اخواني السلام عليكم ورحمة الله وبركاته , اسعد الله صباحكم / مساءكم بالخير , لااطيل عليكم عندي مشكلة بالسيارة واريد منكم المساعدة لاهنتوا , عندي سيارة كابرس موديل 2005 ss وانا تو مركب مكينة من اسبوع , وتمام إنشاء الله , بس الحين لما اشغل السيارة واجلس لما تحتمي طبيعي الحرارة ترتفع على شوي شوي لما تسخن ok .. الحرارة لما توصل درجة 108 تبدأ تشتغل المروحة الكبيرة بصوت قوي اعتقد الدرجة الثانية , (طبعا المروحة الصغيرة ماهي شغالة ) المهم تشتغل الكبيرة عند درجة 108 وتبدأ تنزل الحرارة ولما توصل درجة 101 تطفي المروحة الى ان ترتفع الحرارة مرة اخرى وتصل الى 108 فتبدا تشتغل المروحة وهكذا ,, سؤالي الأول : هل الدرجة التي تشتغل عليها المروحة الآن هي الدرجة الثانية اوالدرجة الأولى , سؤال تابع للأول : هل هذه الحرارة طبيعية ام لا ,, ملاحظة ( للمعلومية انا لسا ماعبيت فريون < يعني ماعندي مكيف الحين عرفتوا> ) , معليش اسئلتي كثيرة تحملوني , سؤالي الثاني : هل المروحة الصغيرة ماتشتغل علشان مافيه مكيف او ليس للمكيف علاقة >> يعني خربانة فعلا<< ( لأني اسمع ناس تقول ان المروحة الصغيرة خاصة للمكيف يعني تشتغل مع المكيف لأني ناسي الحين هل كانت تشتغل عندي قبل سواء مع المكيف او بدونه مادري , // للمعلومية كانت المراوح عندي قبل فترة يمكن شهرين تشتغل بصوت منخفض فبل ماتخرب الصغيرة وقبل مايروح الفريون لكن مادري هل كانت الصغيرة مع المكيف والكبيرة مع الحرارة مادري ناسي
سؤالي الثالث : هل السرعة الأولى للمراوح تكون مع المكيف والسرعة الثانية للحرارة او العكس يعني السرعة الأولى للحرارة والثانية مع المكيف , سؤالي الرابع : (( ادري طولتها معكم بس تحملوا )) هل لكل مروحة كتاوت / يعني كتاوت للمرحة الكبيرة (سرعة اولى وثانية ) وكتاوت للمروحة الصغيرة (سرعة اولى وثانية) او هو كتاوت واحد للمروحتين مع بعض (سرعة اولى وثانية ) للمروحتين كلهم ؟!
سؤالي الخامس : ماهو عمل الكتاوت هل يقوم بتنظيم السرعات للمراوح فقط , أواذا كان خاص بإيقاف المراوح اذا فصلته , اجل وش فايدة الفيوز اذا كان الكتاوت يعمل على ايقاف المراوح اذا فصلته من مكانه ؟! معليش آخر سؤال . كيف اعرف اذا كانت الظفيرة حقت المراوح خربانه او لا : يمكن تكون المشكلة منها مادري , وماهي درجات الحرارة المفترضة التي تشتغل عندها المراوح للسرعة الأولى والسرعة الثانية وشكرا لكم جميعا واتمنى الإفادة لأني قليل خبرة بالمراوح .
