سيارتي الكيا سبورتاج 2011، ومعاناتي مع الجبر

الكيا شكل وقوة وجودة ...

وانا الحين في صدد شرتء سيارة جديدة .. وحاط عيني ع الكادينزا ..

لكن يا اخوان نصيحة : الي يبي يشتري سيارة .. مو المهم نوع السيارة مثل اهمية خدمة الوكيل..

انا كان عندي كيا اوبتيما وكالة 2006 اول ما استلم الجبر وكالة كيا (حسب اعتقادي) ,..

بكل معنى الكلمة ..,, كرهت السيارة بسبب الوكيل

الله يعينك ويعيين المسلمين

السلام عليكم، و الله بدأت أعيد النظر و أنا كنت ناوي أشتري كيا سورينتو 2012 في الرياض و كان عندي بذرة شك بسيطة تجاه الصيانة و قطع الغيار و لكن بعد قراءتي للموضوع أصبحت البذرة شجرة ضخمة!!!

واضح ان الجبر مش جايبها لبر مع عملاؤه و ان الخدمة سيئة إلي أقصي الحدود..الحقيقة ان بذرة الشك بدأت حينما لم أجد كتالوجات للسيارات في معرض الجبر و بالتالي لا أعرف علي وجه التحديد المواصفات الكاملة للسيارة و انما أعرف المواصفات الأساسية فقط بدون تفاصيل...

الحاجة الثانية التي أثارت شكوكي هو السعر الذي قيل لي فمرة 88100 ريال و مرة مندوب مبيعات آخر يقول هذا السعر غير نهائي و ان السعر النهائي ينخفض 2500 ريال ليصبح 85600 ريال لدرجة اني بدأت أشك في السعر الحقيقي للسيارة و خايف يطلع ال85600 دا كمان مش نهائي بدون ماعرف...

آخر حاجة ان السيارة مش موجودة و الشحنة في الطريق و ليس عندهم موعد تقريبي لوصول الشحنة...الشئ الايجابي انهم رفضوا أن أحجز السيارة قبل أن يتأكدوا من وصول الشحنة من كوريا...

أنا الآن في حيرة...بقالي 3 شهور أفاضل و أقارن بين السيارات إلي أن استقريت علي السورينتو فهي أنسب سيارة لي و لكن هذا الموضوع يعيدني إلي نقطة البداية مرة أخري!!!!

شوف خيو السالفه ما بدها صراخ والصراخ وسيله ما تنفع
لكن الي ينفع هو ( النشبه , الزقه ) انا اشوف انها اكثر وسيله تنفع معهم , لانه سيارتي ما طلعت الا بعد ما تابعت الموضوع بنفسي بدايه من موضوع ارسال البطاقه الجمركيه وبعدها التامين وبعدها ارسال السياره وكل هاذ ما اخذ 3 ايام وحتى موضوع الصيانه جلست اتابعهم من برمجت المفتاح والى اصلاح باب البانزين الى ورقه تغير كفرات ,
وبعدين ادخل على مدير الصيانه وطلب منه تقرير عن الاعمال التي تمت اثناء دخول السياره الصيانه وعن الاسباب عدم انتهاء المشكله

قبل فترة كلموني الكيا من خدمة الجمهور وطلبوا مني أروح الصيانة. أستسمحوني وأعتذروا عن المصيبة يلي سوها. وأتفقنا اليوم السبت أسلمهم السيارة يصلحون الصوت يلي يطلع من الخلف على المطبات. كانو قالولي أنهم غيرو المساعدات وأكدولي ذا الكلام 10 مرات، بس ظل الصوت.

اليوم سلمتهم السيارة من الصبح ورحت الشغل، الساعة 10:30 كلمني قال تعال أستلم سيارتك، قلي المشكلة محتاجة تغيير قطع وما هي موجودة، وما قال شو القطع، بعد أصرار مني قال المشكلة بالمساعدات وأنهم ما غيروها وأنهم كذبوا علي.

