رأيي في المازدا CX9 فل 2011 .. بعد صيانة الــ 10000 كيلو

ياخوك لا تستصغر أي سيارة و الاف جي و الاكسبلور برضهم سيارات و لها قيمتها لكن أهم شيء يبفى التنافس معاهم و مع غيرهم فكل مازاد التنافس زاد الابداع بالصناعه و المواصفات وهذا هو المطلوب.
و لك كل الشكر...

السلام عليكم ورحمة الله وبركاته
عليكم السلام و رحمه الله و بركاته




حياكم الله يا شباب في الموضوع .. وهو باختصار شديد راح اكتب فيه رأيي وتقييمي للمازدا CX9 2011 بعد صيانة الـ 10000 كيلو

أول شيء أنا ما كنت ناوي على مازدا ولا هي في راسي ولا شيء .. كنت محتار بين الفورد ايدج ليمتد 1 وبين الترافرس والاكاديا .. وكانت معهم كم سياره في البال منها الاكسبدشن والتاهو ..

المهم بالصدفه دخلت معرض مازدا لسبب واحد فقط .. هو ان أكون غطيت جميع السيارات حتى اقدر اختار بعد ما شفت كل شي ...
الف مبروك - خيارموفق
الله يعطيك خيرها و يكفيك شرها
اول دخلتي كانت على CX9 فل سعره وقتها كان 135 الف .. شدني في السياره :

1- رحابة السيارة من الداخل (الترافيرس اوسع منها شوي)
صحيح الا ان السائق و الراكب الامامي يتضايق شوي عند الركوب (الاشخاص الضخام)
2- جودة الصنع والفخامه .. بالذات الازارير .. والمقاعد (اجود من مثيلاتها بمرااحل)
جوده المواد الداخليه اعطيها 8 من 10
3- أخلاق موظف الوكالة (احسن من كل وكاله رحت لها كني بشحت منهم سياره - ما عدا وكالة فورد)
لاحظت الشيء هذا ايضا
4- سعرها المغري ..( بالمقارنة مع الترافيرس والاكاديا الفل)
رغم انه ارتفع بشكل ملحوظ لكن السياره تستاهل


المهم استخرت وكانت من نصيبي اخترت اللون الأبيض والداخلية بيج بسبب جونا الاوروبي خخخخ :a1120(86):
الله يعطيك خيرها و يكفيك شرها
نبدأ بالعيوب :

1- السرعه محدده على 160 كلم/ساعة :a1120(82): ... صحيح ان السرعه خطر ومدري ايش بس 160 قليله وكم مره احتجت سرعه اكثر بالذات في السفر ..
اشوف 160 كفايه و السرعه ما منها خير
2- ناشفه في المطبات والحفر , يمكن لها علاقه في الجنوط (مقاس 20) .... لكن اتعودت عليها .. واللي متعود على الياباني يمكن ما يلاحظ .. انا لاحظت لان عمري ما سقت ياباني :a1120(86):
في البدايه تعبت من قساوه السياره لكن ما ادري هل هي تلينت او انا تعودت
3- ماهي اقتصاديه في استهلاك الوقود :a1120(82):... واللي يقولك اقتصاديه اعرف انه متعصب لمازدا او شاريها من المريخ .. بس الحمد لله ان تانكي البنزين كبير نسبيا اعبيها فل 91 بحول 30 او 35 ريال وتمشيني حوالي 600 كيلو طبعا سفره من المدينة لجده على 160 او 140 .. تستهلك اكثر من ثلاث ارباع التانكي .. عاد كل واحد يقدر من عنده
لا ابدا اشوف انها اقتصاديه جدا ب 30 ريال تمشيك 600 كيلو
و الله ماني متعصب للمازد و لا شي لكن لما تقارنها بسياره من فئتها بتلاحظ الفرق

