اخواني اعضاء هذا المنتدى الراقي بإذن الله (منتدى السيارات ) اسعد الله صباحكم / مساءكم بالخير والمسرات ..
لااطيل عليكم انا عندي مشكلة وهذه تفاصيلها واحاول اختصر , : انا اعندي كابرس موديل 2005 ssطبعا 8 سرندل طبعا ماشي معي كويس , لكن من فترة ماغيرت الزيت ولا غيرت السيفون , لكن فيه شوي نقص زيت ومتابعه اول بأول وازيد الزيت كل فترة اذا شفته ناقص , المهم اخر مره شيكت على الزيت كان في عيد الأضحى قبل شهر ، طبعا زودت الزيت , وجيت على السيارة من الديرة مسافة 450 كيلو تقريبا ، وبعدها ماشيكت على الزيت لأني طبعا من سكان الرياض ولاطلعت برا الرياض ابدا اللهم وصلت الثمامة ورجعت ههههها ، كلام جد طبعا , وبعدها وانا راجع من الثمامة سمعت طقطقة في المكينة وقلت يمكن بلف ماهو موزون ومع المشي راح يضبط , وجلست يومين اشغل الصباح واروح للدوام وارجع والصوت موجود وفي اليوم الثاني , رحت عليها مشوار قريب وكان فيها الصوت ، وشوي اختفى الصوت مرة وقلت كويس انشاء الله مافيها شيء , واشغل اليوم الثالث الصباح ويرجع الصوت واروح الدوام وارجع والصوت موجود ، وطفيتها تقريبا ساعتين وارجع اشغلها والصوت موجود واروح عليها مشوار الى الدايري الشرقي وارجع وفي رجعتي احس الصوت زاد شوي ، وبعدها طفت علي في الدايري ، واوقف واحاول اشغلها عيت لاتشتغل ابد حتى عيت تدق خير شر , واوديها لورشة وقال الميكانيكي , بحاول ادرها يدويا يعني يحاول يخليها تدور بالحبة وعيت تدور معه وبعدها قال لي ( المكينة مجيمة) وصدمني صراحة بكلمته ، وقال وش رايك تبغى توضب ولا تشتري مكينة ، وفي نفس الوقت قال لي انصحك تشتري مكينة ولا توضب قلت بشوف واستخير وارد لك خبر ، والى الان انا محتار يااخوان ، وش رايكم ، وش تنصحوني فيه , هل اوضب ولا اشتري مكينة ولا اشيك عند ميكانيكي ثاني اشطر منه يمكن يكون فيها حاجة تتغير واغيرها , وعلى فكرة فيه سؤال فني : هل فيه حاجة في السيارة بمعنى هل فيه حاجة في الكمبيوتر تخلي السيارة تطفي اذا صار فيه خراب قوي في الموتر وهذا طبعا حماية للسيارة ولا لا ؟! اخواني اتمنى اللي عنده خبره بها الموضوع يرد لي باسرع وقت ولكم جزيل الشكر ..
