تكتكة في مكينة التشارجر .. في الطائف

:xyxthumbs::xyxthumbs::xyxthumbs::xyxwave:

ياليت لو فيه احد عنده خلفيه عن معنى الكود يفيدنا

يفيدوك الأخوان ,,

لكن الكود واضح نوع ما ,, في مشكلة عندك بـ احد الكويلات ,,

مساء الخير ياخوان
ممكن اعرف وش معنى هالكود

2302
طلع لي هذا P2302-
IGNITION COIL 1 SECONDARY CIRCUIT- INSUFFICIENT IONIZATION - 2.7/3.5

لكن مافهمته للاسف،،

تسلم الله يسعدك ماقصرت
وان شاءالله راح اتصل عليك اليوم

حيااك الله للمره الاخيره

الصوت الي انا اتكلم عنه وجميع ملاك التشارجر بعرفوه ايضا هو صوت لتكيات البلوف الي هيا يقولو عنها زمان عصافير زي ماوضح لك الاخ سوبر في رابط اليوتيوب انتهت لاتوجد في نوع سيارتك
الي في نوع سيارتك تجي قطعه كامله ولا تنوزن
الصوت الي اتكلم عنه جدا مقبول ويمشي حاله ولاينسمع اثناء السير بشكل كبير

اذا كان غير ذالك وكان مزعج بدرجه كبيرها انصحك بالتالي قبل ماتغير او تشتري تكيات لانه سعره غالي
تروح للفني وتخليه يفك التكيات امام عينك
هناك عمودين للتايمن تتاكد منهم اذا هما سليمه اولا بمجرد الاحساس وتمرر يدك على سطحم
اذا خربانها ماينفع انك تغير التكيات ولن يروح الصوت حتى لو غيرت نوع الزيت

في حال رغبتك في اكثر توضيح اتصل وحاضر بالاستشاره الي تبحث عنها

موووووفق عزيزي واخر الاعطال بحول الله

تسلمون ياشباب ماقصرتم
واسف على التاخير لكن كنت مسافر
المهم يااخوان بقولكم وش صار

غيرت زيت موبيل ون العلبه ب 40 ريال
وغيرت سيفون وفلتر اصلي
في البدايه الصوت ماراح اليوم الثاني الصوت خف شوي
وسافرت مكان اقل بروده من الطايف والمفاجاه ان الصوت بعض الاحيان يختفي تماما
واحس السيارة متغيره مرة
واذا مسكت خط طويل يرجع الصوت مثل اول
بصراحه جنني الصوت يعني يختفي ويظهر وخصوصا مع حراره الجو يختفي وش معنى هالشي ؟؟؟

توكل على الله. الأمريكي درجة ثانية ممتاز ما عليه.
كم أجرة اليد؟
و لا تنسى وجه البلوف و جيبه أصلي.

مشكووور اخواني ماقصرتم جميعا

بالنسبة للمبة الزيت ماتشتغل عندي يعني الوضع طبيعي
والتكايات لقيت ب 1250 امريكي لان الوكالة يقول غالي مدري بكم

هل اتوكل على الله واسويها؟

التكايات تتراوح مابين 1200 الى 2200 كل مره لها سعر حسب توفرها
غير شغل اليد
انا المشكلة كانت عندي غريبه لانه الصوت يطلع بيوم واحد ويتدهور الصوت خلال ساعات الين يطيح عزم السياره
والسبب كان اني اطول على الزيت
والطرمبة اذا ضعفت بأي سياره تولع لمبة الزيت

اخوي super_safari بالنسبة للوزن سألت المهندس قال البلوف مامنها خلاف وتوزن نفسها اوتوماتيك دايم التشارجر يطلع فيه الصوت من سبب التكايات

بالنسبة للتكايات هي نفسها العصافير
وتاخذ تركيبها تقريبا نصف يوم ولا تحتاج فك راس المكينه بس فك غطاء البلوف
واتوقع الصوت طلع عندك لانه الزيت اول ثقيل وكان مخفي الصوت وبعد ماستخدمت الزيت الخفيف بدا يطلع الصوت وهذا حسب توقعي
بالنسبة للطرمبة لازم تشيك عليها هل هي توصل الزيت للفوق ولالا والميكانيكي عنده طريقة التشييك
واحرص على المكيانيكي الفاهم بالدوج والكرايسلر لانه اي خطاء تكون عواقبه وخيمه على المكينة

على طاري الزيت.. للجو الحار استخدم 20w50 مع أن دليل المالك يوصي لسيارتك ذات المحرك ستة سلندر 3.5 باستخدام 10w30 و لمحرك 2.7 بـزيت 5w20 !!َ إلا أن ذلك لا يناسب جو البلد هنا.
للاطلاع , هذا دليل المالك لتشارجر 2006 ذات 6 أو 8 سلندر (باستثناء SRT8):
http://www.dodge.com/download/pdf/manuals/2006_LX_Charger.pdf?myyear=12&myvehicle=1&o-download-button.x=37&o-download-button.y=12

انظر الصفحة 288 على الي قلته لك.
الكتالوجات عامة في تعليماتها , و لا يحسب المصنع حساب لغير بلده في ظني حتى و إن كان كتالوج المصنع. المنطق و العلم مقدم المصنع.