4- السياره تتعب في المدن .. بمعنى انها ما تتحمل المشاوير الكثيره وخاصة اذا بتتطفيها وتشغلها كل شوي .. (هذا رايي) :rolleyes1:
بالعكس من اروع ما يكون و اعجبني حجمها مو كبير و لا صغير
5- الفرامل .. تحسها مصممه لسياره اصغر من CX9
اما من ناحيه الامان (الفرامل و غيره) فالسياره حصلت على جوائز كثيره و هي الاولى على فئتها من هذي الناحيه
6- فتحة السقف صغيره نسبيا .. بالمقارنه مع سيارات اخرى .. بس ما تحس بالفرق
ما تهمني مساحه الفتحه
7- لمبات الطبلون جابتلي صداع اول كم سفره :blue:.. لكن الحين الحمد لله تعودت ... اللون الاحمر قوي ياخي خخخ
مساله اذواق لكن البي ام و بعض السيارات الفارها قريبه من الوان طبلون المازدا
و انا سافرت فيها و كانت ممتازه خصوصا النور الازرق الخافت اللي في السقف:ch19:
8- مافي مكيف للصف الثالث :a120(115):.. المشكله فقط يبيلك وقت لين ما تبرد .. لان ما شاء الله مكيفها قوي جدا يعني لو تخلي السياره ربع ساعه شغاله بالمكيف قبل لا يركبوها عيالك .. ما عندك مشكله
اؤيدك و بقوه ياليت لو فيه تكييف مركزي مثل الجمس للمراتب الخلفيه رغم ان التكييف قوي
9- ما فيها تبريد مقاعد ... رغم ان فيها تدفئة مقاعد .. (ناقصين حنا) صراحه ما استفدت منها الا اني امقلب في العالم خخخخ ... شغلها وخويك جالس تلقاه يتململ في جلسته بعدين يبدا يتافف بعدين يقوي المكيف .. اخر شي يقولك ياخي وش ذي الحراره خخخخ :a1120(121):
نفس الكلام

10- ما تقدر تفصل التراكشن
تقدر تفصله بالزر لكن يرجع بعد سرعه 15
و تقدر تفصل الفيوز و ترجعه اذا بغيت
11- المسجل رغم روعته الا انه مافيه فتحة يو اس بي ... ولا يشغل دي في دي
اتمنى لو كان زي الامريكي بشاشه ملاحه خراااافيه

اول ما اخذتها كانت فيها مشكله في المكيف .. سوولها برمجه وانتهى الموضوع الحمد لله

صراحه اشوف العيوب بسيطه وما تستاهل بس انا حبيت افصل تفصيل ممل


المميزات كثيييره جدا جدا .. منها:


1- الجودة ... اعطيها 10 من 10 .. اتكلم عن جودة الطبلون والدركسون والازارير والمقاعد .. الداخلية بشكل عام :xyxthumbs:
اعطيها 8من 10 لبعض الملاحظات
2- المحرك قوي ونشيط ما شاء الله .. هذي اقولها وانا وااااثق .. جربته في طريق الكر (مكة – الهدا) يمكن 10 مرات .. طياره ما شاء الله والسياره معبيها فل وفيها 6 اشخاص ... طياااااره :xyxthumbs:
هذا اكثر شيء اعجبني ان السياره نشيطه ما شاء الله و قيادتها ممتعه
3- الجربوكس رهييييييب .. بالذات التبترونك .. متعه متعه :xyxthumbs:
نفس قير اللكزس rx 350
4- مقاعد مريحه جدا رغم انها ناشفه شوي (مثل ما قلت اللي متعود على الياباني يمكن ما يلاحظ) :bigggrin:
بتتعود مع الوقت
5- مريحه جدا جدا جدا في السفر .. لو تمشي 100 ولا 160 كله واحد ما شاء الله
في السفر مريحه و رااااسيه و ممتازه لكن العزل مش ولا بد
6- المناوره فيها سهله وكانها سياره سيدان ... والثبات رائع :xyxthumbs: ... ما تحس ابد انك في سياره كبيره
كلام سليم 100%
7- واهم شيء بالنسبه لي ان رغم كل الموصفات الا ان سعرها مناسب جدا 135 الف
رغم انه غالي شوي لكن ينافس الباقين
8- الوكيل جيد .. اخلاق + صيانه سريعه + دقه في المواعيد (المدينة المنورة - فرع طريق المطار)
الله لا يجعلك تحتاجه و تشوف سلبياته اللي انا شفتها
اسعار الصيانه ..

