ودي اشتري تويوتا بس خايف من التلوث

واحد من الشباب يوم سالته يقول اغسلها بملح !! انا اعرف ان الملح يوكل مايغسل به سيارات

قلتله ليش قال عشان تغسل المواد المشعة على البودي قلتله طيب والمراتب والمكينه .. كل هذي تصدر اشعاعات

انا اتمنى يكون فيه تصريح من ابو جميل قدس الله سره او العيسائي او اي وكيل ياباني يوضح الوضع والى متى نستمر مقاطعين للياباني

اشوف الحل السريع لهذه المشكلة هو ان تصنع داخل المملكة وتورد المكائن من امريكا او اي دولة اخرى غير اليابان .. اما بالشكل هذا فيها مخاطرة المفروض اصلا تمنع من البيع لكن الله يعين

لاتعتقد ان المنظمات الحكومية اليابانية زي الي عندك هنا تراهم احرص عليك وانت بعيد عنهم بالاف الكيلومترات اضعاف اضعاف ربعك وانت واقف جمبهم
توكل على الله وخذ ياباني وانت مرتاح

ابشركـ

احنا عندنا كورولا نص فل 2011 يااابااااني

لا احد يفتي

وتماااام ما فيها شيء كملت معي شهر و 2000 كيلو يا رااجل ما فيها شيء

توكل على الله واشتريها

نصيحة

الكورلا صناعة أسترالية مثل الكامري. و الهايلكس هي الي تايلندية.
و لكن بعض قطعهم تأتي من اليابان. و هنا المشكلة. و أثر الإشعاع لا يظهر في غمشة عين و تفتيحتها , و لكن مع الزمن تبين. و اليابانيين آخر همهم العرب.. يموتوا يتلوثوا ... بالطقاق. حتى الجهات الرسمية عندنا اغسل يدك. لا تنتظر منهمشيء. يعني وش بتسوي وزارة التجارة!! إذا كان الأعاب الصينية الي في أسواقنا تحوي نسبة من الرصاص و تؤثر على صحة الأطفال. منعتها أمركيا من الدخول. لكن عندنا عادي! حنا ما شاء الله نستقبل مخلفات العالم بس!



أضحك الله سنك. :smilie16:
مبروك.. لقد فزت بجائزة الرد المثالي في المنتدى:xyxthumbs:
مواضيعك هادفة و ردودك منطقية و جميلة و ضد التحجر الفكري.
عطنا موضوع جديد كذا حلو مثل موضوع النوكيا ههههههه

الافضل الابتعاد عن منتجات اليابانيه وتوجه الى بديل اخر ،، مشكلة اشعاعات مايطلع تاثيرها الا بعد فتره

والله يحمينا من هالامراض

اشكرك اخوي جنسس صحيح اليابان دولة متطورة ولو عندها تلوث بيعترفون فيه لكن ربعنا ماعليهم قصور ووزارة التجارة ومصلحة الجمارك وهيئة الغذاء والدواء كلهم حذروا من المنتج الياباني .

والخريطة ماهيب واضحة لي لكن اذا الامريكان والصينيين خافوا من الاشعاعات فاعتقد انه في الموضوع ان .

هذا سعر الفل مو الستاندرد

وكل العالم رفع الخطر او الخظر عن اليابان ... ومن ضمنهم السعودية

الا شعبنا المثقف اللي يتكلم بدون ادلة !

هذا موقع رسمي ومعتمد من قبل اليابان لقياس الاشعاعات خلال 24 ساعة

لجميييييع مناطق اليابان

والنسبة عادية جدا

http://www.safecast.org/

والله معليش ياشباب 80 الف ريال سعر الستاندرد هذا سعر خرافي هذا سعر مجنون

خلوا الاشعاعات على جنب مع انها مهمة لكن السعر ضربة قاصمة .. ممكن اجيب ب 80 الف كابرس ولا دودج ولا سوناتا ولا مليون سيارة افضل من الكوريلا

صحيح الكورلا حلوة وممتازة ولا عليها خلاف لكن بسعر لايتعدى 50 الف للفل كامل ..