لكن نرجع للصوت.. أعيد عليك بأن المشكلة ليست خطيرة و المطلوب وزن البولف , طبعًا الوزنية تحصل على التكايات كما أفاد مركز جوانا و ذلك عبر برغي على التكاية و يجب ابتعاده عن الصمام بمقدار معين يكون معروف في أدلة الصيانة المتوفرة من الشركة المصنعة ؛ لأنه مع الزمن ترتخي البراغي و تزيد الفجوة مما يسبب صوت (تك تك تك...) خفيف.
هذه مقاطع توضح الكيفية:
http://www.youtube.com/watch?v=kcsPfn2XkZw

http://www.youtube.com/watch?v=-zs98cI-zXQ

تسلم ياعسل ماقصرت

كلمت مهندس في جده كنت اتعامل معه اول وشغله تمام مرة
قال فيه واحد نفس مشكلتك غير زيت اسمه موبيل سوبر سينت وسعر العبلة 55 ريال
الغريب اني لفيت السوق مالقيت هالزيت ومدري اذا اسمه صح او لا
ياليت اذا احد يعرفه يفيدني ...

اخووي لو تصور لنا الصوت فيديو يكون افضل وابلغ من الكلااام

بخصوص الورش صراحة في مكة مافي ورش يعتمد عليها في هاذي الشغلات
وفك مكينة ووزن

لو تبغا تصفية عند 3 ورش امريكي في مكة كلها محتررمة

وحدة اسمها السعودي الأمريكي تمام بس غاليين وقريبين من سعرالوكالة

ورشة ام القرى بشارع الجزائر يشتغلون بـ امانة واقدر اعطيك رقم المهندس لانه زحححمة والشغل بالحجز


وورشة اسمه التقنية او شي زي كذا في طريق جدة القديم يمدحوها بس ماقد جربتها

لكن مانصحك تفك الرؤوس عندهم ماقيد جربتهم

جدة الورش ملياانة ومجمعات كبيرة ونااس فاهمة

وانصحك بورشة العالمية صحيح اسعارهم غالية لكن شغلهم تمام

ولازم تكون فاهم ممكن السوري ينصب (مشرف الورشة ) عليك في بعض الأشياء

لكن شغلهم على الضمان بمعنى الكلمة

وبعض الناس يقولو انهم نصابين لكن روح اكشف عندهم مانت خسراان وشوف ايش يقولون مانت خسران

بالتوفيق لك وكان الله في عونك

6 سلندر 3.5 لتر
والصوت له 6 شهور تقريبا لكن اول كان خفيف لما كان الزيت 20w50
وضليت فتره على هالزيت
وبعدين غيرته الى 30w10 وزاد الصوت وماعاد راح ابد يعني حتى وانا ماشي تقول حراثه ماشيه مو تشارجر
يعني بصراحه طفشتني على الاخر

مدري هل ارجع على الزيت الاول ولا لا؟ علما بأن المهندس قال ارجع عليه افضل لان السياره موديل 2006 وماراح يضرها ومدري صراحه

بكم تقريبا التكايات وبعدين سمعت ان مالها تكايات يقولون لها عصافير!!
وهل تاخذ وقت في التركيب ؟
لان سمعت ان الراس لازم ينفك وشغلته شغله

لا راحت المشكله بس بيني وبينك انا اطول على الزيت مره وراعي الورشه محذرني المره الاولى
المره الثانيه تعبت على بال ماحصلت القطع والحمد لله لقيتها وركبتها وراح الصوت
طبعا القطعه عباره عن طقم كامل تكايات بلوف
كم سلندر سيارتك ؟
والصوت هل هو من زمان موجود ولا طلع فجاءه ؟

وعليكم السلام هلا فيك اخوي

والله مشكله طيب وش الحل اجل
يعني لو غيرت التكايات راح تخرب مرة ثانية؟
طيب وانت وش سويت مع مشكلتك باقي فيه ولاراحت ؟

تسلم اخوي مشكور على تفاعلك

طيب كيف اتاكد ان الطرمبة عطلانه
وهل تقصد بالصبابات التكايات ؟