السلام عليكم ورحمة الله وبركاته ...
أنا عندي صوت طقطقه بالمكينة وتحديداً في الرأس الأيمن من المكينة عندما تكون السيارة جاية من مشوار يطلع الصوت واضح وأنا قبل فترة كان إذا تركت السيارة شغاله عشر دقايق يطلق صوت طقطقه تسمعه من بعيد وإذا دعست على البنزين اختفى وعلى كذا ... , ومريت على الورش قالوا هذا صوت الصبابات بس السبب ضعف طرمبة الزيت ما ترفع الزيت فوق عشان كذا غيرها , رحت واشتريت الطرمبه وكاله وسعرها ( 340 ريال ) وركبتها واختفى الصوت نهائي , ومن بعدها مشيت على الزيت سفرات طويله تقريباً ( فوق 5 آلاف كيلوا ) وغيرت الزيت والسيفون ورجع الصوت اللي كان بس أخف بشوي والمشكله مايختفي إذا دعست على البنص بعكس أول ولايطلع إلا إذا احتمت ورجعت من مشوار , سألت مهندس "تركي" قال هذا صوت الصبابات ولازم تفك المكينة برى وبفك الراس وتطلع الصبابات ونستبدلها وتغير وجيه الراس , وشغل اليد ( 1500 ريال ) والله لو إنها يد من ذهب :eek: !!! ويقولي لازم تغير الصبابات كلها أفضل سعر الطقم ( 1700 ريال ) والكلام دار بيني وبينه وهو مابعد ماشاف السيارة ولاكشف عليها بس يشرح لي المشكله شفهي .
والحين ياشباب نزلت مقاطع باليوتيوب المقطع الأول يظهر الصوت واضح من عند الكفر الأمامي للسائق والمقطع الثاني رحت مشوار ورجعت وفكيت الغطاء اللي فوق الثلاجه عشان أوضح الصوت أكثر , واللي عنده خبره يقولي وش المشكله ووشلون حلها بأسهل طريقه و بدون خساير وتعب .
نوع السيارة كابرس 2008 ثمانية سرندل .
المقطع الأول :
http://www.youtube.com/watch?v=2dkrffk31Yg&feature=player_embedded
المقطع الثاني:
http://www.youtube.com/watch?v=-nMN4z6QUcI
ومشكورين ياشباب ماقصرتوا ...
