ابي نصيحتكم لي ابيع الاكورد واشتري كابريس او لا

الاسترالي افضل من الامريكي ؟؟

اسمحلي اقولك ماعندك اي خبره فالسيارات

يعني نسيت امريكا الي تصنع سيارات فورد المعروفه بجودتها وشفروليه برضه وفضلت الاسترالي عليها ؟؟

كلامك موب منطقي ابد مع احترامي

اقول خليك عاى الاكورد وربي انها اطلق من الكابريس<<<< للعلم امتلك كابريس عشان لاحد يقول متعصب

الفورد يتميز بقطعه الرخيصه لكنه شعبي جدا بالمقارنه بالكابريس بالنسبه لي

ثانيا سمة الفورد للخط وللخط ... جرب يوم تمسك خط بكابريس 2007 وفوق مهما كانت فئته .. بتتفاجئ من روعة ادائها والهدوء والسرعه والثبات اللي ماتحسها بالفورد وانت على 180 .. والكابريس انت على 200 هذا اكيد
ولمن تجرب كابريس 2007 وفوق .. المقود صوت المحرك قوته طريقة التفافها مع المنعطفات تلاقيها سيارة اقرب للاوروبيه جدا بالمقارنه بالفورد وهذا يميز الكابريس اكيد بالنسبه لي

وارجع اقول .. سيارتي 2007 وماشيه 128 الف والديكور الداخلي ابدا مايفشل هذا اكيد

وحكاية الفحمات هذي تعتمد على السائق مئه بالمئه مو على جودة السياره اكيد

واحلى احساس وانت 6 سلندر وتودع راعين الفورد قومه وخط :) ماشاء الله عليها



تحياتي

فورد من أكثر السيارات الأمريكية إعتمادية بجميع أنواعها وموديلاتها سواء الجديد أو القديم

وما أتوقع أي أحد بيتفق معك في الرأي

اخوي سياره مديلها 2007 لاتزال جديده اصبر عليها سنه سنتين وتبدا المشاكل وبالنسبه للمديلات الجديده ماحد يقدر يقول انها تغيرت لانها لاتزال جديده مانعرف قوة تحملها الا مع مرور السنين

ماقصرتو يالغالين

بس بصراحه لو فكرت اشتري كابريس ماني شاري الا مستخدم لان الجديد سعره غالي وكلها سنه ويطيح اكثر من نص قيمته

^^^^^
وش فيه الفورد ......؟
والله جودتها اضعاف جوده الكابرس وقطعها رخيصه ووتطول يكفي اني مغير الفحمات على بعد ما مشت 65 الف ووالمساعدات للحين لها ثلاث سنوات ونص توب التوب

ااما الكابرس والله اخبر لي واحد شاري 2007 والله ان الديكور الداخلي يفشل تحس لو تخليه اسبوع بدون مظله بيتشقق وبيقلب هذا غير الاصوات والقرقعه

^^^^
صحيح كلامك لكن الاسترالي افضل من الامريكي :ch19: لانه لو ضل على امريكيته كان صار خايس مثل فورد

الهوندا اكورد أفضل بمراحل من الهولدن الاسترالي

الكابريس الحقيقي انتها من موديل 1996*

والكابريس من موديل 2000 عبارة عن سيارات شركة هولدن الاسترالية
بس معدلينها ولاصقين عليها ماركة كابريس ..*

+ 1
........

انا عندي كابريس ومرتاح اوي ومبسوط

لكن ما انصحك تبيع سيارة على يدك ونظيفه وتبدلها بمستعمل LTZ

اذا بتطلع جديد اوك .. مستعمل لا

^^


الله يجزاكم الجنه كلكم ويوفقكم وبصراحه بعد مشورات واستطلاع قررت ابقى على الاكورد

جزاكم الله كل خير على النصايح

النصيحه وانا اخوك لاتفكر تبدل ابد :c0038:

شقراوي1 الكابرس الموديلات الجديده تغيرت مو زي القديم انا املك لومينا LTZ 2007 والحمدلله ماشفت منها ولا شي ماي معي زي الحلاوه هي اللحين خذت 5 سنوات بدون مشاكل تعبنا واحنا نقول انا الكابريس والومينا تغيرت مو زي السابق

نصيحه لوجه الله لاتاخذ كابرس..

خلك على الاكورد سياره عمليه وشكلها حلو وصرفيتها للبنزين اقل من الكابرس

اما الكابرس بيجلس معك سنتين او 3 سنوات وبتبدا معك المشاكل..

اذا انت بتستخدمه سنه او سنتين وتبيع مافيه مشكله اما تبيه موتر لعدة سنوات الكابرس مايصلح ابد خلك على الاكورد افضل والاكورد تعتبر سياره عمليه

انا عندي لومينا 2007 ودي ابدلها مع كابريس SS بس ان شالله اذا توظفة

اخوي نصيحه خلك على الاكورد الما تتوظف لان الكابرس مايصبر زي الاكورد

الاكورد والله انها روعه
و الكابرس حلو

لكن اذا بتشتري جديد ما انصحك في الكابرس لان سعره يطيح بقوه مره
وتقدر تشوفها في الحراج
عندك الرويال تشتريه بحدود 150 الف رح شف المعارض 2008 و2007 بالموت توصل 75 الف اذا كان نظيف مره وما مشى كثير
يعني في ثلاث سنوات طاح من سعره 70 الف ريال :a1120(121):
الاكورد 2008 فل تلقاها في 70 الف مستعمله مع انها جديده 90 الف
الاكورد افضل اعتماديه وجوده من الكابرس بمليون مره وتاريخها يشهد لها بها الشي

الكابرس الجديد تحسنت الجوده لكن ماضيه خصوصا من 99 الى 2007 كله خرابات
والجيد ما مرت عليه فتره طويله عشان نتأكد من صبره وقوة تحمله

عموما اخوي الكابرس انتبه لا تأخذ جديد
دورلك مستعمل 2009 او 2010 وبتلقاه طايح من سعره حدود 40 الف ريال