محتـــار بين 3 سيــارات !! ياليت تنصحوني .. ( موستنج v6 - كمارو 2LT - جينيسيس كوبيه)

ونسيت ابي أسأل

هل فعلا العرض اللي نازل للتشالنجر اللـ بـ 120 ألف ..

هو لفئـة الـ SE ؟؟ مو الـ SRT8 ؟؟

اللي اعرفه لو انها اقل نوع الستاندرد قوتها 290 حصان وبدون شاشة وجنوط 17" ولا اي مميزات
وعندنا مايبيعون الا الستاندرد والفل ولا انا غلطان؟

اذا كذا الظاهر باسحب عليها !

مشكورين ويعطيكم الف عافيه كل الردوا ماقصرتم ..

الصراحة داخلية الكومارو مره سيئة ومو عاجبتني ..
والجينيسيس مافيها عيب غير انها كوري وماظن انها بتجمل معاي 4 سنوات

الخيار بدأ ينحصر بين الموستنج و وخيار الاخ Aiman .. اللي هو التشالنجر 392

السيارة مواصفاتها حلوه بالنسبة لسعرها ..

فما أدري شرايكم يا شباب؟

Mustang V6 Full Option 2011
Challenger 392 SRT8 2011
؟؟

على فكرة الجودة تهمني جداً لأن السيارة بتقعد معاي اقل شي 4-5 سنوات!!

اخوي انا ارشح الموستنق والجنسيس كوب ولايهمك اللي يقولك لازم 8 سلندر

هذا الكلام ينطبق على التسعينات بس اللحين عنددك مثلا الموستنق 6 سلندر اقوى من

الموستنق جي تي 2010 8 سلندر او انه متقارب جدا وبالتوفيق

الموستنج رووووعه

لكن روح المتحده مسوين عرض على التشالنجر بـ 120 الف

الموستينق افضلهم باشياء واجد
منها التسارع لكن على ما يبدو انك ما تهتم من هالناحية واجد
طبعاً بالنسبة لأنها سلندر الشباب ينصحونك بالثمانية من ناحية انها اقوى واسرع واكشخ وكذا , ولا اذا على الموستينق سته سلندر قوية جداً وابداع فلا تشيل هم حتى هي سيارة قوية

الكومارو طبعاً شكل قوي لكن للأسف مشاكلها واجد , وتقدر تراجع بعد موضوع الأخ عاشق الاوبل عن تجربته للكومارو ومافيه افضل بعد انك تاخذ رأي المجربين , الموستينق افضلهم داخلياً وبالجودة .. بالاضافة سيارات الموستينق كشخة بشكل لا يوصف

بالتوفيق ان شاء الله

جينسس الجيل الجديد منها رائع جدا

انصحك فيها شككلها جذاب و نادر ماتشوفها

مشكورين كل اللي ردوا..

بس مستغرب ايش المشكلة في الـ 6 سلندر ..

انا فكرت فيها لأني ماني راعي قومات ولا سرعه ..

قوة السيارة ماتهمني قد انها شكلها سبورت وحلو ..

اذا في مشاكل مع الـ 6 سلندر ياليت تقولون لي ..

اما اذا كانت من ناحية قوة السيارة وسرعتها, زي ماقلت ماتهمني لهذي الدرجة ..

والـموستنق الـ 6 سلندر 2011 بقوة الـ GT 2010 .. ولا انا غلطان؟ تقريبا نفس عدد الاحصنة ..!


حياكم

إبعد عن الكوري لأنه ممل وبعد 6 أشهر تكرهه ويبدأ يصدر أصوات وزقزقة
أنصحك بتشارجر وإذا كان لابد من الخيارات المطروحة خليك في الموستانغ

الكمارو احلااااهم .. :)

صحيح نسيت اقولك الكمارو فيه مشاكل..
والديكور يسولف معك.. والوجهيه من تحت كلها حكوك لان ما يمديك تشوف صح من الرؤيه الاماميه..



انــا بصراحه ما ادري ليش حاد نفسك بالـ v6

يعني بتدفع مبلغ يوصل للـ 130 الف فـ سته سلندر ..

اشوفه شي غلط

ع العموم انا نصحتك بالتشارجر لأن بكل بساطه لو تقارنه بالثلاث اللي انت حاطهم تلقاه يتفوق عليهم من اكثر النواحي

يمكن ما عندك معلومات عنها
ابسط المعلومات اللي بعطيك اياها هي فروقها المميزه عن اللي انت مختارهم

8 سلندر
375 حصان
شاشه كبيره باللمس
الجيل الجديد من مكاين الهيمي 5.7
شكل جذاب
وما يتواجد فئه اعلى منه في الوكيل
يعني بأختصار لو تشتري موستنج او كمارو 6 سلندر بيكون فيه 8 سلندر
لكن التشارجر ما ينزل منها اس ارتي هنا
وتقدر تجاكر العالم بالشوارع مو زي السته سلندر شكل بس

اسمع النصيحه مني ابتعد عن الكمارو جودتها سيئه الى ابعد الحدود

ابختصر لك

الموستانج V6 اقوى المنافسين تحقق تسارع الى 100خلال 5.4
الكمارو خلال 5.9
التشالنجر خلال 5.9
الجينسس نفس الشي

غير كذا الموستانج تتميز بالجوده

اخوي الكريم نصيحتي لك وانا مو مستفيد شي من هذي النصيحه الا اني بس ابي افيدك
صدقني الكمارو جودتها سيئه

و الخيار لك و اخر شي ابي اقوله لا تستعجل لا تستعجل شوف سيارات ثانيه يمكن شي يعجبك لا تضيع المبلغ الا على شي يستاهل

تحياتي

مشكورين كل اللي ردوا ..

الصراحه من ناحيتي بعد ماشفت وقرأت ..

صرت أميل للموستنج اكثر خصوصا انهم رفعوا قوة المحرك الـى 305 حصان ..
فرق 10 احصنة عن الـ GT 2010 ..

بس مدري هل تستحق الـ 120 الف احطها فيها؟؟
عشان كذا متردد ..

الجينيسيس يقولون الكوري بدأ ثبت جدارته وكذا .. لكن من ناحيتني ركبتها مع خويي وماشاءالله فعلا سيارة قوية .. لكن ثقتي بالكوري مو ذاك الزود ..


الكمارو فكرت فيها لشكلها روووعه .. بس شفت مواضيعكم هنا وتذمون فيها ..
بدأت اغير رأيي! مدري عن موديل 2012 هل بيتغير هالشي ولا لا ..

(اخوي Cr7)
بالنسبة للتشارجر ! مدري ماعمري فكرت فيها ..

اللي اعرفه ان التشالنجر اقوى منها .. ومع ذلك ماتجمل قدام الكمارو والموستنج ..

وش رايك؟ الصراحه ماشفت يثبت قوتها .. وش مميزاتها؟

تبي رأيي ؟

بنفس سعرك خذ تشارجر rt 2011 ...

اقوى منهم كلهم بكثيرر
ومواصفات اعلى بكثيرر
وشكل متوحححححش جداااا وجديد ما بيتغير الا بعدين ..

والله الموفق

انا برأيي تاخذ الموستنج

داخليه رائعه و شكل خارجي حلو

والتسارع هي اسرع وحده بين الثلاث سيارات

هذا مقطع ممكن تستفيد منه

http://www.youtube.com/watch?v=6i-QqjLLjO8