بصراحة فقدت أعصابي نهائي، رحت على الصيانة وسبيت الرجال وصرخت بوجهم قدام الناس، ما دريت عن حالي لكن صديقي يقلي كان وضعي هستيري بالصراخ والسب

أستغفر الله العظيم من كل ذنب عظيم
أنا خلاص ماني متحمل الوضع وحاس حالي على وشك تصيبني جلطة بعز شبابي

بعد العيد وكلت الله رح أرجع السيارة للوكالة، الله يعوض بالفلوس يلي دفعتها حوالي 30 ألف ريال، بحاول أرجع أي مبلغ منهم أن شاء الله، الله لا يشبعكم يالجبر، حسبي الله ونعم الوكيل فيكم

ملاحظة: رح يصلحون السيارة بعد العيد أو يبدلونها، إذا حد له مصلحة يشتري مني السيارة بمبلغ ويكمل أقساطها، أو في حال بدلوها وفي أحد يريد سيارة سبورتاج جديدة من الوكالة فل كامل، يكلمني على الخاص أو هنا في الموضوع

والله يا أخوان .. بدأت أتخوف من كيا وأنا ناوي أشتري الأبتيما إن شاء الله ويش تنصحوني بارك الله فيكم ( ترى النفس خضرا ونفسي في الإبتيما )

طبعا الوكيل سئ جدا زي ما سمعنا من عملاء كيا بشكل عام ,

ولكن يا شباب عندنا بالمدينه مندوبين الوكاله اخلاقهم ما شاء الله روعه وكلامهم صريح قالوا لي اوبتيما توصل بعد العيد واحنا ما بيدنا شئ

للحين ما اشتريت الاوبتيما وناويها ان شاء الله , بس يمدحون بصيانة كيا بالمدينه يقولون صيانه عن صيانه تفرق عكس صيانة فرع العليا والسلمانيه بالرياض ما يمدحونها
, ان شاء الله تكون صيانة طيبه في طيبة الطيبه :ch19:

شاركوني , بنتظاركم

نصيحة لك رجعها من الحين وطالب بغيرها، ولا تتنازل عن حقك. السيارة على يبدو مضروبة في الشحن أو فيها أعطال مصنعية كبيرة من وقت الشراء

إذا تريد مساعدة أنا جاهز لكن محتاج منك موقف قوي وثابت، والكثير من الصراخ

المشكله يا عزيزي اني طالب السياره قبل اليوم الوطني وما تم استلامها الا الخميس الصباح وفيها العيوب التاليه 1- السياره ترج وتزحف 2- باب البانزين ما يفتح 3- الريموت ما يشتغل 4- فيه حكه بسيطه فوق الوحه الخلفيه
وطبعا غير اني اتسلامتها وكلها غبار من داخل والخارج

لا حول ولا قوة إلا بالله

شو مشكلة سيارتك؟ تعرف أنو من حقك أطالب ببدل أستئجار سيارة عن كل يوم تأخير بعد العشر أيام في حال مطلوب قطع غيار؟ و خمسة أيام إذا ما تحتاج قطع غيار؟ يعني أنت لازم تطالب بمبلغ 2500 ريال أو تبديل سيارة!!

والله ياخوي معاك حق

انا الان طالب سورينتو 2012 من فرع العليا ولي الان 12 يوم مسلم الدفعه الاولى والملف تبعي
وامس اتفاجأ الموظف يتصل علي ويقول ان خطاب المرور تبعي ضاع وطالبين خطاب ثاني
يعني الان المرور راح يقفل يوم الاثنين الجاي وانا راح يجي العيد وانا من دون سياره

قمة الاهمال والتسيب انا يوم السبت رايح عند مدير المبيعات مصطفى توفيق وراح اعمل اكبر مشكله في تاريخ شركة الجبر اذا ماأستلمت السياره قبل العيد

عزيزي شرايك تتابع موضوع سيارتي مقابل الامر الي تبيه
لاني طولت معهم اكثر من شهر وما طلعت وكل يوم لهم عذر اقبح من السابق

