قصتي مع طرمبة الفكتوريا ونصيحه لكم ياشباب

كان معاي كراون فكتوريا 2002 وكالة استخدمتها عشر سنين تقريبا .. ماكنت اوديها تشييكات الوكالة لكن كنت اغير زيوت و فلاتر و موية رديتر و بواجي بشكل دوري في البناشر

فلتر البنزين كنت اغيره بشكل دوري خلال هالفترة لكن طرمبة البنزين ماقد غيرتها ابدا وماتعتبر اصلا من القطع الاستهلاكية .. يعني حالها حال كمبرسر المكيف اللي ممكن يخرب عليك كذا في اي وقت .. القطع الاستهلاكية اللي لابد انها تنتهي مدتها مثل البواجي و القماشات

طبعا سوء الاستخدام وعدم تغيير الفلاتر راح يأثر على الطرمبة

شكرا

يالغالي هذا اهم شيء بالصيانة الدورية
فلتر البنزين او الصفاية تغيرها كل 25 الف كيلو

مشاءالله على سيارتك

كلام اهل الورش كثير ومختلف من شخص لثاني

عموما الطرمبه من القطع النادر خرابها بالسيارات ولا لها وقت محدد

غريبة
انا من يوم ما اشتريت الكراون فكتوريا ما غيرت الصفاية ول الطرمبة غير مرة وحدة بس و السيارة 2002 ماشية 300 الف و عليها زي الحلاوة ما شاء الله اللهم بس مساعدات الى كل سنة و نص اغيرها تعرف عاد مع شوارع جدة هذا و هيا من يوم ما اشتريتها ما دخلتها الصيانة ولا مرة الزيوت اغيرها فالبنشر
بس انا مستغرب من كلام الميكانيكي الى كل ثلاثة شهور تغير صفاية

.............

صحيح كلامك اخي انا اخوي عنده كابرس90LS ونفس الحركه يشغل الدقه الثاانيه للسلف تسمع زنه الطرمبه وخربت عليه ثلاث مرااات والسبب الديلكوو انتبهووا لوزن الديلكوو ترى مهم والله
اذا صاارت كااتمه السياره تطق اطرمبه البنزين

انتبه انا ما اقصد الصوت الي يطلع اول ما تدق سلف هذا عادي وطبيعي وموجود في كل السيارات
اقصد صوت متواصل حتى بعد تشغيل السياره يشبه زنت البعوض
واحد من الشباب طلع عنده الصوت وقلت له انتبه للطرمبه وغيرها والا راح يجي يوم وتنكبك
الرجال طنش وجلس تقريبا في حدود خمس شهور وهو طالع للدوام رفضت تشتغل وطلع السياره من الكراج على سطحه
الفائده من القصه انه لما يطلع الصوت مهوب معناه من بكرى تخرب الطرمبه الصوت مجرد تحذير ويمكن تطفي بعد شهر او شهرين او خمس شهور المقصود الواحد ياخذ حذره وان الطرمبه بدت تضعف


هذي الطريقه تنقص عمر الطرمبه الافتراضي
والانسان الحريص يعبي قبل ما يوصل الموشر تحت الربع والحمدلله المحطات كثيره وفي كل زاويه

اقصد بالمسافات الطويله من 1000 كيلو او قريب منها وطالع
والسفره الواحده ما تخرب الطرمبه المقصود الي كل شهر يطلع ثلاث سفرات او اربع سفرات طويله متواصله وبدون توقف هذا يقصر عمر الطرمبه وخصوصا بالصيف

يا شباب انا اتكلم بشكل عام عن جميع الطرمبات
الطرمبه من القطع الاستهلاكيه ولها عمر افتراضي يمكن هذا العمر يطول عند شخص وعند ثاني يكون قصير وعلشان الانسان ما يدخل في متاهات وفي نكبات يفحص الطرمبه على الاقل كل سنتين واقرب ورشه تفحص لك قوت دفع الطرمبه

طرمبة البزين من القطع الغير مضمونة ما اتدري متي تقطعك بالطريق

وفلتر البزين ما له دخل في خرابها نهائيا

انسي الموضوع

غريب والله الوالد الله يحفظه شاري كراون فيكتوريا عام 2003 ولا مرت المشكله هذي
يمكن يوم تعبي بنزين باحد المحطات مثلوت كثير ولا زي كذا يعني
مشكووور على المعلومه والنصحيه

مشكور ع النصيحه.

