اخذت مخالفة على العازل الحراري ( جونسون)

السلام عليكم ورحمة الله وبركاته

كيفكم يا شباب ان شاء الله بخير ،،،

قبل امس وانا ماشي اوصل واحد من الشباب لبيته الا والقى قدامي تفتيش على طول ربطنا الحزام

المهم العسكري طلب مني الرخصة والاستمارة فـ اعطيته وقال لي جنب السيارة ،،،

رحت له قال لي انت مضلل الامامي وهذا ممنوع قلت له التضليل اقل درجة وعازل كمان

المهم بدا يتفلسف علي،،، قلت له عندي تصريح مكتوب فيها رقم اللوحة علشان المرور قال لي

هذا مو مصدق من المرور واحنا مو معترفين فيها المهم خويه اللي في السيارة قال انت وش

مضلل ( في كوول ولا ... ) قاطعه العسكري وقال لا في كول ولا جونسون هذه الحاجات ممنوعة ،،

المهم كنت رايح السيارة علشان اجيب الكرت يشوفه الا والعسكري قال لزميله اكتب له مخالفة

وخليه يزيل التضليل ،،، ومن هنا ومن هناك قلت للعسكري لي 3 سنوات ما احد وقفني الا اثنين

فقط ولما قلت لهم عازل ما قالوا لي شي حتى من دون ما ابرز لهم البطاقة كيف يصير هالكلام ؟؟

وتعال السيارة وشوفها من الداخل والخارج الرؤية واضحة جدا وكمان هذه التضليل اقل درجة

وشفافة وانا مسويها علشان الشمس المهم اخونا في الله مرررة مقفل ،،،

وفي الاخير عطاني المخالفة بس قسم بالله انا مقهور يعني لو عطاني لاني مو رابط الحزام او

متعدي السرعة او معدل في السيارة لكن عارف انه عازل حراري وفي بطاقة وبرضوا يعاند بس

همه يخلص البوك حقه ،،،

الصورة التالية مقطع من جريدة محتفظ بها من زمان ولو تلاحظوا

مكتوب فيها (هنالك تضليل شفاف متوفر في الاسواق يمكن للسائقين الذين يتضايقون من اشعة

الشمس استخدامه ) ،،،



وشركات التضليل ايش يقولوا لك ( احنا نضمن لك ان المرور ما يقولوا لك شي ) بالله وين حماية المستهلك عنهم ؟؟؟

الى متى هالمهزلة ؟؟ تروح تدفع 1000 ولا 2500 ريال واخرتها يجي العسكري ويعطي مخالفة

ب 300 ريال وتتدبل لـ 500 ريال ،،،

ملاحظة / الدرجة اللي انا مضلل فيها السيارة ( SP-40 ) (SP-65)

تحياتي للجميع ،،،