الكابرس 2008 وما ادراك ما مصايب الكابرس

كابرس2008مصيبه @user_273654 · 30-10-2011

السلأآم عـليكم ورحمة الله وبركاته

اولا / يشرفني الانضمام لمنتدى السيارات كـ منتدى كبير وراقي

ثانية / انا جاي وراجي خير منكم ونشالله ارتاح

........

المشكلة هي

عندي كابرس 2008 6 سلندر

مشكلتها

اول ماشغلها تشتغل مضبوط ومافيها لاتقطيع ولا صوت عادي

لاكن دايم اطلع من البيت اروح مشوار اطفيها ورجع اشغلها ماتشتغل

اخرتها اليوم الفجر رحت اصلي بالمسجد رجعت اشغلها اشغلها ماتشتغل

واسمع صوت السلف ( تك تك تك تك ) اذا جيت اشغلها اضل معلق عليها يطلع الصوت

مع العلم اللمبات شغاله والعالي شغال والمسجل شغال بس ماتشتغل

واخر شئ دفيتها بوانيت لباب البيت وهذي هي مشكلتي بختصار

واتمنى القى منكم الحل

والله يعطيكم العافية على هالمنتدى المتميز

والسلأم خير الختآم . . .

d.ghamdi @user_234792 · 31-10-2011

ك

كابرس2008مصيبه

اول شئ مشكورين كل الشكر على الردود الطيبة ماكنت متوقع بهالسرعه القى رد

بالنسبة للبطارية جديدة والسلف كل شهر ابدله

والي يقول لي سو اشتراك سويت اشتراك ب3 سيارات

التيما 2005

جمس 2007

سفاري 89

والظاهر البطارية خانسه

وبالنسبة للسلف انا دايم كل شهر مع تبديل الزيت ابدل السلف

تبدل السلف كل شهر ؟؟؟؟؟؟؟؟ سلامات

لاتكون ملخبط بين السلف و السيفون (فلتر ) الزيت ...

لان السلف مايتغير الا بعد سنين ودنين ..

بسدك @user_269433 · 31-10-2011

انا قبل كم يوم عندي الومينا صارت نفس المشكلة ماتدق تشتغل كل ما تدق سلف يطلع صوت تكككك ,, انا قلت احين يبي لي على الاقل 300 الى 400 بطارية جديدة لكن الحمدلله شحنت البطارية عن طريق بطارية سيارة خويي الماركيز واشتغلت علطووول.

اتمنى افدتك

محمد الحربيِ @user_141158 · 31-10-2011

وايضا لا تستخدم بطارية اي سي ديلكوا لانها ما هي مثل اول صارت تعبانه جدا وما تكمل سنة وممكن تخرب في ست اشهر وتحتاج تبديل وان كان على الضمان يبدلون لك وحده فقط ومن الاخير دور غيرها

king CARZ @user_216510 · 31-10-2011

لابالعكس واحنا في الخدمة
وبالنسبة عشان انشاء الله ما تحتاج تبدل اى شىء على فتره طويله اتبع التالي:
1-تاكد ان الدينمو يشحن للبطارية وقيس مستوي البطارية المفروض من 14الى 12 لاتقل عنها
اذا حاب تتاكد افصل اصابع البطارية + <الموجب> اذا طفيت معناه الدينمو يحتاج تغير او اصلاح واذا شغاله معناه من البطاريه 2- لاتطول على دق السلف اكثر من 2 ثانية ولا تدقه ورا بعض اتركه الى مدة 30 ثانية وشغل

كابرس2008مصيبه @user_273654 صاحب الموضوع · 31-10-2011

مع العلم السياره الحين شغاله شلتها بسطحه وداها واحد من عيالي للوكالة وانحلت المشكلة بس كيف اتفادي مثل هذي المشاكل وشاكر لكم واسف على التثقيل ^^

كابرس2008مصيبه @user_273654 صاحب الموضوع · 31-10-2011

اول شئ مشكورين كل الشكر على الردود الطيبة ماكنت متوقع بهالسرعه القى رد

بالنسبة للبطارية جديدة والسلف كل شهر ابدله

والي يقول لي سو اشتراك سويت اشتراك ب3 سيارات

التيما 2005

جمس 2007

سفاري 89

والظاهر البطارية خانسه

وبالنسبة للسلف انا دايم كل شهر مع تبديل الزيت ابدل السلف

king CARZ @user_216510 · 31-10-2011

سلام عليكم اخوي اولا سويها اشتراك اذا ما نفع ثبت وسويها صنفره لاصابيع البطاريه وثبتها
وسويها اشتراك اذا ما نفع معناه من السلف

أبو ديـــــالا @user_149616 · 31-10-2011

كنت أظن إن المشكلة أكبر من كذا من إسم الموضوع :c0038:

عموماً مثل ما قالوا لك الشباب ,إحتمال كبير مشكلتك ما بين السلف والبطارية

-أبو سامي- @user_273693 · 30-10-2011

أنا أعتقد السلف شيك عليه بس أنصحك نصيحة ( أي مشكله بكهرب السيارة وتبغى تشتغل فيه أول شي تسويه تفصل أصابع البطاريه انتبه !! تشتغل والبطاريه مشبوكه ! ) عشان مايتلامس الأسلاك ببعض وساعتها تولع الأسلاك نار مثل ماصار معي ، أفصل البطاريه وأشتغل على راحتك ... تحياتي لك ...

super_safari @user_201024 · 30-10-2011

دوران السلف بهذا الصوت (تك تك تك تك) يعني ضعف البطارية. لا أسهل من أن نفحص البطارية و شحن الدينمو عند أي محطة فيها كهربائي. المسألة لا تحتاج خبراء كبار.

مركز جوانا @user_231566 · 30-10-2011

الاحتملات كثيره ومنها السلف والبطاريه
العطل بحول الله ليس ذالك المعقد خلي كهربائي يفحص لك السياره
كان الله بعونك

محمد الحربيِ @user_141158 · 30-10-2011

كيف البطارية عندك ؟؟
متى اخر مرة غيرتها ؟؟

$بسمة محب$ @user_249053 · 30-10-2011

شيك على السلف صارتلي في المصيبه 2006 كابرس 6 سلندر