سلام عليكم
شخباركم ان شاء الله بخير
اخواني انا شريت سيارة بداية الصيفيه هذي
افالون 2006 ,,, فيها بس مكرة علبة الدركسون يبي لها تغير ( لأنها تلعب )
المهم البارح مسكت خط القصيم القديم ( طريق الثمامه )
الطريق متكسر ,,, ويوم دخلت الطريق السريع
لاحظت صوت بالدركسون ,,, فتحت الكبوت ماسمع صوت من المكينه ولا القير
رجعت امشي ,,, بدا يثقل الدركسون :(
وبدا يزيد الصوت ( صوت حنه )
وبدا يثقل الدركسون لين صار من الصعب جدا تحريكه
المهم رجعتني الرياض اشوا ,,, وقفت عند اول محطه ... قلت بشوف زيت الدركسون ,, فتحت الكبوت ,, يوم شفت علبة الدركسون لو انه يصب من فوقها زيت ( من الغطاء) فكيتها لقيت الزيت مليان ,,,
نزلت تحت بالحفره حقت الزيت ,,, اسمع زي صوت خرفشه وصوت زي الالتماس بالدوده :smilie20:
تكفون وش الحل ,,, هل المكره اذا كانت خربانه وتلعب وتطلع صوت تخلي الدوده كذا؟؟
يعني لو اغير المكره تزين ؟
ولا لازم افك الدوده ؟؟ :blue:
ولله مالي الا الله ثم انتم
مابي يلعبون علي الورش ويخسروني فلوسي ,,, ترا كل اللي معي وانا اخوكم مجرد مكأفأه جامعيه ومابقى منها شي كثير :blue:
جعل اللي يدلني ويرشدني للفردوس الاعلى ياااااااااااااااااااااااااااااااارب يااااااااااااااااارب
