أنا من ثلاث شهور و أنا محتار بشراء سيارة و محتار بين الأكستيرا و الباجيرو سبورت ( طبعا الحيره من عدة نواحي القوة الفخامة الشكل الجودة الوكيل السعر المواصفات)
ماأطول عليكم رحت البحرين و قلت خلني أمر على وكيل ميتسوبيشي و أشوف كيف وضعهم
وصلت المعرض و أستفسرت و لقيت الفرق موب سهل
الباجيرو سبورت
مع فتحة السقف ( بالسعودية ما فيه ) 107000 ريال سعودي و عندنا بدون فتحة و السعر 111000 ريال سعودي
الباجيرو العادي
مع نفجيشين ( شاشة ) 138000 ريال سعودي وعندنا 144000 ريال سعودي بدون نفجيشين و الزينون مو أصلي يركبه الوكيل بالسعوديه حسب كلام وكيل البحرين
طبعا الفرق الأعظم أن الضمان على السيارة نفسه بس عندهم ضمان على المكينه و القير مدى الحياة بس لازم تغير الزيت عندهم كل 10000 كلم
الفرق مب سهل الصراحه خاصه ضمان القير و المكينه و بكره بمر نيسان و أنشاء الله أغلب الوكالات و بسأل عن تكاليف تصدير السيارة ( تركيب لوحات سعودية )
شرايكم بالموضوع شباب
