والله قهر رجعنا الى رسالة تخفيض قوة المكينة يوكن 2003 دفع رباعي كامل المواصفات وارد امريكا انا اول ماخذت السيارة قبل سنتين كانت المشكلة هذي اتصير عندي وسويت تصفية كاملة للسيارة وراحت المشكلة والحين بعد سنتين رجعت المشكلة فانا غيرت البواجي وغيرت فلتر البنزين ونظفت الثروتل ولسه المشكلة تطلع احيانا اطفي واشغل السيارة اتروح ليها فترة ومع الطريق ترجع لكن اليوم صارت بزيادة حتى السيارة تطفي احيانا وتصير فيها رجة وتطفي واتشغل السيارة اكثر من مرة اتروح الرسالة الهي تخفيض قوة المكينة بس تبقى لمبة المكينة الهي شيك انجن وتطلع بعد فترة والله كرهتني هالحركة في السيارة بقت عليي حاجة وحدة هيه فلتر الهواء المشكلة الورش كلهم مايعرفو شنو المشكلة او مامرت عليهم وبعضهم يقولو بدل الحساس الفلاني والي يقول لي بدل الثروتل والي يقولي بدل المنظم ولانا داري شسوي اعرف واحد عنده يكون 2008 تطلع عنده نفس الرسالة وسيارته جديدة والوكالة يبدلو يبدلو في القطع حتى كمبيوتر السيارة بدلوه ولا فاد وياه انا مشت وياي السيارة سنتين بدون هذي المشكلة اتمنى من الشباب الافادة ويعطونا بعض الحلول لاني كاره السيارة صراحة بديت اكره الامريكي وبقوة الله يرزقنا المرة الجاية ماراح اخذ الا وكالة على الاقل ملزومين انهم يصلحو السيارة لو فيها عيب تصنيع الرجاء المساعدة مشكورين