يعطيك العافيه اخوي ماقصرت والله يكفينا شر الطرمباات

بس ابي تتأكدلي من صوت الزنه لاهنت وش قصتها بالفكتوريا

ولك مني جزيل الشكر

يا جماعه الخير طرمبت البنزين مثلها مثل اي قطعه استهلاكيه لها عمر افتراضي الغالب تكون في حدود 100 الف لكن فيه اشياء تسرع في انتهاء عمرها الافتراضي مثل:
ترك التانكي حتى ينزل الموشر تحت الربع والطرمبه تحتاج لتبريد والبنزين يقوم بعمليت التبريد اما الوسخ فالطرمبه ما تشفطه لانه يوجد شخال دقيق مره مع قطن يمنع دخول الوسخ للطرمبه
وايضا السفر الطويل وخصوصا وقت الصيف وعدم الوقف للراحه تحتمي معه الطرمبه حتى لو ما نزل التانكي تحت الربع
وايضا ضعف البطاريه فالطرمبه تحتاج لقوه كهربائيه كامله علشان تدفع بقوه وهي مرتاحه واذا نقصت القوه الكهربائيه يكون عليها ضغط وبالتالي ترتفع حرارتها

السؤال الي يطرح نفسه الان كيف تعرف خراب الطرمبه قبل ما تطفي فيك السياره فجاءه؟؟
الطرمبه اذا قربت تخرب تصدر صوت زنه مثل زنت البقه (والي ما يعرف البقه هي البعوضه ) او مثل زنت المرسيدس القديم لكن منخفضه وتكون حاده
او احيانا يطفي فيك الموتر فجاءه وبدون مقدمات ثم يشتغل طبعا انت ما تدري وش السالفه!!
اذا حصلت معك مثل هذي الامور على طول افحص ضغط الطرمبه فاذا كان الضغط نازل عن المطلوب على طول غير الطرمبه وريح بالك احسن من انها تتعطل فيك في مكان تتمنى انك تدفع الي وراك والي قدامك ولا تكون في مثل هذا الموقف
ويفضل ايضا فحص ضغط الطرمبه بعد تغير بطاريه السياره

طيب والحل لاطالت عمر الطرمبه؟؟
عود نفسك تعبي بنزين قبل نزول الموشر تحت الربع
وايضا اصحاب السفر الطويل المتكرر عود نفسك تريح بعد قطع مسافه
منها تريح نفسك انت ومن معك اذا كان معك احد وخصوصا كبار السن ومنها تريح السياره والطرمبه من الضغط المتواصل وخصوصا وقت الصيف

والطرمبه مثل الدينمو الموجود في البيوت والاستراحات اول ما تشغله يكون بارد بعد فتره يسخن ويمكن ما تقدر تحط يدك عليه رغم مرور الماء من خلله ولو يطول احتمال كبير يحترق وفيه بعض الدينموات الغير اصليه الغطاء البلاستيكي الموجود في الخلف يذوب من الحراره
وايضا هذا الدينمو له عمر افتراضي حتى لو كان طويل لكن لابد يجي يوم ويخرب

وبالنسبه للاسعار تختلف منها الرخيص ومنها الغالي فاذا كنت مقتدر ركب نفس طرمبت الوكاله والغالب طرمبت الوكاله تكون غاليه فاذا كانت غاليه عليك دور على طرمبات رخيصه عند اصحاب قطع الغيار واشرط عليهم انها مناسبه لسيارتك لكن احرص على بلد المنشأ

اتفق مع الاخ الراسي 100%
وعن تجربة السيارة من اول ما اخذتها ماتركتها تنزل عن الربع الا بحالات نااااااااااادرة وماشاءالله تبارك الله للآن :xyxthumbs:

يعطيك العافيه اخوي

والله يالغالي اذا تعبي اذا وصلت الربع ما ادري ايش السبب بالضبط هل ممكن انك كنت تعبي والسيارة شغالة ما ادري بس مكتوب في الكتالوج اطفي المحرك عند التزود بالوقود ممكن الصفاية على العموم حبيت اساعد اعذرني ومشكور على النصيحة

وانا الي اعرفه قبل ماتخرب الطرمبه يكون لها صوت يبين انها بتعطل والشي هذا ماحصل معاي

الله يعافيك

88888
جوابني على هذي الاسئلة
1- تعبي السيارة متى بنزين اذا ولعت اللمبة او اذا وصلت الربع
2- هل دائما تعبي والسيارة شغالة
3-فلتر البنزين يتغير كل 60-70 الف كم وليس كل شهرين بلا اسراف وخراب الطرمبة بسببه احتمال ضعيف لان لو كان وسخ مره راح تلاحظ السيارة بفتره قبلها اذا جيت تشغل المكيف خصوصا امبير الضغط ينزل وتحس السيارة بتطفي هل حصل معاك كذا