1500 كيلو مجانا
5000 كيلو 250 ريال
10000 كيلو 450 ريال
40000 كيلو 1500 ريال

يعني كل 5000 كيلو بـ 250 ريال
وكل 10000 كيلو بـ 450 ريال
وكل 40000 كيلو بـ 1500 ريال

فيه عرض صيانه مجانيه 3سنوات او ممشى 60الف كيلو
وسلامتكم

والله انك من الناس اللي استفدت منهم في هذا المنتدى بالتحديد بخصوص المازدا .. وكان لهم الفضل بعض الله في شراء هذي السياره ...
أرجو انك ما تاخذ كلامي بطريقة شخصية .... هي مجرد "سياره" :smilie16: توديك وتجيبك وفيها مكيف خخخخ
مافي شيء كامل إلا وجه الله
مشكوووور على التعقيب :xyxwave:

اخوي ابو ضرس الله يوفقك ما المنتدى إلا تعارف و تبادل خبرات ياخوك و بالاخير حنا اخوان مهما اختلفت ارائنا و افكارنا و انا ما اجبر احد على راي معين
لكن بالنسبه للراحه حاول انك تضبط ضغط الهواء للكفرات الموجود على باب السائق
و بالنسبه للسرعه ياخوك و الله ماتفرق كثير

لكن سرني ردك و تواجدك

السلام عليكم

ابارك لك السيارة واخيتارك الموقف واشكرك على طرحك للتجربة المميزة والمفيدة والاخوان ماقصرو بالرد على بعض النقاط

السيارة اعتبرها من افضل السيارات من فئة الكروس اوفر العائلي وبالنسبة للصرفية واضح انك متعود على السيدان لان الجيوب صرفيتها مختلفة بسبب قله الانسيابية والوزن الزائد بسبب الدبل لكن رغم ذلك 600 كلم تعتبر ممتازة جداً بتانكي واحد ولو تعبي السيارة بنزين 95 لمدة شهر او اكثر ممتالية راح تشوف فرق في الصرفية وزيادة في العزم
قلفة الطبلون من الملاحظات الي ذكرتها اول منانزلت السيارة في تجربتي المصورة لها وراسلني بعض الاشخاص من استراليها بخصوص فتح المبرمجة لكن حسب علمي هي المنصنع ولا ينمكن فتها حتى الوكيل لايستطيع ذلك ( اخر علمي العام الماضي ) وهي برمجة كمبيوتر ولا اعتقد ان هناك ورشة تمتلك تلك البرمجة

الله يبارك لك في موترك ويعطيك خيرة ويكفيك شره

أشكرك أخوي ضرس و أتمنى انه يكون اسمك على (( ضرس العقل ))

أحييك على مدحك للسياره و على ذمك ببعض الأشياء لكن ابيك تسال نفسك سؤال هالقارنت الموتر مع اللي حواليك مع احترامي لها كلها فمعروفه سيارت الدفع الرباعي بعدم الراحه لكن ماهي جودة الاميره بالراحه بجنب منافسيها و اليابانيين بالذات فما ادرس وش هو سوابقك مع السيارات انا الحمدلله مواتري كلها ياباني من انفينتي للكزس و صراحه اشوفها بصفهم و لله الحمد

انا موتري قبل المازدا : كابرس 96 ال تي زد .. ولومينا 2006 , يعني كله امريكي في امريكي .. فأكيييد بلاحظ فررق


و بالنسبه للترافس بذمتك تسمي لي الصفين الأخيرين هذه مقاعد روح شوفها و احكم

شفتها الله يعافيك ... ترا وسيعه للأمانه ... بالذات مقصورة القياده ترا أكبر من المازدا .. واكرر ماهو تنقيص في المازدا

السرعه اعتقد هذا مو بعيب الفورد من زمن جدي طبلونه على 180 و ماحد اشتكى و هذا شيء يرجع للصانع و اعتقد انه مو بعيب السرعه 160 او زود او اقل

هذي انا اخالفك فيها ... عيب كبييير ... وترا فيه فرق بين ال160 وال 180 ... نفسي افكها بس راح يروح علي الضمان

صرفية البانزين ما ادري باقي السيارات كيف الحمدلله معي اعبيها 95 و اذا مشيت على 120 - 140 يكون معدل الصرفيه من 11 إلى 13 لتر كل 100 كلم و حسب نوع الطريق و اما لو كنت دون و احيانا بالبلد بس مسافات طويله دون وقف و امش فتصل الصرفيه و الله إلى 8,1 كل 100 كلم لكن متوسطه السياره بوجه عام 12 لتر كل 100 كلم لكن شكلك الله يسامحك تسدح رجلك عالسياره و تكتم لها .. السياره شديت عليها من جده للدمام دعسه و حده و الحمدلله مرتين توقفت لتعبئة البانزين و كلها كان التانكي عالنص و مثبت السرعه على 120 كلم (1300 كلم)

صراحه افحمتني ... ما اقدر اجيب ارقام خخخخ ,, مجرد احساس لأني قارنتها باللومينا ...

