محتــار بين !!

شوف يا اخي اذا حضرت (( تويوتا )) فليسكت الجميع

وبعدين تويوتا لك وللزمن طيب وبعدين تويوتا شيك طال عمرك اي وقت تبيعة يجيب لك سعر حلو وانا من مؤيدين تويوتا
وانا من رايي تاخذك تويوتا لاند كرورز G ستاندر قير عادي افضل من التاهو واليوكن والاكسبديشن لانك تتكلم عن ملك اليابان ومفخرة الارض بلامنازع واذا جيت تشترية روح لمعارض اليحي بالنسيم ( الرياض ) حتى تاخذة مو ملعوب فيه ولا شي مو مثل غيره واتمنى لك السعادة والتوفيق عزيزي ابو احمد

ياخي صراحه في المنتدى تعصب رهيب للتاهو ومع ذلك مع ان اليوكن اكثر في الشوارع
وتراهم يالي تقول سرعة فرمله وثبات تراهم نفس كل شيءوالي يقول ان التاهو احلى وجهة نظر واحترمها لكن حتى اليوكن يميل للطابع الرسمي اكثر واحنا يوم جينا نشتري
شفنا التاهو واليوكن جنب بعض وكنا مصممين على طويل العمر التاهو فيوم شفنا المواصفات والشكل وهم جنب بعض تغيرت فكرتي ب180 درجه لليوكن وذلك للتصميم
الخلفي والواجهة المهيبه سواء من العلامه والاسطبات والصدام والالوان المتناسقه مع
بعض وابد يا صاحب الموضوع انا انصحك باليوكن لان خياراتك مافيها الا اكسبدشن ويوكن فبالتاكيد يوكن لان صيانته سهله وما يخرب فيه اي شي زي الاكسبدشن واللاند
طلع ابوووووووووه من الحسبه لا شكل ولا محرك ولا مواصفات ولاشي غبييييييييي وب
145 الف ليشششششش؟؟؟ ومالك الا صلاة الاستخاره والتوكل على الله والله يوفقك...

شف الارخص وتوكل على ربك واهم شي يصير عندك وكيل للسياره يدعمك حتى لو تاخرت الطلبيه
الاند الجي اكس افضل في البر
الاكسبدشن والتاهو افضل وبمراحل في السفر والخطوط الطويله

ربي يكتب لك الاختيار الموفق والجيد لك يَ رب

الصراحه انا انصحك بـ التاهو LTZ بلا منازع والله ، واذا كانت الإمكانيات ما تسمح فـ خذ تاهو LT

لان بالفعل فخامه وقوة ورساوه واشياء جميله كثيره لا تعد ولا تحصى

شفروليه 2008 .!

والله كلامك صحيح .! لاكن الان زدتو حيرتي من ناحيه الاكسبديشن والـ تاهو واليوكن ولاني عارف وش أخذ .

السلام عليكم
ياخي تبي الصراحه خذ اليوكن انصحك بقوة لاني معي سوبربان 2008 LTZ من يومه ليومك اني مااشتكيت منه ولاقطعه غيرتها فيه سوى القطع الاستهلاكيه مثل الكفر مرتين وقطع رخيصه ومريح للعائله وصرفية البنزين بالمره رووعه يشتغل 4 سلندر ويطفي 4 ومواصفات كثيرة
وانصحك تبعد من الكروزر قدام اسبوع رحنا للشركه تسعرنا عن GXR3 طلع دفعه اولى 60 الف ومؤخر 68 عشان يسير قسط شهري 4300 فل كامل بدون مقاعد جلد ومقاعد تكسر الظهر بالله هاذي سياره اسال ملاكها ولا روح اركبه في الشركه وجرب وسلامتك

أضم صوتي لصوت ، اخي : the black chevy

للتوضيح :

اذا كانك راعي خطوط و تبي السيارة للسفريات و للعائلة فـ انصحك باليوكن او التاهو مع العلم ان التاهو افضل ، و اعتمادية اكثر من اليوكن ، و اغلب الناس تقول انه ما فيه فرق ، انا اقولك وش الفرق بينهم : الاداء لصالح التاهو ، الموثوقية [ مثل سرعة الفرمله و الثبات ] لصالح التاهو .
و التاهو هو الافضل على فئته لعام 2011 .
http://usnews.rankingsandreviews.com/cars-trucks/rankings/Affordable-Large-SUVs/
فإذا كان طلعاتك خفيفة للبر ، [ رغم انه يعجبك فـ البر ] فـ التاهو هو افضل خيار .


أما اذا كنت تبيه للبر و الرحلات ، و بينك و بين الطرق المعبدة عداوة . و تبي سيارة تتحمل . فـ الاكسبديشن هو افضل خيار ، لأنه تفوق فـ فئة الاوف رود . و اخذ الاول عليهم بجدارة لعام 2011 و تفوق عليه [ جيب قراند ششروكي ] لعام 2011 . و ننتظر تقييم 2012 لنرى هل ستستعيد فورد اللقب ام لا .
http://usnews.rankingsandreviews.com/cars-trucks/rankings/Off-Road-SUVs/

تقبل تحياتي ،،،
اخوك : ابو شهد .