وارجع لموضوع التلوث شكل بعض الشباب مايدرون وش التلوث .. ماقد سمعتوا بحادثة تشرنوبل ؟؟ هذي اعظم منها

ماقد سمعتوا بهيروشيما وناقازاكي .. هذي مثلها تشويه للاجنه وامراض مستعصيه

ماودي احط صور وينجرف الحوار لموضوع اخر لكن قوقل مايقصر ابحثوا عن صور التشوه من الحوادث المشابهه وشوفوا .

انا مااخص تويوتا بكلامي اي سيارة يابانية او تعرق فاليابان حتى لو مسمار .

يا رجال توكل على الله ولا توسوس
ماجايك الا العافية

اليابانيين الي مامثلهم في الوقاية والتوعية ماوسوسوا كثرنا يالسعوديين الي مانعرف شي اسمه وقاية وتوعية ومع ذلك موسوسين ونجيب الضغط والسكر لانفسنا

يا رجل لو تدري عن البلاوي الي نتنفسها في الرياض مسكت راسك
هي جت على اشعاعات

يومياً أداوم مع الدائري الجنوبي وانواع الاشعاعات والغازات من المنصورية ومحطة معالجة الصرف الصحي لين مصنع الاسمنت الي له عشرين سنه والعالم تتنفس سمومه ولا تدري انه اخطر من اي شي ثاني

وش كثّر السرطان في العشر سنين الاخيره ؟؟
من هالسموم والغازات الي في الجو

ما ودي اضيق صدرك لكن هذا هو الواقع للأسف

عيش الحياة ولا تفكر الا بطاعة الله
مالله مضيع عبادة وهو أعرف سبحانه بما فيه خير لنا

أما اذا كنت من النوع الي بيوسوس وبيشغل العالم مع كل زكام ولا مغص ريح نفسك وابعد عن الياباني
مع ان الوضع عادي ترا

بالتوفيق

الكروز في أمريكا مصنوعة في أمريكا
اللي عندنا وباقي العالم مصنوعة في كوريا

تفضل:
http://www.toyota.com.sa/modelsprices.asp?model_id=3

هذا الموقع فيه الاسعار والمواصفات لجميع الفئات

ونصيحة, لاتاخذ فئة اقل من اكس ال 1.8

لان الفئات اللي اقل منها كلها مافيها ABS !!!

رغم اني متاكد 100% ان اول مانزلت الكورلا 2011 كان فيها ABS حتى في الستاندرد !!!!!!!!!



مثل ما ذكر اخونا مازدا

الكروز رغم انها تباع في امريكا ومنتشرة لكنها في الاساس دايو

ومكتوب على باب الكروز اللي عندنا...مصنوعة في كوريا بمصانع دايو

وش ذا الاستهبال ؟؟ ههههههه وانا على بالي انها امريكية

في امريكا منتشرة وانا على بالي انها شفرولية وامريكية

بس تبقى جميلة السيارة

شفرولية كروز من افضل السيارات الاقتصادية واشوفها انها الاجمل شكلا وصراحة صناعتها امريكية تكفيك

موب مثل الافيو او الاوبترا او الابيكا هذي الطقة من دايو

اما كروز امريكية وفي امريكا واجد منها وكل شهر شهرين نلقا لها جائزة جديدة هههه

والله يكتب اللي فيه الخير

80 الف !!

هذا سعر الفل ولا الستاندرد؟؟

ياخي عنوانك قوي جدا !!

ودك تشتري تويوتا بكبرها !!

ماشاء الله !!
:bigggrin:

قلت ادخل اسلم عليك طال عمرك

لكن
دخلت لقيت انها بس كورولا

خلاص يا عم اشتري كروز لانك لو شريت الكورولا وجاتك حكة او هرشة في شعرك بتقول اشعاع ولو كثرت في المندي وجاك الم في البطن بتقول اشعاع وتزعج المستشفيات والهلال الاحمر - طبعا هذا السيناريو

لهذا خذ كروز خذ الانترا خذ الفوكس , السوق مليان سيارات وبالتوفيق