الرقم في دبي 0097143326661 ترد عليك موظفة أستقبال تقلها عندك شكوى أو تطلب السيد Charley(Chul) Lee وتكلمه، حيطلب منك أرسال بريد ألكتروني لبريده [email]thisiron@kiamea.ae[/email]

أو ترسل على البريد مباشرة

الله يوفقك وانت كذا بتخدم غيرك

لو تضع رقم خدمة العملاء بدبي وبريدهم الالكتروني عشان تفيد كل من لديه شكوى ولا يعرف طريقة الوصول للادارة العليا

أمس كلمت مدير خدمة علاقات العملاء في دبي، وبعثتله بريد ألكتروني طوييييل أشرح في كل المشاكل يلي واجهتني، وكلمتو كمان مرة للتأكيد.

اليوم كلمني رجال من كيا، يقول المدير العام يريد منو تقرير عن يلي حصل معي. شرحتله بالهاتف لمدة 20 دقيقة. أول شي قلي أمر أخذ شيك بالمبلغ يلي خسرته من أستأجار السيارات أثناء أصلاحها في ورشتهم، ثاني شي قلي الموضوع مطروح عند المدير العام الحين ووعدني بعد أعتذارات كثيرة أنو ما أسافر الاردن الاسبوع القادم إلا والسيارة ممتازة أو بسيارة جديدة.

العبرة: ما في حق وراه مطالب، ظليت وراهم وإن شاء الله ما أتركهم لحين أخذ كامل حقي، دافع دم قلبي بالسيارة ما أرضى حد يظلمني ويأكل حقي.

وراكم يالجبر والزمن طويل

لم اجرب المجدوعي
لكن اذا حدودك في 60 فورد عندهم سياره اسمه فيوجن على ما اعتقد
رهيبه بمعنى الكلمه ب 62 وما تحصل زي الجزيره في التعامل والصيانه

اخي العزيز انا بقدم معروض الى الاماره
بالاضافه شكوى الى وزاره التجاره وشكوى اخرى للشركه الام وبالاضافه الى الذهاب الى جريده اليوم مع متاكد ما راح يعطوني وش لانه الجبر يدفع لهم مبالغ كبيره من اجل الاعلانات بطريقه هاذي راح اضمن حقي وساعد غيري فاليت لو تسوي مثلي وتشوف الفرق

ألزبده الكل يعرف إن الجبر سيئ للغايه ويهين كل و يذل كل عملائه ولا يحترمهم
لذالك من يشتري منهم فل يتحمل خطئه !!
أنا من أكثر المعجبين بشركة كيا وخصوصا أوبتيما و سيراتو ولاكن لن أشتري منهم حتى يصحح الجبر أخطائه .... و شكله بتجه للهيونداي .. لأن المجدوعي وكيـــــــــــــــل رائع ويحترم عملائه

في مفارقة لطيفة، أسئل موظفي الصيانة وموظفي كيا بشكل عام، المعظم ما معو كيا، الجماعة عارفين نفسهم



أكيد لأ
يا رجل كيا سودت علي عيشتي، كل يوم أروح البيت وجهي أسود وضغطي مرتفع، الموضوع بجد أثر على صحتي ونفسيتي، يا شيخ 3 أسابيع ما حلقت من الأكتئاب من ورا الجبر، بصدق أكلمك ما أمزح!!



يا رجال خذ فلوسك الحين لا تستنى، الموضوع أكبر من مجرد تسليم سيارة، الموضوع مستمر بالسوء بالصيانة وقطع الغيار والتأمين والتفويض والتأخير والتعامل السيء بشكل عام، ريح نفسك وأطلع منها قبل ما تتورط



أنا بروح أشكي موظف، مديرو يهاجمني ويدافع عنو!
نظام صيانة ما في، أكيد ما في نظام تقييم!!



يعني أصير أصلح سيارتي الجديدة 2011 المكفولة على حسابي؟
أصرف فلوسي على السيارة ولا أصرفها على صحتي والله