من الأغلىفي قطع الغيار:الأكورد أم الماكسما

بصراحه قطع الماكس غاليه بس تعيش معك

والياباني بشكل عام مايخرب براحه

لا تقولي تيوتا ولا غيرها كلهم ياباني مايخرب براحه

كلها نار في نار
كلها قطع يابانيه مو استراليه ولا امريكيه
بس انا اقول الهوندى فيها اشياء ارخص من النيسان وفيها قطع اغلى من النيسان
والعكس صحيح

نعم مكسيما
انت عندك ماكسيما انت تقول معروف ؟؟ رحت سألت على قطع غيار الهوندا ؟؟

أنا سألت بنفسي في الشركتين
والفروقات بسيطة والأغلى الأكورد ((((راجع الصفحة الأولى ))))

يا اخوان لا احد يزعل واحد يتبرع ويروح الى الشركتين ويسأل عن اسعار قطع الغيار لكل من السيارتين ويجيب الخبر اليقين , مع اني اعتقد الماكسيما اغلى لان قطع غيار نيسان نااااااااااااااار جدا وشكرا.
ملاحظة : انا ذهبت الى دبي عام 99 ولقافة مني ذهبت الى بعض شركات السيارات وعملت مقارنة بين الاسعار في السعودية والاسعار في دبي ووجت ان اسعار تويوتا ولكزس على سبيل المثال لا الحصر ان الفرق بسيط طبعا ارخص لصالح دبي , وبس المصيبة ان الفرق بين اسعار قطع غيار نيسان هنا وهناك ارخص من عندنا والله بكثير جدا والفرق كبير جدا .( بالعربي الحمراني حرامي )
ملاحظة: هذا الكلام من عام 1999

نعم مكسيما ذكرت أن الأكورد عيوبها كثيرة كلامك مردود عليه
جودة الأكورد أفضل من جودة الماكس

شف حبيب قلبي الهوندا من يوم عرفناها وقطع الغيارغالي

وعيوب 2003 كثيره



انا معي مكس 2003 قطع الغيار ارخص من الهوندا


الله لايردنا لها


احلى مكس2003

اعوذ بالله

ايش هالاسعار ؟؟؟ هذي اسعار قطع رولز ولا مايباخ ؟.؟ والله حرام هالاسعار

والله حتى الالماني ماصارت قطعه هذي اسعارها !!

شوف اسعار قطع BMW 740IL موديلها 2000

فحمات اماميه ب 13 دينار بحدود 165 ريال
واصطب خلفي كرستال ب 12.5 دينار بحدود 160 ريال
و قزاز نور امامي بدينارين بحدود 24 ريال :D
وراديتر ب 48 دينار بحدود 610 ريال
وديسك بريك ( هوبات ) الواحد ب 12.5 بحدود 160 ريال
وشمعة الزينون ب 15 دينار بحدود 190 ريال
وطرمبة البنزين على ما اذكر ب 28 دينار بحدود 355 ريال
والبواجي ب 3.5 دينار بحدود 44 ريال

حقيقة انتوا مظلومين بهالاسعار ... الله يكون بعونكم

تسلم حبيبي الأنصاري على المعلومات
الظاهر ماخذ الكلام من المجلات ....ههههههه أمزح
بالعكس حديثك يدور في نفس الموضوع تقريباً

في القطع الإستهلاكية تلاقي الفرق مو كبير مره بس في قطع المحرك والبودي تكون الهوندا غاليه

بس الأخ الي قال ان هوندا ثاني اكبر صانع هذا كان زمان يوم نيسان كان عليها ديون بس بعد ماسددت ديونها وحققت ارباح خيالية في هذة السنتين ارجعت هوندا الى المركز الثالث والمتسوبيشي تحتل المركز الرابع

وحتى في امريكا كانت الأكورد تحتل المركز الأول بس الكامري انزلتها للمركز الثاني

الملاحظ ان الكل يشتغل تحس ان المنافسه حادة لذلك تلاقي هوند ومتسوبيشي تحاولان المنافسه في جميع القطاعات
تلاحظ مع نزو تويوتا xa نزلت هوندا الجاز وبعدها متسوبيشي نزلت الكولت الجديدة
ومع نجاح تويوتا بريفيرا جددت هوندا الأوديسي ومتسوبيشي بتنزل قريب سيارة اسمها جرانديز
ومع نزول الإلتيما الجديدة متسوبيشي نزلت الجالنت
والحين هوندا فكرت في تطوير الجند ورفعت مكانتها

يعني الكل يضرب من جهة بس الصراحة الترتيب عادل
تويوتا رقم واحد على اليابان والثاني على العالم ((نزلت فورد المركز الثاني))
نيسان طرازات عديدة طرحتها من نيسان وانفينتي
هوندا محاولة احتكار السوق الأمريكي
متسوبيشي هي متعثرة حاليا بس اعتقد بعد خطة اعادة الهيكلة بتعود للربحية

اسمحلوي على الإطالة والخروج عن الموضوع والله اصابعي اشتغلت وانا مادري ايش السالفه

بعض الأخوان سألوا عن قطع الأكورد وأسعارها وها أنا أعيد مواضيعي القديمة
وسوف تفيد البعض منكم

اخوي ابونايف 9999
سعر شمعة الهالوجين920بالريال
والزنون3750 مع التخفيض(تقريبا 5%)
والسلام عليم

نفس الشي
الفرق بسيط بينهم

مشكور لكل من شارك في موضوعي والذي أعتبره موضوع الجميع
كل الشكر والتقدير لي :-ENGINEER /عاشق max/خالع وسكن والـع
/الشواف/love caprice ss
على مجهودهم الطيب والمعذرة للي نسيته
شباب الأكورد أغلى إجمالا ،،،،، وبالنسبة للماكس شمعتها تقريبا 400 (بدون زينون)
عموما الأسعار متقاربة وإنشاء الله ما نشتري ولا قطعة قولوا آميــــــــــــــــــــــــــــن

ابو نايف

كلامك كله حكـــم إلا الون الاخضر:mad::mad:

ههههههههههههههه والله الاسعار متقارب جدا...بس ماادري ايش الناس شابه على قطع الاكورد وناسين المكس !!

اخوي ابو نايف9999
انا اليوم رحت وكالة الحمراني وعبدالله هاشم
لقيت قطع الغيار للهونددا كالاتي:
شمعة امامي715
اصطب خلفي715مزدوج(فشر مع اصطب)
طرمبة موية388
علبة دركسون رئيسية3586
سر دركسون138
طقم بواجي(اربعة سلندر)52
فحمات امامي298
فحمات خلفي256

أما المكسيما:
شمعة امامي920
اصطب مزدوج550
طرمبة موية160
علبة دركسون رئيسية3000
سير دركسون180
طقم بواجي50
قماشات امامي230
قماشات خلفي168
يعني بصراحة ماني شايف هذا الفرق الكبير بينهم
يعني اكثر الناس يقولون ان قطع الغيار ناااااااااااااااااااااااااار
ماني شايف فيها هذا الغلاء
يعني الهوندا وبس

والله اخوي انا اللي اعرفو انو المكسيما قطع غيارها نار

بس ما ادري اذا الاكورد غالية ولا لا

بس اعتقد انها ارخص من الماكس

وشكرا اخوكم delpiero