بالنسبه ((للمسجل)) ركب لك شاشة بلد السياره و فك راسك و اذا عن فتحة يو اس بي ترى العالم تطورت و صارت تستخدم AUX

مافي زي مسجل شد البلد .. كلها صناعة صينية اي كلام .. للأسف مع انها نازله برا بمسجل شاشة شد بلدها .. بس وكيل مثل البقية للأسف .. وعلى فكره انا اخالفك في نقطة .. ال AUX هو القديم وبطلوووه بقووه .. الان فتحة يو اس بي والثلاث فتحات الاحمر والابيض والاصفر (مدري وش اسمها العلمي ) وفتحة SD

بالنسبه للمكيف ماقلت لي كم قوة تكببف تعطيك السياره و كم درجة البرودة تعطيك اعتقد انه هذا الشيء بس في البي ام واذا عن قوة تبريد الحمدلله ركب معي ست اشخاص من رجال شرواكم إلى حريم بغطاويهم و الكل كان يطلبون اخفف من قوة التبريد المكيف وانا على الظهر الله يهديك بس

ما اعتقد اني عبت في مكيفها .. الا ان مافيه في الصف الثالث .. لكنه يوصل يبيله وقت بس

و بالنسبه لكرف المدينه و الله سيارة مدينه ركب معي احد الزملاء و معه باثفندر و دخلنا منطقه مزحزمه و فيها زحمة لليل و حواير و لفله شهد لي بالامانه بخفت الموتر ما شاء الله تبارك و سرعة دورانها و نشاطها لو معي الباث كان توهقنا صراحه انا اشبها X3 اشوفه اقرب شيء لها بالبلد ;)

انا قصدي على انك تطفيها وتشغلها كم مره ورى بعض .. في حالة المشاوير القصيره والكثيره ,, هذا قصدي ,, احساس يبو واحساسي مرهف خخخخخ

و بالنسبه لباقي الاشياء اللي قلتها من انوار داخليه او الفتحة فهذه ماعتقد انها تعيب السياره لكنها مسأله ذوقيه لأن البي ام و الاودي و الفولكس واجن و البيجو كلهم داخليتهم لمبات حمراء و بس و من أحلى مايكون مو معها لون كحلي يالباقلبي بس
صادق والله .. لكن ابشرك تعودت عليها

الف مبروك السياره و الله يطعمك من خيرها و يكفيك من شرها و ارجو انك تحدد نقدك ياخوك صحيح السياره مابها نافيقيشن و مابها دي في دي لكن اقول هذه كماليات تدبر و تقبل كلامي بصدر رحب و الله يوفقك
الله يبارك فيك يالغالي ... لكن رغم صغر هذي الأشياء , الا انها تظل غير موجوده وهذي حقيقه لازم أذكرها ,,

و لأي استفسار أنا حاضر و ممنون فالمنتدى وجد لافيد و استفيد
واسف عالاطاله

ما يحتاج اخوي "سواليفي" الله يحفظك ... مواضيعك كلها شفتها بخصوص المازدا قبل ما اشتريها :xyxthumbs: كانت من الامور اللي فادتني كثير قبل الشراء.. بسبب واقعية وحيادية طرحك :xyxthumbs:

جزاك الله خير على الاتوضيح والافاده
تقبل تحياتي يالغالي :xyxwave:

مرحبا اخوي ابوضرس الف مبروك السيارة والله يطعمك خيرها ويكفيك شرها وبالنسبة انها ناشفه شوي بالحفر والمطبات انا عندي 2008 ستاندر جنط 18 برضه ناشفه بالحفر والمطبات بقوة والان ماشية 112الف كيلو قعدت معي سنة وبعدها مع ابني سنة والان مع السواق وغيرنا الفحمات يوم مشت 45الف وغيرناها مرة ثانية ب85الف كيلو وبالنسبة للخرابات خرب علينا علبة البلاستيك حقت الاديتر وقيمتها180ريال مع الغطاء والان اشوف تهريب لزيت القير ومافضيت اوديها للوكالة وجاء السواق الملقوف وزوده بزيت قير من محل الزيوت يوم شاف العيار ناقص والحمدلله ماجاها شي عقب الزيادة وماشيه ماعليها واشكرك جدا على موضوعك الحلو تحياتي

ما شاء الله تبارك الله
الله يعطيك خيرها و يكفيك شرها

سيارة اكثر من رائعة
اهنيك على الحيادية و المصداقية الي كتبت فيها الموضوع

و ال cx9 من السيارات القليلة الي تستاهل كل ريال يندفع فيها مقابل المواصفات الرائعة

تحياتي