انصحك شخصياً بالأودي A6 , ولو انا محلك على طول اخدها
المرسيدس E جيدة لكن قيادتها نوعاً ما ناشفه مع المطبات والحفر وهكذا , قيادة الأودي A6 انعم واريح وجرب تيست درايف وبتشوف هالشئ , بالاضافة الأودي A6 اوسع من المرسيدس من الخلف وهي اصلاً الأوسع بهالفئة :) مقاعدها ناعمة ومريحة جداً وبتلاحظ هالشئ لما تركب السيارة ان شاء الله
بالاضافة اللي يميز الـ A6 عرض الصيانة ..
بالنسبة لساماكو , فيه ناس كثثثيرين بيجونك ويقولون انه سيئ وما الى ذلك ومعظمهم اذا مو كلهم ما جربوه اصلاً ولكن مع الخيل يا شقرا :) , سمعو كم واحد قال هالشئ وهم مشو على كلامهم ! , انا ما اقول انا ساماكو ممتاز بالعكس لكن ماهو بالدرجة السيئة اللي يقولون عنها بعض الناس .. لأن عمي عنده أودي A6 موديل 2006 وكملت معاه تقريباً 6 سنوات ومعجب بالأودي كثير , يقول قليل اعطال وساماكو ممتازين وهو عنده عرض صيانة مجاني ومنتظم جداً على مواعيد الصيانة بساماكو فما واجهت سيارته اعطال ولا ازعج من الوكالة لأنه نظامي وعلى المواعيد دائماً
فأذا تبي ترتاح وتحافظ على السيارة وبنفس الوقت ما تنحط مع مواقف مع الوكالة انتظم على الصيانة أول باول وان شاء الله السيارة راح تكون معاك مثل كذا :xyxthumbs: , وهذا اللي صار مع الأودي A6 حقت عمي .. انتظم على الصيانة ومرتاح جداً مع الوكالة ومع الأودي , بل بالعكس هو الآن من اشد المعجبين بالأودي وناوي انه يغير سيارته ويشتري أودي جديدة :)
بالتوفيق ان شاء الله