اكسبدشن ليمتد

اخوي السياره عارف انها جباره ويكفي انها من فورد لاكن باين عليك توك ماخذ السياره ولسا ماجربت الصيانه .! ودي لو بواحد ماخذها 2008 او 2009 يقولي مشاكلها وعيوبها وصيانتها كيف .!
اشكرك على ردك

أبو ماجد البشري

يعني اعتبر ردك اني استبعد الاند من السيارات .!؟

يعطيك العافيه .! وصراحه السياره ستاندرد ومافيها الا مكينتها

the black chevy

انا شفت رد لك بموضوع مستخدمين السيارات العائليه وردك حببني للتاهو صراحه .!

وشكرا مره اخرى على ردك .!.

ننتظر راي الاعضاء البقيه

نصيحتي لك لا تروح خياراتك بين الاكسبديشن وايضا اليوكن خصوصا انهم فل

وفيهم ميزات اكثر بكثير من الاند كروزر gx

وراح اوضحها لك الان

اولا المكاين

مكينة اليوكن فورتك 5.3 لتر وبقوة 320 حصان و 335 عزم تورك <<<<<< ركز على التورك من المعروف السيارات الدفع الرباعي الافضل ان يكون التورك عالي فيها

وهاذا الموقع حق جي ام سي اذا حاب تتعرف عليه اكثر

http://www.gmc.com/2011-yukon-full-size-suv/features-specs/powertrain.html

وانا عن نفسي ارشح التاهو ltz والسبب انه اكثر جمااال بمراحل عن اليوكن

واللي يقولك انه خربات نفس اليوكن لا تصدقه

والسبب انهم يتشاركون في جميع قطع السيارات ماعدا الاكسسوارات الخارجيه

اما القير وغيره نفس بعض مايفرق

اما بنسبه للاكسبديشن

مكينته 5.4 لتر وبقوة 310 حصان و 365 عزم تورك <<<<<<< ممتازه جدا مكينته

http://www.ford.com/suvs/expedition/specifications/engine/

اما الاند الجكس اذا تقصد الاستاندر مكينته 6 سلندر وحتى ال8 حقته ابو كلب

وماتقارن ابد في اليوكن والاكسبديشن من ناحية القوة

انصحك تستخير ربك اول شي

وبعدين قرر

عن نفسي يذهب صوتي للتاهو فل كامل

تقبل مروري

التاهو ltz افضل منهم كلهم وافضل كذلك من الفكس ار ومع ذلك ارخص من الجي اكس ار ,بالنسبه لأستفسارك الأكسبديشن ممتاز جداً واريح من اليوكن لأن نضام التعليق الخلفي مستقل وسعره ربما لايتعدى 120الف وفيه تجهيزات لاتوجد بالجي اكس ار ,


بالتوفيق,,

انا امتلك اكسبدشن فل فئة ليمتد سيارة لايعلى عليها من ناحية المواصفات والرساوة وقوة العزم الغير طبيعيه وانصحك فيه وبقوة :xyxthumbs:

اخوي يكون بالمعلوميه التاهو واليوكن واحد بس الفرق بالواجه والخلفيه الاسطبات
لكن من جواء واحد مافيه فرق لا بالقطع ولا الديكور

عزيزي حبه خال .!

اشكرك لردك لكن انا ماريد التاهو لانا اغلب الورش مانصحتني فيه مع انا صيانته سهله

اضم صوتي لصوت LS2008
شف الاندكروزر شيك بجيبك بس لكن راحه مع الخط كى للعائلة نو ويه
اختر بين الاكسبديشن او اليوكن والتاهو اذا بتستخدم لفتره طوويله
ولا تنسى وانا خوك صلاة الاستخارة الاي افضل من استشارة الناس كلها لو الوكاله
نفسها
وتحياتي لك ونتمنى لي ولك ولجميع المسلمين بالتوفيق

والله ياعزيزي انا قلت لك تقسيط .! وماودي سعر السياره يرتفع عن 160 الف .!

انا اشوووف ان اللاند هو اقواهم واكثرهم جوده واعتماديه وانصحك فيه اذا عندك قيمته لانه عملي الى درجه ما تتصورها

بس عيبه الوحيد انه سعره غااااااالي جداّ

الاكسبدشن ما جربته بس الكل يمدح فيه

التاهو ... اممم كان لنا تجربه مريره مع التاهو 2007 استخدمناه لمده سنتين شريناه من الوكاله وبعد سنتين طاح القير ... بس للامانه التاهو عليه مشي ورساوه ممتازه جدا ومريح على المطبات ومكيفه بااااارد

الاكسبدشن واليوكن هي السيارات العائلية .
اللاند GX ستاندرد ومحرك ضعيف ممكن أعرف وش فيه وممكن يكون أغلى منهم كلهم ومايستاهل سعره .وكل الاختيارات الثلاث مشهود لها وذات جودة متقاربة .

اليوكن والاكسبدشن الفل ممتازة ومواصفاتها أفضل لكن هل هناك حد مقترح للميزانية :c0214: كي تحصر رغباتك .