اعزائي اعضاء منتدى السيارات اهلا ومربحا بكم في.. المهم
القصه ومافيها اني طلعت من الدوام ولقيت سيارتي مصدومه في الصدام الخلفي, وطبعا اللي صدمها مانتظرني ولا وضع ورقه ولاشي.. ( الله لايسامحه )
طبعا سيارتي جالنت 2010 ودفعت فيها من دم قلبي.. وشي يقهر لما احد يضرها لانك محافظ عليها.
المهم نويت اصلح الصدمه ورحت للوكاله ( العيسائي ) وشافوها وقالو بتكلفك ( 800 ريال ).. وحطيت رجلي لاشعوريا. بعدها نصحوني الاخوان في ورشة الوفاء وارناج وماي كار.. وفريت الصناعيات ولكن اسعارهم من 300 وفوق..
وبالاخير نصحني الوالد الله يحفظه اروح لمحلات في الصناعيه متخصصه في الفيبرجلاس ( لأن الصدام الامامي والخلفي للسياره ولأغلب السيارات مصنوع من الفيبرجلاس ).
طبعا رحت لمحل وفيه هندي عسل والله يشهد.. وطريقة اصلاحها جاب جهاز شبيه بالاستشوار وسخن فيه سطح الصدام المتضرر ووبعدها ضرب الصدام من الداخل بيده وطلع لبرا فقط !
وقالي واحد من الزباين هناك الله يذكره بالخير انه ينفع تكب مويه حاره على الصدام ( الفيبرجلاس ) وتضربه من الداخل وراح يرجع زي ماكان..
وبعدها جاب قطعة قماش فيها ( تينر ) ومسح الخدوش واختفت..
المهم والاهم ان التكلفه كلها 40 ريال بس اعطيته 30 ورضا ابو هنود
اللي يبغى اسم المحل.. طبعا هو محل صغير اسمه فيبرجلاس بنده على شارع المنتزه في الصناعيه القديمه
وهذا شكل السياره بعد اصلاح الصدمه طبعا بدون الرش
وبالنسبه للرش اتمنى تنصحوني في ورشة ممتازه في الرياض واسعارهم حلوه
