحتني
بقولكم اول شيء ميزانيتي والي ارغبه بالسيارة
الميزانية على قدي من 75 الف الى 80 الف ولو فيه اقل ازين بعد
والي ابيه بالسيارة تكون 4 سلندر عشان الميزانية ولو تكون قير عادي فهذا الي اتمناه لأني أحب القير العادي وطول عمري اسوق العادي
وبغيت اغير واجيب جيب كتغيير عن سيارتي السيدان لكني رب عائلة صغيرة يعني عادي سيدان ولا جيب حليو
حتى لو مافيه قير عادي ناخذ اوتو وش اسوي لو مالقيت
فكرت من ناحية الجيوب بالسورينتو من كيا والسانتافي من هونداي طبعا 4 سلندر وبدون دبل .. الصراحة انا نهااائي ماحتاج الدبل لأني اعيش بجدة
ومدينتي ما فيها كثبان ولا تطعيس
احترت لأني قريت كثير عن شركتا هونداي وكيا والبعض يقول ان مشاكلها كثيرة وعزمها مهوب بالحيل و وكيلها يمرض
حبيت بعد اذكركم ترى انا مالي بالسرعة ابد ولا احبها حدي ان اسرعت كثيييير وبالخطوط السريعة بعد ما يتجاوز 120 الى 130 وبداخل المدينة
هادي وماحب السرعة
السيدان فكرت بالكادينزا والألتيما وهوندا اكورد طبعا الفئات الي تناسب الميزانية
الحين نزلت غالبية السيارات ال 2012 فإذا باخذ باخذ ال 2011 اوفر لي بالسعر ولا مانع لو كانت 2010 بس حلللوة
وش رايكم يالربع
وهل فيه فل بدون دبل او قريب من الفل
خاطري بجيب وخااايف من التجربة وخصوصا اني دايم على السيدان
والسورينتو دااااخل مزاجي طبعا مالقيت منه قير عادي لكن بدون دبل و4 سلندر
بس هل ينفع داخل المدينة البعض قال ما ينفع والسانتا احسن واهم شيء المشااااكل مابي شكل حلو وبالنهاية ماتاخذ شهر الا بدت خراباتها واقعد
اصلح وازبط ابيها على الأقل 3 سنين وهي مريحتني
التويوتا تراني ماميل الها كثير .. لكن المازدا والسوزوكي (سيارتي الحالية منها ) .. لو فيه منها زين
اذا تعرفون جيب على قد ميزانيتي تكفون دلوني الي شهر وانا افكر وادور بالوكالات وما حسمت امري
قلت ما يجيبها الا رجالها
