وعليكم السلام ورحمة الله وبركاته
مبدئياً خيار موفق بالمرسيدس وايضاً خيارك موفقك بشراء سيارة من قطر أو الامارات كون استعمال انضف من استعمالنا :bigggrin: :a1120(121):
بالنسبة للسيارة الرسميّة ، قبل لا نروح للمستعمل الي فيه مخاطرة كبيرة ، عندك من المرسيدس E-class ، سيارة ممتازة وفخمة وشكلها شبابي قليلاً :
نجي للمستعمل ، المرسيدس S كلاس سيارة ممتازة جداً ورسميّة وفخمة وتقنيتها عاليّة ولكن من رأيي انك تبحث عن سيارة ثانيّة كون شكلها راح يتغير السنة الجاية يعني ما راح تستمر معك الا كم شهر وينزل الشكل الجديد ، فمن رأيي انك تاخذ سيارة رسمية وفخمة واوروبية وتكشخ فيها وبنفس الوقت تكون السيارة بالشكل الحالي عشان لها هيبة بالشارع
طبعاً ودي انصحك بالأودي A8 ولكن صعب انك تلقى مستعمل وبسعر 250 كونها توها جديدة وما راح تلقى مستعمل بهالسعر
فنصيحتي لك تاخذ بي ام دبليو الفئة السابعة
سيارة جداً ممتازة وفخمة ولها هيبة بالشارع وتقنيتها ممتازة ، انصحك تدور شئ مستعمل ونظيف بالأمارات او بقطر وبإذن الله تلقى اللي يرضيك ، ومن رأيي الشخصي تزور الوكالة وتركبها قبل لا تبدأ بالبحث عشان تكون مقتنع فيها 100% ، وانا متأكد بأنها راح تعجبك بعد ما تركبها :)
